1 John 2:29 - De Beebaa Dabu

²⁹ Noo goodou e iloo bolo Klisdo e heohi, gai goodou e iloo hogi bolo dangada alodahi e haia de mee heohi ne haanau mai i ono daha.

1 John 2:29 Referans Kwoze

1 John 3:7

Agu dama, goodou gi dee dugu ange dahi dangada gi daahangadia goodou. Tangada e haia de mee heohi se dangada heohi, ia e bei dagodo o Klisdo, ia e heohi.

1 John 5:1

Be goai e hagadonusia bolo Iesu go de Klisdo ne haanau donu i daho de Maadua, gai be goai e aloha i tamana e aloha hogi i tama ne hagadili laa i ono daha.

John 1:13

gai gilaadeu e dee ni dama ne hagadili i de baasi gi de angaanga, be go lodo o de angaanga, aabe go de hagatau a dahi daane, gai go lodo o de Maadua.

1 John 4:7

Ogu soa hagamogomogo, gidaadeu ga hagadau aaloha; go hiidinga de aloha se mee mai i daho de Maadua, gai tangada e hai hegau i de aloha se dama donu nii de Maadua gai ia e iloo de Maadua.

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

James 1:18

Gai ia ne lodo e hagadili gidaadeu i de muna abodonu, gai ia ga hai ai gidaadeu go hua i taamada o mee alodahi aana ne hai.

1 John 5:4

gai tangada gu haanau i daho de Maadua gu kii donu i henua i lalo. Deenei de mee adaadeu e hagadee kii ai henua i lalo: go odaadeu kai.

Acts 10:35

aagai e abodonu ange gi dangada i denga huaahenua alodahi e maatagu i de ia, ma de hai hegau i de mee heohi.

2 Peter 1:4

i dana gaamai gi gidaadeu denga hagatoo donu hagamogomogo ma de maolunga mmao, gi maua ai e goodou i de kave de dabu o de Maadua, gai goodou gu ola mai i hegau hakino gee o henua i lalo, i hiidinga o denga lodo dee heohi.

1 Peter 1:3

Gidaadeu ga tuhi de Maadua ma Tamana o taadeu Dagi Maolunga go Iesu Klisdo! Ia ne hai gi maua e gidaadeu de aahe ange e haanau hoou, gi maua ai e gidaadeu de tali hagalodolodo abodonu, i de mouli age o Iesu Klisdo i de magau, i hiidinga o dono degi laumalie,

Hebrews 7:26

Gai e heohi donu de hai gi dahi odaadeu dangada haimeedabu maolunga bei ono dagodo — ia e dabu, e dee haisala, e gilimalali, ia e vvae gee ma de gau haisala, gai gu hagaamua i de langi i lunga.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Acts 22:14

Gai ia ga hai mai, ‘De Maadua o odaadeu maadua madagidagi gu hili goe e hagaago adu ono lodo gi de goe, ma de hai gi gidee e goe de Ia Heohi laa, ma de hai gi langona e goe dono leo.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

3 John 1:11

Dogu soa hagamogomogo, koe gi dee ago ange i hegau baubau nei, aagai koe ago ange i de mee danuaa. Tangada e haia tanuaa se dama donu nii de Maadua, aagai tangada e haia de baubau tigi gidee donu e ia de Maadua.

1 John 5:18

Gidaadeu e iloo bolo tangada gu haanau i daho de Maadua e dee aheahe ange ga haisala, aagai Tama dagidahi a de Maadua e hagaloosi ia, gai de ia hagabaubau e dee maua donu i de poo ange gi de ia.

1 John 3:5

Aagai goodou e iloo bolo Klisdo ne humai, gai ia ga kave gee ai odaadeu haisala. Gai ia e deai donu ono haisala.

1 John 2:1

Agu dama, au e sisi adu mee nei gi dee haisala ai goodou. Gai noo dahi goodou gu haisala, gai e dahi odaadeu ia bale e dangidangi i odaadeu hiidinga i mada luu mada o Tamana — go Iesu Klisdo, go de Ia Heohi.

1 Peter 1:23

Goodou gu aahe ange ma gu haanau hoou, gai tee hhaa mai i mee e hulo laa ga pobo, aagai go mee e dee maua laa gi pobo, go muna a de Maadua e mouli laa ga hano ai e dee ngado mai;

Hebrews 7:2

gai Abraham ne vvae ange gi de ia dahi diba i diba e madaangahulu o mee alodahi. Tahi mee deenei, de hagadoonunga o dono ingoo go “Hodooligi o de Heohi;” gai go ia hogi de “hodooligi o Salem” e bei go “de Hodooligi o de Baba.”

Jeremiah 13:23

E aha, e maua e tangada Ethiopia i de sui de leebunga o dono gili, be go de leopard i de sui denga mee daubulebule i dono gili? Gai e bei ai hogi, goodou e dee maua donu i de hai tanuaa go hiidinga goodou gu aabo i de hai de baubau.

Acts 3:14

Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.

John 7:18

Tangada e basa donu huu i dono sauaa e ssala donu huu dono hai e hagamahamaha ai; gai tangada e saalaa de hai e hagamahamaha ai tangada ne haia ia gi humai, se dangada e hai hegau i de muna abodonu, gai e deai donu se mee dee heohi i ono lodo.