1 John 3:20 - De Beebaa Dabu

²⁰ noo odaadeu lodo e hagabaubau gidaadeu, gai gidaadeu e iloo bolo de Maadua e maolunga ange i odaadeu lodo, gai ia e iloo mee alodahi.

1 John 3:20 Referans Kwoze

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

1 Corinthians 4:4

Tagi i ogu lodo e dee hagabaubau au, aagai au e dee hagadaba bolo au e dee haisala. Gai go Tagi Maolunga e hagamodu ina ogu dagodo.

1 John 4:4

Aagai goodou e agu dama, goodou ni dama donu nii de Maadua, gai gu hagadee kii denga pelaabisi hadu muna laa, go hiidinga de ia e noho i oodou lodo e mmahi ange i de ia i henua i lalo nei.

Jeremiah 23:24

E aha, e maua e tangada i de mmuni i dahi mommee gi dee gidee ai e au ia? go Tagi Maolunga e hagadaba. E aha, e dee noho au i mommee alodahi i de langi ma henua i lalo? go Tagi Maolunga e hagadaba.

De Beebaa go Job 33:12

Tilo, koe e dee heohi donu i de mee nei; au e basa adu gi au muna. De Maadua e maolunga ange i tangada.

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

Psalm 90:8

Koe e gidee omaadeu baubau, gai omaadeu haisala e hagammuni laa e daakodo donu i mada luoo mada.

Titus 3:11

Gai koe gi donu ange bolo tangada bee nei e dee gilimalali ma de haisala, gai gu hagamalaia donu huu ia.

De Beebaa go Job 27:6

Au e daohi naa donu huu dogu hai hegau i de heohi; ogu lodo e gilimalali i taulooloa dogu mouli.

John 8:9

Gai ga langona huu e gilaadeu muna laa, gai gilaadeu ga daamada de hulo gee mai i kilaa, mai i de gau maatua ga hano iho ai, gai go Iesu donu huu e duu madali de hine laa i kilaa.

Hebrews 6:13

De masavaa a de Maadua ne hagatoo donu ange ai gi Abraham, gai ia ne hagatoo donu i dono ingoo donu, go hiidinga e deai ange donu se maadua e maolunga ange i de ia, e hagatoo donu ai,

Acts 5:33

De masavaa a de hagabuulinga hagasaele ne langona ai muna laa, gai gilaadeu gu llili donu ma de llodo e daa gilaadeu gi maakau.

Romans 8:34

Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

1 John 3:19

Deenei taadeu hai e iloo ai bolo gidaadeu ni dangada e dau ange gi de mee abodonu, ma de hai gi dee manavasaa odaadeu lodo i mada luu mada o de Maadua:

1 John 3:21

Ogu soa hagamogomogo, noo odaadeu lodo e dee hagabaubau gidaadeu, gai gidaadeu e lo taane i mada luu mada o de Maadua,