1 Kings 1:1 - De Beebaa Dabu

¹ De masavaa o de hodooligi go David ne madumadua ai, gai ia gu dee maua gi mahanahana danuaa, i de masavaa e haolia ange ai ia i denga malo.

1 Kings 1:1 Referans Kwoze

Psalm 90:10

Gai de lagolago o odaadeu ngadau e mouli ai se madahidu, aabe e madavalu, noo gidaadeu e mmahi; aagai laangi laa iai de hai ngadaa ma taemaha, gai e moolau donu de odi, gai gimaadeu e lele ga hulo.

1 Chronicles 23:1

De masavaa o David ne madumadua ai, gai ia ne hai dana dama daane go Solomon gi hodooligi i Israel.

2 Samuel 5:4

De masavaa o David ne dae ange ai ga hodooligi, gai ia gu matolu ono ngadau, gai ne madahaa ono ngadau alodahi ne hodooligi ai.

Genesis 24:1

De masavaa laa gai Abraham gu madumadua, gai gu lagolago ono ngadau ne mouli ai, gai Tagi Maolunga gu hagamanuuia ia i mee alodahi.

Genesis 18:11

De masavaa laa gai Abraham ma Sarah gu madumaatua. Gai Sarah gu ui ono masavaa e hai ai magi o denga haahine.

Luke 1:7

Aagai e deai selaau dama, go hiidinga Elizabeth se hine dee hua, gai gilaau ngaadahi gu madumaatua.

2 Samuel 24:25

Gai David ne hagaduu dahi mommee o ssigidaumaha ange gi Tagi Maolunga i kilaa, ga hai ai denga sigidaumaha dudu ma sigidaumaha hagadanuaa magavaa. Gai Tagi Maolunga ga hagallongo dana dangidangi i hiidinga o de henua, gai de mee hagamaakau laa gu aau gee mai i Israel.

1 Kings 1:2

Gai ono dangada hai hegau ga hai ange gi de ia, “De hodooligi, gidaadeu ga ssala dahi bua moe gi humai gi oo daha, gi diiloo adu ai goe. Gai ia ga dagodo i oo gaogao e hagamahanahana ai goe.”

1 Kings 1:15

Gai Bathsheba ne hano gi lo te aabi o de hodooligi (de masavaa laa gai de hodooligi gu madumadua, gai go Abishag, de hine Shunem, e diiloo ange ia).

Ecclesiastes 4:11

E bei ai hogi, noo e dogolua dangada e hebaa ma e daakodo ai, gai gilaau e mahanahana. Aagai dee hee de hai o dahi dangada sogosogo e maua ai gi mahanahana?

Joshua 13:1

De masavaa o Joshua ne madumadua ai, gai Tagi Maolunga ga hai ange gi de ia, “Koe gu madumadua, gai goi lagolago huu mommee i de henua oodou tigi kave.