1 Kings 1:5 - De Beebaa Dabu

⁵ Gai Adonijah, tama daane a David ma Haggith, ne lodo maolunga ga hagataba, “Go au e gaavee de nohoanga hodooligi.” Gai ia ne hagadabena hanu hada ma hanu daane e kage i honga hoosa, ma e dinolima daane gi saavini i ono mada i mua.

1 Kings 1:5 Referans Kwoze

2 Samuel 15:1

Dua mee nei, gai Absalom ne hai dahi hada moona ma hanu hoosa, aama e dinolima daane gi saavini i ono mada i mua.

2 Samuel 3:4

togohaa go Adonijah, dono dinana go Haggith; togolima go Shephatiah, dono dinana go Abital;

Luke 18:14

Au e hai adu gi goodou, taane nei ne ahe gi dono hale gu hagaheohi, aagai taane ange laa teai. Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

Luke 14:11

Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

Isaiah 2:7

Delaadeu henua e honu i goolo ma selevaa, gai gu lagolago olaadeu goloa hagamogomogo. Honga delaadeu henua gu honu i denga hoosa, gai gu lagolago hogi olaadeu hada hebagi.

Proverbs 18:12

De hagaodi o de lodo maolunga o tangada go de magau, gai de hagaodi o de lodo maolalo go de hagadubu.

Proverbs 16:18

De hagaodi o de hagamaolunga go de magau, gai de hagaodi o de lodo maolunga go tee sula o tangada.

1 Chronicles 29:1

Gai de hodooligi go David ga hai ange gi dangada alodahi, “Dagu dama go Solomon, taane a de Maadua gu hili, goi gauligi huu gai tigi madua dana maanadu. Gai de hegau nei se hegau laumalie, go hiidinga de hale danuaa nei e dee se hale niio dahi dangada, gai se mommee e niio Tagi Maolunga de Maadua.

1 Chronicles 28:5

Gai ne soa dama a Tagi Maolunga gu gaamai gi de au, gai ia gu hili dagu dama go Solomon gi hodooligi i de nohoanga hodooligi o Tagi Maolunga i Israel alodahi.

1 Kings 2:24

Gai au e hagatoo donu i de mouli o Tagi Maolunga, go de ia ne haia ga too donu, dogu noho i honga de nohoanga hodooligi o dogu damana go David, ma de hai dogu hagadiilinga gi hodooligi, bei dana hai gu hagatoo donu ai laa: Adonijah e daa donu gi magau ailaa nei!”

1 Kings 1:11

Gai Nathan ga ssili ange gi Bathsheba, tinana o Solomon, “Koe gu langona naa bolo Adonijah, tama daane a Haggith gu hodooligi, gai taadeu dangada aamua go David e dee iloo donu e ia?

Exodus 9:17

Gai koe e duudagi donu huu de hagamaolunga huu i dogu huaadangada, koe tigi dugu donu gilaadeu gi hulo.

1 Chronicles 3:2

togodolu go Absalom, dono dinana go Maacah, tamaa hine a Talmai, de hodooligi o Geshur; togohaa go Adonijah, dono dinana go Haggith;

Judges 9:2

“Goodou siilia ange gi dangada o Shechem, hai ange, ‘Dee hee de mee e danuaa adu gi goodou: go de hai denga dama daane dinohidu alodahi a Jerub-Baal gi dagina goodou, aabe go de hai dahi gilaadeu gi dagina goodou?’ Gai goodou e dee ngalo bolo au se dangada donu niiodou.”

1 Kings 1:4

Gai ia se damaa hine mahamaha mmao; gai go ia ne diiloo ange de hodooligi ma de hai ange ana mee; aagai de hodooligi tee hagahebaa ma ia.

1 Kings 2:15

Ia ne hai ange, “Koe e iloo bolo niiogu donu de nohoanga hodooligi. Gai Israel alodahi ne llodo e hai au gi hodooligi. Aagai iainei gu sui denga mee, gai de nohoanga hodooligi gu gaavange gi dogu daina, go hiidinga de mee nei go Tagi Maolunga ne haia.

1 Kings 2:13

Muli mai gai Adonijah, tama daane a Haggith, ne humai gi daho Bathsheba, tinana o Solomon. Gai de hine laa ga ssili ange, “Koe ne humai naa i hiidinga o de nnoho paba?” Adonijah ne hai ange, “Uaa, au ne humai i hiidinga o de noho paba.”