1 Kings 1:33 - De Beebaa Dabu

³³ Gai de hodooligi ga hai ange gi gilaadeu, “Gaavee madali goodou denga dagi e hai hegau mai laa gi de au, gai goodou ga hai dagu dama go Solomon gi gage i honga dagu donkey, ga dagi iho gi gaogao de vai go Gihon.

1 Kings 1:33 Referans Kwoze

2 Chronicles 32:30

Deenei Hezekiah ne bonodia laa ssaalingaa vai i de mommee e mua gi lunga i Gihon, ga hai denga vai gi ssali gi hulo gi baasi dai de aduhale o David. Gai ana hegau alodahi ne hai ne ssula danuaa.

1 Kings 1:38

Gai tangada haimeedabu go Zadok, ma de pelaabisi go Nathan, ma Benaiah, tama daane a Jehoiada, ma de gau Kereth ma de gau Peleth ga hulo ga hakage ange Solomon gi honga de donkey a de hodooligi go David, ga gave iho ai ia gi de vai go Gihon.

2 Chronicles 33:14

Muli mai gai ia ne hagaahe age de buibui laa daha o de aduhale o David, i baasi dai o de vai go Gihon i lo te geelonga, ga hano ai gi de Haitoga o denga Mamu, ma de holiage mai laa luu baasi tuuduu go Ophel; ia ne hai hogi de buibui laa gi kii ange de maolunga. Gai ia ga hai dagi o de hebagi gi nnoho i lodo aduhale buibui alodahi o Judah.

1 Kings 1:5

Gai Adonijah, tama daane a David ma Haggith, ne lodo maolunga ga hagataba, “Go au e gaavee de nohoanga hodooligi.” Gai ia ne hagadabena hanu hada ma hanu daane e kage i honga hoosa, ma e dinolima daane gi saavini i ono mada i mua.

Leviticus 19:19

Koe gi daohia agu mee gu hagasauaa. Aude hagahai dama ina dau manu i dahi hagadaagangaa manu gee. Aude dooa dau veelenga i e lua hagadaagangaa golee. Aude gahu i malo e hai i e lua hagadaagangaa huga malo.

Genesis 41:43

Gai ia ga hai Joseph go dono dogolua ga hai ia gi hano saele i dahi hada hodooligi, gai dangada ne hevaalogi i ono mada i mua ga hagataba, “Goodou duuduli ino ange gi de ia!” Deenei de hai a Pharaoh ne hai ai Joseph gi dagi i honga de henua alodahi go Egypt.

2 Samuel 13:29

Gai de gau hai hegau o Absalom ne daa Amnon ga magau, bei de hai a Absalom gu tala ange ai. Gai dama alodahi a de hodooligi ne kage i honga alaadeu donkey ga saavini ga hulo gee mai i kilaa.

1 Chronicles 29:22

Gai gilaadeu ga gaimee ma de unu i mada luu mada o Tagi Maolunga i de malangilangi i de laangi laa. Gai gilaadeu ne hai Solomon tama a David gi hodooligi i de lua hanonga, ga hagadabu ia i de lolo gi hodooligi i mada luu mada o Tagi Maolunga, gai go Zadok tangada haimeedabu.

1 Kings 2:35

Gai de hodooligi ga hai Benaiah, tama daane a Jehoiada, gi suuia tuulanga o Joab tagi o denga daane hebagi, gai ia ne gaavange a Zadok gi suuia tuulanga o tangada haimeedabu go Abiathar.