1 John 4:9 - De Beebaa Dabu

⁹ Gai deenei de hai a de Maadua ne hagaago mai ai dono aloha gi gidaadeu: ia ne gave iho dana Dama Daane dagidahi gi henua i lalo, gi maua ai e gidaadeu de mouli i ono hiidinga.

1 John 4:9 Referans Kwoze

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

1 John 5:11

Gai aanei muna o de tala hagadonu: de Maadua gu gaamai gi gidaadeu de mouli e dee ngado mai, gai de mouli nei e dagodo i daho dana Dama.

Romans 8:32

De Maadua tee daohi donu dana Dama i gidaadeu, aagai ne gaavange ia e daa gi magau i odaadeu hiidinga alodahi, gai e dee kii ange laa dana mau i de gaamai mee alodahi gi gidaadeu madali dana Dama?

John 6:57

Tamana e mouli laa ne hai au gi humai, gai au e mouli i hiidinga o Tamana, deenei ai, be goai e gaina dogu angaanga e mouli i ogu hiidinga.

1 John 4:10

Gai deenei tagodo o de aloha: e dee go gidaadeu ne aaloha ange gi de Maadua, aagai go ia ne aloha mai gi gidaadeu ga gave iho dana Dama Daane e hai ai ssigidaumaha e tala ai odaadeu haisala.

1 John 3:16

Gai deenei taadeu hai e iloo ai dagodo o de aloha abodonu: Iesu Klisdo ne gaavange dono mouli i odaadeu hiidinga. Gai gidaadeu gi gaavange hogi odaadeu mouli i hiidinga odaadeu daina.

John 10:10

Tangada gaiaa se humai e gaiaa, ma de daa gi maakau aama de oha; au ne humai gi maua ai e gilaadeu de mouli, go de mouli e honu abodonu.

John 6:51

Go au de pelaoaa o de mouli ne hano iho mai i de langi; be goai e gaina de pelaoaa nei, gai ia e mouli ga hano ai. Gai de pelaoaa aagu e gaavange e hagamouli ai henua i lalo go dogu angaanga donu.”

John 3:18

Gai tangada e hagadonusia e dee hagaduasala donu, aagai be goai e dee hagadonusia gu lava donu i de hagaduasala, i hiidinga ia e dee hagadonusia Tama dagidahi a de Maadua.

Hebrews 1:5

Gai goai tangada de langi a de Maadua gu hai ange laa, “Go koe dagu Dama Daane; anailaa nei gai go au doo Damana”? gai ia gu hagadaba hogi, “Au e hai naa go dono Damana, gai ia e hai naa go dagu Dama”?

John 8:42

Iesu ne hai ange gi gilaadeu, “Noo go de Maadua doodou damana, gai goodou e aaloha i de au, go hiidinga au ne humai donu i daho de Maadua. Au tee humai donu huu i de au, gai go ia ne haia nei au gi humai.

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

Mark 12:6

Gai e dahi ange donu huu dangada aana e maua i de hai gi hano: go tama daane oona e aloha ai laa. Muli mai gai ia ne hai ia gi hano gi daho de gau laa, ga hagadaba, ‘Gilaadeu e hagadubu naa donu dagu dama daane.’

1 John 4:16

Gai gidaadeu gu iloo ma de hagadonusia de aloha o de Maadua i gidaadeu. De Maadua go de aloha, gai tangada e mouli i de aloha e noho i lodo o de Maadua, gai de Maadua e noho i ono lodo.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 6:29

Iesu ne hai ange gi gilaadeu, “Aanei hegau a de Maadua: goodou hagadonusia de ia aana gu hai gi humai.”

John 8:29

De ia ne hai laa au gi humai e noho madali au. Ia e dee tili donu au, go hiidinga au e hai mee oona e malangilangi ai i masavaa alodahi.”

John 5:23

gai gi odi ai dangada alodahi i de hagadubu Tama, bei delaadeu hagadubu Tamana. Tangada e dee hagadubulia Tama e dee hagadubu hogi Tamana ne haia laa gi humai Tama.

Psalm 2:7

Au e hagailoo hainga a Tagi Maolunga gu hagasauaa; ia ne hai mai gi de au, “Go koe dagu Dama Daane, anailaa nei gai go au doo Damana.

Genesis 22:2

Gai de Maadua ga hai ange, “Gaavee dau dama dagidahi go Isaac, go tama oou e aloha ai, ma gi hano gi de mommee go Moriah. Gai koe ga daa ia ga hai ai dahi sigidaumaha dudu, i honga de mounga aagu e hagaago adu gi de goe.”

John 9:3

Iesu ne hai ange, “E dee go haisala o taane nei aabe go luoono maadua ne hidi ai de mee nei, gai de mee nei ne hai e hagaago mai ai dagodo hegau hagalele mouli a de Maadua i ono daha.

1 John 5:13

Au e sisi adu mee nei gi goodou gu hagadonusia de ingoo o Tama Daane a de Maadua, gi iloo ai e goodou bolo goodou gu maua donu de mouli e dee ngado mai.