1 John 3:17 - De Beebaa Dabu

¹⁷ Noo tangada e hanu ono goloa, gai ia e gidee dahi ono daina e duasala, aagai ia e dee abodonu ange gi de ia, gai dee hee dana hai e tala ai bolo de aloha o de Maadua e dagodo i ono daha?

1 John 3:17 Referans Kwoze

Hebrews 13:16

Goodou gi dee ngalo de hai tanuaa ma de ngadi gaavange mee gi dangada, go hiidinga aanei denga hagadaagangaa sigidaumaha o de Maadua e malangilangi ai.

1 John 4:20

Noo tangada e hagadaba bolo ia e aloha i de Maadua, aagai e kino i dono daina, gai ia se dangada hadu muna. Gai tangada e dee aloha i dono daina aana e gidee laa, e dee maua donu i de aloha ange gi de Maadua aana e dee gidee laa.

Luke 3:11

John ne hai ange gi gilaadeu, “Be goai e lua ono malo gahu gai ia gi gaavange dahi gi tangada e deai sono malo. Gai be goai e hanu ana gai, gai ia gi gaavange hogi hanu gi tangada e deai ana gai.”

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

James 2:15

Noo dahi daina daane be se daina hahine e gahu i bulubulu malo, aabe e deai ana gai i de laangi,

Proverbs 28:9

Noo tangada e dee hagallongo ange gi de hainga, gai ana dalodalo e hakino gee donu hogi.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

1 John 5:1

Be goai e hagadonusia bolo Iesu go de Klisdo ne haanau donu i daho de Maadua, gai be goai e aloha i tamana e aloha hogi i tama ne hagadili laa i ono daha.

Proverbs 12:10

Tangada heohi e tilo danuaa ange ana manu dolodolo, aagai de lodo aloha o de gau baubau e vaivai hai dangada.

Proverbs 14:31

Tangada e vaivai haia laa tangada hagaau aloha e hagangadi mee de ia ne haia gilaau, aagai be goai e abodonu ange gi gilaadeu e duasala e hagadubu de Maadua.

Proverbs 21:13

Be goai e bonodia luoono dalinga, i de masavaa o de gau hagaau aloha e tangi ai, gai e deai naa hogi dangada e balea ange ia, i de masavaa oona e dangi ai.

James 2:16

gai dahi goodou ga hai ange gi gilaadeu, “Hannoo i de baba, koe gi mahanahana ma de gaimee gi bosu danuaa,” aagai goodou tee gaavange hanu mee e hagadanuaa ai dono angaanga — gai e hanu ai naa haigamaiana o mee nei?