1 John 3:24 - De Beebaa Dabu

²⁴ Be goai e daohia ana muna, gai ia e noho i lodo o de Maadua, gai de Maadua e noho i ono lodo. Gai deenei taadeu hai e iloo ai bolo ia e noho i odaadeu lodo: gidaadeu e iloo de mee nei i daho de Hagasaalunga ⌊Dabu⌋ aana gu gaamai gi gidaadeu.

1 John 3:24 Referans Kwoze

1 Corinthians 3:16

Goodou tigi tonu ange naa donu bolo goodou go de temple o de Maadua, gai de Hagasaalunga o de Maadua e noho i oodou lodo?

2 Timothy 1:14

Gai koe dagidiiloo daohia mee danuaa gu gaavadu naa gi de goe, i ssauaa o de Hagasaalunga Dabu e noho laa i odaadeu lodo.

1 John 2:6

be goai e hagadaba bolo ia e noho i lodo o de Maadua, gai ia gi seesee bei de hai o Iesu ne seesee ai laa.

1 Corinthians 6:19

Goodou e dee iloo laa bolo oodou angaanga go de temple donu o de Hagasaalunga Dabu e noho laa i oodou lodo, gai ia ne humai i daho de Maadua? Gai e dee go goodou donu e huahua i goodou;

1 John 4:7

Ogu soa hagamogomogo, gidaadeu ga hagadau aaloha; go hiidinga de aloha se mee mai i daho de Maadua, gai tangada e hai hegau i de aloha se dama donu nii de Maadua gai ia e iloo de Maadua.

John 17:21

gi buni ai gilaadeu alodahi gi dahi; bei odaau dagodo e Tamana, koe i ogu lodo, gai au i oo lodo, gai gilaadeu i odaau lodo, gi hagadonusia ai e henua i lalo bolo go koe donu ne hai nei au gi humai.

1 John 3:22

gai e maua mee alodahi odaadeu e dangidangi ai, go hiidinga gidaadeu e daohi ana muna, ma de hai ono mee e malangilangi ai.

2 Corinthians 6:16

Gai e maua gi heloongoi de temple o de Maadua ma denga diinonga? Gidaadeu go de temple o de Maadua e mouli laa; gai de Maadua gu hagadaba, “Au e noho i olaadeu lodo ma de seesee i olaadeu magavaa. Au e hai naa go delaadeu Maadua gai gilaadeu go ogu dangada.

John 10:38

gai noo au e hai hegau a dogu Damana, gai e dee galemu naa donu doodou dee hagadonu au, gai goodou hagadonusia agu hegau, gi iloo ai e goodou, aama de tonu ange bolo Tamana e noho i ogu daha, gai au e seesee i lodo o Tamana.”

John 14:17

go de Hagasaalunga o de muna abodonu. Gai de gau henua i lalo e dee maua i de kave ia gi olaadeu lodo, go hiidinga gilaadeu e dee gidee aabe e iloo ia. Gai goodou gu iloo ia, go hiidinga ia e noho madali goodou ma de noho i oodou lodo.

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.

1 John 2:3

Gai deenei taadeu hai e iloo abodonu ai bolo gidaadeu e iloo ia: noo gidaadeu e daohi ana muna.

1 John 2:5

aagai be goai e daohia ana muna, gai ni muna abodonu de aloha o de Maadua gu honu abodonu i ono daha. Deenei taadeu hai e iloo abodonu ai bolo gidaadeu e nnoho donu i ono lodo:

1 John 2:24

Gai goodou daohia mee oodou gu langona mai i taamada. Noo goodou e daohi mee nei, gai goodou e noho i lodo o Tama ma Tamana.