1 Kings 1:17 - De Beebaa Dabu

¹⁷ Gai ia ga hai ange gi de ia, “Dogu dangada aamua, koe ne hagatoo donu mai gi de au, doo hahine hai hegau, i de ingoo o Tagi Maolunga doo Maadua, bolo go dagu dama daane go Solomon, e gaavee doo nohoanga hodooligi.

1 Kings 1:17 Referans Kwoze

1 Kings 1:13

Hagamoolau hannoo gi daho de hodooligi go David, hai ange gi de ia, ‘Dogu dangada aamua, koe tee hagatoo donu mai laa gi de au bolo go dagu dama daane go Solomon, e gaavee doo nohoanga hodooligi? Gai gu aha Adonijah gu kave ai laa doo nohoanga hodooligi?’

1 Kings 1:30

ailaa nei gai au e hagassula agu muna gu hagatoo donu adu ai gi de goe, i de ingoo o Tagi Maolunga, de Maadua o Israel: go dau dama daane go Solomon e hodooligi i ogu dua, gai go ia e gaavee dogu nohoanga hodooligi.”

1 Peter 3:6

bei de hai a Sarah ne hagallongo ange ai laa gi Abraham, ga hagahi ange tangada aamua gi de ia. Gai goodou ni dama niiana, noo goodou e hai hegau i de mee heohi gai e deai donu se mee oodou e maatagu ai.

Genesis 18:12

Gai Sarah ga gadagada i ono lodo ga hagadaba, “Au gu madumadua, gai dogu dangada aamua gu madumadua hogi; gai e maua huu e gimaau i de hagahebaa?”

1 Kings 1:16

Gai Bathsheba ne hano ga duuduli ga hagadubu de hodooligi. Gai de hodooligi ga ssili ange gi de ia, “Se aha oou e lodo ai?”

1 Kings 1:18

Gai anailaa nei, gai Adonijah gu hodooligi, gai koe, dogu dangada aamua go de hodooligi, e dee iloo donu.

1 Kings 1:14

Gai au e hanadu naa hogi gi daho de hodooligi i de masavaa oou e basa ange ai gi de ia, ga hagadonu ai au muna gu tala ange gi de ia.”