1 John 3:16 - De Beebaa Dabu

¹⁶ Gai deenei taadeu hai e iloo ai dagodo o de aloha abodonu: Iesu Klisdo ne gaavange dono mouli i odaadeu hiidinga. Gai gidaadeu gi gaavange hogi odaadeu mouli i hiidinga odaadeu daina.

1 John 3:16 Referans Kwoze

Ephesians 5:2

Goodou hai hegau i de aloha, bei de aloha o Klisdo i gidaadeu, ia ne gaavange dono mouli i odaadeu hiidinga, e hai ai ssigidaumaha nnamu kala ange gi de Maadua.

John 13:34

Au e gaavadu gi goodou dahi hainga hoou: goodou hagadau aaloha. Goodou hagadau aaloha bei dogu hai ne aloha adu ai gi goodou.

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

Romans 5:8

Aagai de Maadua ne hagaago mai dono aloha i gidaadeu i dana gaamai Klisdo gi magau i odaadeu hiidinga, i de masavaa odaadeu goi nnoho ai i lodo odaadeu haisala.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

Matthew 20:28

bei dagodo o Tama a Tangada, ia tee humai gi hai hegau ange dangada gi de ia, aagai ne humai e hai hegau ange gi dangada, ma de gaavange dono mouli e hagaola ai dangada soa.”

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Ephesians 5:25

Denga daane dau bodu, goodou aaloha i oodou bodu, gi bei de aloha o Klisdo i de nohoanga dabu ma de gaavange dono mouli i ono hiidinga,

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

Romans 16:4

Gilaau ne hagahai ngadaa olaau mouli i ogu hiidinga. Gai e dee go au donu huu, gai denga nohoanga dabu alodahi o denga Gentile e hagaahe ange hogi de abodonu i olaau hiidinga.

1 John 2:6

be goai e hagadaba bolo ia e noho i lodo o de Maadua, gai ia gi seesee bei de hai o Iesu ne seesee ai laa.

John 10:15

bei de hai a Tamana e iloo ai laa au, gai au e iloo Tamana. Gai au e gaavange dogu mouli i hiidinga o denga ssiibi.

Philippians 2:17

Aagai noo dogu mouli e hai gi bei ssigidaumaha o mee unu e llingi ange laa gi honga ssigidaumaha o oodou kai, gai au e malangilangi donu ma de lodo danuaa madali goodou alodahi.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

1 Peter 1:18

Goodou e iloo bolo goodou ne hagaola mai i oodou mouli dee haigamaiana, go mee oodou ne ago mai i daho oodou damana madagidagi, gai tee hagao i hanu mee e moolau laa de llilo, bei selevaa ma goolo,

Philippians 2:30

go hiidinga ia ne dai magau donu i dana hai hegau a Klisdo; ia ne hagangadi mee dono mouli gi maua ai e ia i de hagalava mee alodahi oodou tee maua i de hai e bale mai ai au.

John 10:11

Go au donu tangada hagaloosi ssiibi danuaa. Tangada hagaloosi danuaa, e gaavange dono mouli i hiidinga o denga ssiibi.

1 Thessalonians 2:8

Gimaadeu e aloha mmao i goodou, deelaa ai, gimaadeu tee malangilangi donu huu i de gaavadu gi goodou de longo danuaa a de Maadua, aagai go omaadeu mouli hogi.

1 John 2:9

Be goai e hagadaba bolo ia e seesee i de maalama aagai ia e kino i dono daina, gai ia goi noho donu huu i lo te gohu.

2 Corinthians 4:12

Deenei ai, de magau e hai hegau i omaadeu daha, aagai e hai gi maua e goodou de mouli.