1 John 3:22 - De Beebaa Dabu

²² gai e maua mee alodahi odaadeu e dangidangi ai, go hiidinga gidaadeu e daohi ana muna, ma de hai ono mee e malangilangi ai.

1 John 3:22 Referans Kwoze

John 15:7

Noo goodou e nnoho i ogu lodo, gai agu muna e daakodo i oodou lodo, gai be se aha naa huu oodou e dangidangi mai ai, gai e gaavadu donu gi goodou.

John 9:31

Gidaadeu e iloo bolo de Maadua e dee hagallongo dalodalo a de gau baubau, gai ia e hagallongo dangidangi a dangada e daumaha ange gi de Maadua ma de daudali ono lodo.

Matthew 21:22

Gai be se aha naa huu oodou e dangidangi ai i talodalo, gai e gaavadu donu gi goodou, noo goodou e hagadonusia.”

1 John 5:14

Gai deenei de mee e haia gi lo taane gidaadeu i mada luoono mada: noo gidaadeu e dangidangi i dahi mee bei dagodo ono lodo, gai ia e hagallongo donu adaadeu dalodalo.

Mark 11:24

Deenei ai, au e hai adu gi goodou, be se aha naa huu oodou e dangidangi ai i talodalo, ga hagadonu bolo e maua donu, aagai e gaavadu donu gi goodou.

John 14:13

Gai be se aha naa huu oodou e dangidangi ai i dogu ingoo, gai au e hai naa donu gi bei, gai Tama ga hagamahamaha ai Tamana.

Proverbs 15:29

Tagi Maolunga e mmao gee i de gau baubau, aagai ia e hagallongo dalodalo alaadeu e heohi.

Psalm 34:4

Au ne ssala Tagi Maolunga, gai ia ne basa mai gi de au; ia ne hagaola mai au i mee alodahi oogu e madagu ai.

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.

John 8:29

De ia ne hai laa au gi humai e noho madali au. Ia e dee tili donu au, go hiidinga au e hai mee oona e malangilangi ai i masavaa alodahi.”

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

Jeremiah 33:3

Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

John 6:29

Iesu ne hai ange gi gilaadeu, “Aanei hegau a de Maadua: goodou hagadonusia de ia aana gu hai gi humai.”

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

Acts 17:30

I mua gai de Maadua tee anga ange gi de ssenga o dangada, aagai iainei ia e hai ange gi dangada i mommee alodahi gilaadeu gi daahuli olaadeu lodo.

John 15:10

Noo goodou e daudali i agu muna, gai goodou e nnoho donu i lalo dogu aloha, bei dagu hai ne daudali ai laa i muna a dogu Damana, ma de noho i lalo dono aloha.

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Isaiah 1:15

De masavaa oodou e hhola ai oodou lima ga dalodalo ai, gai au e hagammuni naa luoogu mada i goodou; gai ga dalodalo mai naa donu goodou i hanonga lagolago, gai au e dee hagallongo donu oodou dalodalo. Oodou lima e hoohonu i dodo;

Proverbs 28:9

Noo tangada e dee hagallongo ange gi de hainga, gai ana dalodalo e hakino gee donu hogi.

Psalm 10:17

Gai koe, Tagi Maolunga, ne hagallongo lodo o olaadeu e vaivai haia; koe e hagammahi ange olaadeu lodo, ma de hagallongo delaadeu tangi,

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

De Beebaa go Job 22:26

Gai koe ga malangilangi i de Ia Mmahi Mmao laa, ma de galo age gi de Maadua.

James 4:3

Goodou e dangidangi gai e dee gaavadu gi goodou, go hiidinga e dee heohi doodou mee e dangidangi ai, gai goodou ga hai ai donu huu oodou mee e llodo ai.

1 John 2:3

Gai deenei taadeu hai e iloo abodonu ai bolo gidaadeu e iloo ia: noo gidaadeu e daohi ana muna.