1 Kings 1:23 - De Beebaa Dabu

²³ Gai gilaadeu ga hai ange gi de hodooligi, “Nathan, de pelaabisi, gu humai.” Gai de masavaa huu oona ne ulu mai ai gi mada i mua o de hodooligi, gai ia ga ino gi lalo ga hagabaa luoono mada gi honga de gelegele.

1 Kings 1:23 Referans Kwoze

1 Peter 2:17

Goodou hagadubu ina dangada alodahi: aaloha ange gi denga daina ange laa, madagu i de Maadua, gai hagadubu ina de hodooligi maolunga.

Romans 13:7

Hagao ina mee alodahi oodou e muli ange ai gi dangada: e dee hilihili be go taagisese, be go taagisese o denga goloa ma alahenua, aabe go de hagadubu.

1 Kings 1:16

Gai Bathsheba ne hano ga duuduli ga hagadubu de hodooligi. Gai de hodooligi ga ssili ange gi de ia, “Se aha oou e lodo ai?”

1 Kings 1:22

De masavaa a de hine laa e tala ange ai muna laa gi de hodooligi, gai de pelaabisi go Nathan gu ulu mai hogi.

1 Kings 1:24

Gai Nathan ga hai ange, “Dogu dangada aamua go de hodooligi, koe gu hagadaba laa bolo go Adonijah e suuia goe e hodooligi ai, ma de noho i honga doo nohoanga hodooligi?

1 Samuel 20:41

Gai de masavaa huu o tama daane gauligi laa ne hano gee ai, gai David ga sao mai i gaogao o de hagabuudungaa hadu laa ga ino gi honga de gelegele i mada i mua o Jonathan i e dolu hanonga. Gai gilaau ga hagadau oso ma de tangi, gai David gu kona donu dono dangi.