1 Kings 1:16 - De Beebaa Dabu

¹⁶ Gai Bathsheba ne hano ga duuduli ga hagadubu de hodooligi. Gai de hodooligi ga ssili ange gi de ia, “Se aha oou e lodo ai?”

1 Kings 1:16 Referans Kwoze

1 Samuel 25:23

De masavaa huu a Abigail ne gide ai David, gai ia ga hagamoolau ga iho mai i honga dana donkey, ga duuduli ga ino gi lalo i honga de gelegele i gaogao luu vae o David.

1 Samuel 24:8

Gai David ne sao mai i lo te haonga laa ga hagahi a Saul, ga hai ange, “Dogu dangada aamua, go de hodooligi!” Gai a Saul ga huli dua gu gidee e ia David, ia e duuduli ma e ino gi honga de gelegele e hagadubu ai ia.

1 Samuel 20:41

Gai de masavaa huu o tama daane gauligi laa ne hano gee ai, gai David ga sao mai i gaogao o de hagabuudungaa hadu laa ga ino gi honga de gelegele i mada i mua o Jonathan i e dolu hanonga. Gai gilaau ga hagadau oso ma de tangi, gai David gu kona donu dono dangi.

Matthew 20:32

Gai Iesu ne duu ga hagahi gilaau ga ssili ange, “Se aha ooluu e llodo au gi haia adu mooluu?”

Matthew 20:21

Iesu ne ssili ange gi de ia, “Se aha oou e lodo ai?” De hine nei ne hai ange gi Iesu, “Dugua ange luaagu dama gi nnoho madali goe i honga doo nohoanga hodooligi, dahi i doo baasi madau, gai dahi i doo baasi masui.”

Esther 7:2

Gai de hodooligi ga hai ange hogi gi Esther, i de masavaa olaadeu e unu ai uvaini i de hagalua laangi, “De hine hodooligi go Esther, se aha oou e lodo e dangidangi mai ai? Be se aha naa huu oou e dangidangi ai, gai e hai donu gi bei, ga dae ai loo gi dahi luu baasi o dogu nohoanga hodooligi.”

1 Kings 2:20

Gai ia ga hai ange, “E dahi damaa mee aagu e lodo e dangidangi adu ai gi de goe. Gai koe gi dee daohia dogu mee e lodo ai.” Gai de hodooligi ga hai ange, “Tinana, dangidangi mai i doo mee e lodo ai, go hiidinga au e dee daohi naa donu.”

1 Kings 1:23

Gai gilaadeu ga hai ange gi de hodooligi, “Nathan, de pelaabisi, gu humai.” Gai de masavaa huu oona ne ulu mai ai gi mada i mua o de hodooligi, gai ia ga ino gi lalo ga hagabaa luoono mada gi honga de gelegele.

1 Kings 1:15

Gai Bathsheba ne hano gi lo te aabi o de hodooligi (de masavaa laa gai de hodooligi gu madumadua, gai go Abishag, de hine Shunem, e diiloo ange ia).

1 Kings 1:17

Gai ia ga hai ange gi de ia, “Dogu dangada aamua, koe ne hagatoo donu mai gi de au, doo hahine hai hegau, i de ingoo o Tagi Maolunga doo Maadua, bolo go dagu dama daane go Solomon, e gaavee doo nohoanga hodooligi.