1 John 4:20 - De Beebaa Dabu

²⁰ Noo tangada e hagadaba bolo ia e aloha i de Maadua, aagai e kino i dono daina, gai ia se dangada hadu muna. Gai tangada e dee aloha i dono daina aana e gidee laa, e dee maua donu i de aloha ange gi de Maadua aana e dee gidee laa.

1 John 4:20 Referans Kwoze

1 John 3:17

Noo tangada e hanu ono goloa, gai ia e gidee dahi ono daina e duasala, aagai ia e dee abodonu ange gi de ia, gai dee hee dana hai e tala ai bolo de aloha o de Maadua e dagodo i ono daha?

1 John 2:9

Be goai e hagadaba bolo ia e seesee i de maalama aagai ia e kino i dono daina, gai ia goi noho donu huu i lo te gohu.

1 John 4:12

Tigi ai donu se dangada ne gidee e ia de Maadua; gai noo gidaadeu e hagadau aaloha, gai de Maadua e noho donu i odaadeu lodo gai dono aloha gu honu abodonu i odaadeu lodo.

1 John 2:4

Tangada e hagadaba, “Au e iloo ia” aagai e dee daohi ana muna, se dangada hadu muna, gai e deai donu se muna abodonu e dagodo i ono lodo,

1 John 2:11

Aagai tangada e kino i dono daina e noho donu i lo te gohu ma de seesee i lo te gohu, ia e dee gidee danuaa dono haiava e seesee ai, go hiidinga de gohu gu haoli luoono mada.

1 Peter 1:8

E dee galemu donu goodou tee gidee ia, gai goodou e aaloha i de ia; e dee galemu donu goodou e dee gidee ia iainei, gai goodou e hagadonusia ia ma de malangilangi i de malangilangi e dee maua laa i de tala ono dagodo aama de lodo danuaa mmao,

1 John 1:6

Noo gidaadeu e hagataba bolo gidaadeu e buni madali ia, aagai gidaadeu e seesee i de gohu, gai gidaadeu e hadu muna ma tee hai hegau i de muna abodonu.

John 13:35

Deenei de hai a dangada alodahi e iloo ai bolo goodou ni dangada agoago niiagu, noo goodou e hagadau aaloha.”

1 John 1:8

Noo gidaadeu e hagataba bolo gidaadeu e deai odaadeu haisala, gai gidaadeu e daahanga donu huu gidaadeu, gai e deai donu se muna abodonu i odaadeu lodo.