1 John 3:14 - De Beebaa Dabu

¹⁴ Gidaadeu e iloo bolo gidaadeu gu ssao ma gu hulo gee i de magau gai gu ulu i de mouli, go hiidinga gidaadeu e aaloha i denga daina. Tangada e dee aloha gu noho donu i lalo de magau.

1 John 3:14 Referans Kwoze

1 John 5:2

Gai deenei taadeu hai e iloo ai bolo gidaadeu e aaloha i dama a de Maadua, go taadeu aaloha i de Maadua ma de daudali i ana muna.

John 13:35

Deenei de hai a dangada alodahi e iloo ai bolo goodou ni dangada agoago niiagu, noo goodou e hagadau aaloha.”

1 Thessalonians 4:9

Gai e deai haigamaiana demaadeu sisi adu gi goodou dagodo o de hagadau aaloha o denga daina, go hiidinga gu lava donu i doodou agoago i daho de Maadua doodou hai e hagadau aaloha ai.

John 5:24

Ni muna abodonu, ni muna abodonu aagu e hai adu nei gi goodou, tangada e hagalaangona agu agoago ga hagadonusia de ia ne haia nei au gi humai e maua donu de mouli e dee ngado mai. Ia e dee hagaduasala, aagai ia gu hagaui gee i de magau ma gu kave de mouli.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Hebrews 13:1

Goodou duudagi ina de hagadau aaloha bei dagodo o denga hai daina donu.

John 15:12

Aanei agu muna, goodou hagadau aaloha bei dogu hai ne aloha ai i goodou.

1 John 4:12

Tigi ai donu se dangada ne gidee e ia de Maadua; gai noo gidaadeu e hagadau aaloha, gai de Maadua e noho donu i odaadeu lodo gai dono aloha gu honu abodonu i odaadeu lodo.

1 John 3:23

Gai aanei ana muna: gidaadeu gi hagadonusia i de ingoo o dana Dama Daane, go Iesu Klisdo, ma de hagadau aaloha, bei dana hai gu tala mai ai gi gidaadeu.

1 Peter 3:8

Aanei agu muna hagaodi: goodou alodahi gi buni i de lodo daudahi, ma de hagadau abodonu, ma de hagadau aaloha o denga daina, ma de llodo aaloha ma de llodo maolalo.

Colossians 1:4

go hiidinga gimaadeu gu langona dagodo o doodou kai ange gi Klisdo Iesu, aama doodou aaloha i dangada alodahi o de Maadua,

Ephesians 1:15

Deenei ai, de masavaa huu aagu ne langona ai dagodo o doodou kai ange gi Tagi Maolunga go Iesu, ma doodou aaloha i dangada alodahi o de Maadua,

1 John 5:13

Au e sisi adu mee nei gi goodou gu hagadonusia de ingoo o Tama Daane a de Maadua, gi iloo ai e goodou bolo goodou gu maua donu de mouli e dee ngado mai.

John 15:17

Aanei agu muna adu gi goodou: goodou hagadau aaloha!

1 John 2:3

Gai deenei taadeu hai e iloo abodonu ai bolo gidaadeu e iloo ia: noo gidaadeu e daohi ana muna.

2 Peter 1:7

gai de hai lodo o de Maadua gi madali de hagadau abodonu o denga daina, gai de hagadau abodonu o denga daina gi madali de aloha.

Ephesians 2:5

ne hagamouli age gidaadeu madali Klisdo i de masavaa odaadeu goi maakau ai i lodo odaadeu haisala — goodou gu hagamouli i dono abodonu.

2 Corinthians 5:1

Gai gidaadeu e iloo bolo noo de hale malo, go odaadeu angaanga, odaadeu e mouli ai nei i henua i lalo gu maoha, gai e dahi odaadeu hale gu hagaduu i daho de Maadua, e dee se hale e hai i lima o dangada, gai se hale e dee ngado mai i de langi.

Psalm 16:3

De gau dabu i honga de henua, go gilaadeu e mahamaha, gai au e malangilangi ai.

Ephesians 2:1

Gai goodou ne maakau i hiidinga o denga hegau dee heohi ma denga haisala,

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Luke 15:32

Gai e danuaa taadeu gaimee ga lodo danuaa ma de malangilangi, go hiidinga doo daina daane gu magau, aagai gu mouli age ange hogi; ia gu dee maleva, gai gu gidee ange hogi.’ ”

Luke 15:24

Go hiidinga dagu dama daane nei gu magau, aagai gu mouli age ange hogi. Ia gu dee maleva, gai gu gidee ange hogi.’ Aagai gilaadeu ga daamada de gaimee ma de lodo danuaa.

Proverbs 21:16

Tangada e dee maanetonu laa, e dau naa madali de hagabuulinga o de gau maakau.

Luke 7:5

go hiidinga ia e aloha i taadeu huaahenua, gai go ia ne hagaduulia demaadeu synagogue.”