1 Kings 1:25 - De Beebaa Dabu

²⁵ Anailaa nei, gai ia gu hano ma gu sigidaumaha hanu kaau daane, ma kaau pedi, aama ssiibi lagolago. Gai ia ga gauna ange denga dama daane alodahi a de hodooligi, ma dagi o de hagabuulinga hebagi, ma tangada haimeedabu go Abiathar. Gai iainei gilaadeu e gaimee ma de unu madali ia, ma de hagataba, ‘Gi daulooloa de mouli o de hodooligi go Adonijah!’

1 Kings 1:25 Referans Kwoze

1 Samuel 10:24

Gai Samuel ga hai ange gi dangada alodahi, “Goodou kalo ange diiloo taane a Tagi Maolunga gu hili! E deai ange donu se dangada e bei ono dagodo i magavaa o dangada alodahi.” Gai dangada alodahi ga hevaalogi, ga hagataba, “Gi daulooloa de mouli o de hodooligi!”

1 Kings 1:19

Ia gu hai ssigidaumaha i hanu kaau daane, ma kaau pedi, ma ssiibi lagolago, ma gu gauna ange denga dama daane alodahi a de hodooligi gi taonga, ma Abiathar, tangada haimeedabu, ma Joab, tagi o denga daane hebagi; aagai ia tee gauna ange doo dangada hai hegau go Solomon.

1 Kings 1:9

Gai Adonijah ne daa hanu ssiibi ma kaau, aama hanu kaau pedi i de mommee iai de hadu o Zoheleth, i gaogao o En Rogel. Gai ia ne gauna ange ono daina daane, go dama daane alodahi a de hodooligi, ma dagi alodahi o Judah,

Luke 19:38

ga hagataba, “E manuuia de hodooligi e humai i de ingoo o Tagi Maolunga! Gi dagodo de baba i de langi ma de mahamaha i de mommee maolunga mmao!”

Matthew 21:9

Gai dangada e hulo laa i ono mada i mua ma gilaadeu e loadu i ono dua ne hevaalogi, ga hagataba, “Hosanna ange gi Tama a David! E manuuia Tangada e humai i de ingoo o Tagi Maolunga! Hosanna i de mommee maolunga mmao!”

2 Chronicles 23:11

Gai Jehoiada ga hagasao mai tama daane a de hodooligi, ga hagauda ange de hau hodooligi gi honga dono biho, ga gaavange gi de ia dahi beebaa iai muna o de hagatoo donu hagaheloongoi, ma de hai ia gi hodooligi. Gai Jehoiada ma ana dama daane ga hagadabu ia i de lolo, gai dangada ga hevaalogi ga hagataba, “Gi daulooloa de mouli o de hodooligi!”

1 Chronicles 29:21

Gai gilaadeu ne hai denga sigidaumaha ange gi Tagi Maolunga, ma denga sigidaumaha dudu ange gi de ia i de laangi i ono dua: e mano kaau daane, e mano ssiibi daane, e mano ssiibi gauligi, madali denga mee unu, aama denga hagadaagangaa sigidaumaha ange laa i hiidinga o de gau Israel alodahi.

1 Chronicles 29:13

Demaadeu Maadua, gimaadeu e hagaahe adu de abodonu gi de goe, ma de tuhi doo ingoo mahamaha.

2 Kings 11:12

Gai Jehoiada ga hagasao mai tama daane a de hodooligi, ga hagauda ange de hau hodooligi gi honga dono biho. Gai ia ga gaavange gi de ia dahi beebaa iai muna o de hagatoo donu hagaheloongoi; gai gilaadeu ga hagadabu ia i de lolo ga hai ia gi hodooligi. Gai dangada ga baabaa lima, ga hagataba, “Gi daulooloa de mouli o de hodooligi!”

1 Kings 1:34

Gai tangada haimeedabu go Zadok, ma de pelaabisi go Nathan ga hagadabu ia i de lolo gi hodooligi i Israel; gai goodou ga ili denga hanga manu ga hagataba, ‘Gi daulooloa de mouli o de hodooligi go Solomon!’

2 Samuel 16:16

Gai Hushai, taane Erek, ssoa o David ne humai gi daho Absalom, ga hai ange gi de ia, “Gi daulooloa de mouli o de hodooligi! Gi daulooloa de mouli o de hodooligi!”

Matthew 22:4

Ia ne ahe ange hogi ga hai gi hulo hanu ono dangada hai hegau, ga hai ange, ‘Goodou hai ange gi gilaadeu gu ssala ange gi taonga: Tilo, au gu hagadabena mee e hai ai dagu daonga; au gu daa denga kaau daane ma kaau gu haangai ma gu pedi, gai gu lava mee alodahi; goodou loomai gi taonga hagahai bodu!’

1 Kings 1:24

Gai Nathan ga hai ange, “Dogu dangada aamua go de hodooligi, koe gu hagadaba laa bolo go Adonijah e suuia goe e hodooligi ai, ma de noho i honga doo nohoanga hodooligi?

1 Kings 1:39

Gai tangada haimeedabu go Zadok ga kave de hanga manu iai laa lolo, mai i lo te hale malo dabu laa, ga hagadabu ai Solomon. Gai gilaadeu ga ili denga hanga manu, gai dangada alodahi ga hevaalogi ga hagataba, “Gi daulooloa de mouli o de hodooligi go Solomon!”

1 Kings 2:15

Ia ne hai ange, “Koe e iloo bolo niiogu donu de nohoanga hodooligi. Gai Israel alodahi ne llodo e hai au gi hodooligi. Aagai iainei gu sui denga mee, gai de nohoanga hodooligi gu gaavange gi dogu daina, go hiidinga de mee nei go Tagi Maolunga ne haia.

2 Kings 9:13

Gai denga daane laa alodahi ga hagaui olaadeu malo laa daha ga hhola ange gi honga de gaagenga oona e duu ai laa. Gai gilaadeu ga ili de hanga manu, ga hevaalogi ga hagataba, “Jehu gu hodooligi!”

2 Kings 11:14

Gai ia gu gidee de hodooligi e duu i gaogao tuludulu, bei dagodo o delaadeu dahulinga. Gai denga dagi ma de gau e ilihia denga trumpet e tuu i gaogao de hodooligi, gai dangada alodahi o de henua e malangilangi ma de ili denga trumpet. Gai Athaliah ga ssae ono malo ga hagadaba, “Goodou gu hai too! Goodou gu hai too!”