1 John 3:15 - De Beebaa Dabu

¹⁵ Tangada e kino i dono daina se dangada donu e daia tangada gi magau, gai goodou e iloo bolo e deai donu se dangada e daia tangada gi magau e dagodo de mouli e dee ngado mai i ono daha.

1 John 3:15 Referans Kwoze

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

Acts 23:14

Gai gilaadeu ne hulo gi daho de gau haimeedabu maolunga ma denga dagi, ga hai ange, “Gimaadeu gu hai dahi hagatoo donu, bolo gimaadeu e dee gaimee donu aabe unu ga dae ai gi demaadeu daa a Paul ga magau.

James 1:15

Gai dua de hagadili o de lodo baubau nei, gai de lodo nei gu haanau de haisala; gai ga madua huu de haisala, gai de haisala ga haanau de magau.

Acts 23:12

Taiao age, gai de gau Ssuu ne hai dahi hagatoo donu, bolo gilaadeu e dee gaimee aabe unu ga dae ai gi delaadeu daa a Paul gi magau.

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

Mark 6:19

Gai Herodias ne golo age mee laa i hiidinga dono lili i a John, ia ne lodo e daa a John gi magau. Aagai ia tee maua,

Matthew 5:28

Aagai au e hai adu gi goodou: be goai e galo ange gi dahi hahine e lodo ange gi de ia, gai ia gu dagodo haisala donu ma ia i ono lodo.

Genesis 27:41

Gai Esau ne golo age dono lili i Jacob, i hiidinga de hagamanuuia a delaau damana ia. Gai Esau ne hagadaba i ono lodo, “Ga odi ange naa donu huu laangi e hinangalosaa ai i dogu damana, gai au ga daa gi magau dogu daina go Jacob.”

1 Peter 1:23

Goodou gu aahe ange ma gu haanau hoou, gai tee hhaa mai i mee e hulo laa ga pobo, aagai go mee e dee maua laa gi pobo, go muna a de Maadua e mouli laa ga hano ai e dee ngado mai;

Deuteronomy 19:11

Aagai noo tangada se lili ga daa ai ga magau dahi dangada, ma de noho ga dagitilo e daa ia gi magau, muli mai gai ia e savini ga hano gi dahi aduhale nei,

1 John 2:9

Be goai e hagadaba bolo ia e seesee i de maalama aagai ia e kino i dono daina, gai ia goi noho donu huu i lo te gohu.

1 John 2:11

Aagai tangada e kino i dono daina e noho donu i lo te gohu ma de seesee i lo te gohu, ia e dee gidee danuaa dono haiava e seesee ai, go hiidinga de gohu gu haoli luoono mada.