1 John 3:23 - De Beebaa Dabu

²³ Gai aanei ana muna: gidaadeu gi hagadonusia i de ingoo o dana Dama Daane, go Iesu Klisdo, ma de hagadau aaloha, bei dana hai gu tala mai ai gi gidaadeu.

1 John 3:23 Referans Kwoze

John 13:34

Au e gaavadu gi goodou dahi hainga hoou: goodou hagadau aaloha. Goodou hagadau aaloha bei dogu hai ne aloha adu ai gi goodou.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

John 15:12

Aanei agu muna, goodou hagadau aaloha bei dogu hai ne aloha ai i goodou.

John 6:29

Iesu ne hai ange gi gilaadeu, “Aanei hegau a de Maadua: goodou hagadonusia de ia aana gu hai gi humai.”

1 Peter 4:8

Gai de mee hagamogomogo hugadoo, go doodou hagadau aaloha, go hiidinga de aloha e haoli denga haisala lagolago.

1 John 3:11

Gai deenei de agoago oodou gu langona mai i taamada: gidaadeu gi hagadau aaloha.

1 John 4:21

Gai ia ne tala mai gi gimaadeu de muna nei: tangada e aloha i de Maadua e aloha hogi i dono daina.

1 Thessalonians 4:9

Gai e deai haigamaiana demaadeu sisi adu gi goodou dagodo o de hagadau aaloha o denga daina, go hiidinga gu lava donu i doodou agoago i daho de Maadua doodou hai e hagadau aaloha ai.

Ephesians 5:2

Goodou hai hegau i de aloha, bei de aloha o Klisdo i gidaadeu, ia ne gaavange dono mouli i odaadeu hiidinga, e hai ai ssigidaumaha nnamu kala ange gi de Maadua.

Mark 9:7

Gai dahi giliiga gu hano iho ga haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo; goodou hagalaangona ana muna!”

Matthew 22:39

De lua hainga e bei hogi de hainga nei, ‘Koe gi aloha i tangada e baa adu bei doo aloha donu i de goe.’

Acts 16:31

Gai Paul ma Silas ne hai ange, “Koe gi hagadonusia Tagi Maolunga go Iesu, gai koe aama dangada alodahi i doo hale gu hagamouli.”

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

John 14:1

“Goodou gi dee manavasaa oodou lodo; gai goodou hagadonusia de Maadua, gai gi hagadonusia hogi au.

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

1 Timothy 1:15

Muna nei ni muna abodonu gai e heohi taadeu daohi, bolo Klisdo Iesu ne humai gi henua i lalo e hagamouli ai de gau haisala, gai go au hugadoo e haisala i dangada alodahi.

John 1:12

Aagai gilaadeu alodahi e gaavee ma de hagadonusia ia, gai ia e gaavange naa gi gilaadeu ssauaa e hai ai gi ni dama nii de Maadua,

John 2:23

De masavaa oona e noho ai i Taonga Hagasili i Jerusalem, gai ne soa dangada ne hagadonusia dono ingoo, i delaadeu gidee denga hagailonga aana ne hai.

John 3:18

Gai tangada e hagadonusia e dee hagaduasala donu, aagai be goai e dee hagadonusia gu lava donu i de hagaduasala, i hiidinga ia e dee hagadonusia Tama dagidahi a de Maadua.

1 John 2:7

Ogu soa hagamogomogo, muna aagu e sisi adu nei gi goodou e dee ni muna hoou, aagai ni muna duai donu niiodou gu iloo mai i taamada age; muna duai go muna donu gu lava laa i doodou hagallongo.

1 John 4:15

Tangada e daalaa bolo Iesu go Tama Daane a de Maadua, gai de Maadua e noho i ono lodo, gai ia e noho i lodo o de Maadua.

1 John 5:13

Au e sisi adu mee nei gi goodou gu hagadonusia de ingoo o Tama Daane a de Maadua, gi iloo ai e goodou bolo goodou gu maua donu de mouli e dee ngado mai.