1 John 2:24 - De Beebaa Dabu

²⁴ Gai goodou daohia mee oodou gu langona mai i taamada. Noo goodou e daohi mee nei, gai goodou e noho i lodo o Tama ma Tamana.

1 John 2:24 Referans Kwoze

John 14:23

Iesu ne basa ange, ga hai ange gi de ia, “Tangada e aloha i de au e daudali i agu muna. Gai dogu Damana e aloha i de ia, gai gimaau e loomai naa ga nnoho madali ia.

1 John 4:13

Gai deenei taadeu hai e iloo abodonu ai bolo gidaadeu e nnoho i lodo o de Maadua gai ia e noho i odaadeu lodo, go hiidinga ia gu gaamai dono Hagasaalunga gi noho i odaadeu lodo.

1 John 4:16

Gai gidaadeu gu iloo ma de hagadonusia de aloha o de Maadua i gidaadeu. De Maadua go de aloha, gai tangada e mouli i de aloha e noho i lodo o de Maadua, gai de Maadua e noho i ono lodo.

Revelation 3:3

Deenei ai, manadua au mee gu lava i de kave ma de longo; daohia mee laa, gai dahuli oo lodo. Aagai noo koe e dee alahage, gai au e humai naa bei dagodo o tangada gaiaa. Gai koe e dee iloo donu de aoaa oogu e dae adu ai.

1 John 2:7

Ogu soa hagamogomogo, muna aagu e sisi adu nei gi goodou e dee ni muna hoou, aagai ni muna duai donu niiodou gu iloo mai i taamada age; muna duai go muna donu gu lava laa i doodou hagallongo.

1 John 1:3

Gai gimaadeu gu tala adu hogi gi goodou amaadeu mee gu gidee ma de longo, gi buni ai gidaadeu i de mee daudahi. Gai gidaadeu gu buni madali Tamana ma dana Dama Daane go Iesu Klisdo.

John 15:7

Noo goodou e nnoho i ogu lodo, gai agu muna e daakodo i oodou lodo, gai be se aha naa huu oodou e dangidangi mai ai, gai e gaavadu donu gi goodou.

Revelation 3:11

Au e moolau naa donu de humai. Deenei ai, goodou daohia donu huu de gai i oodou daha naa, gi deai ai se dangada e gaavee gee oodou hau.

Colossians 3:16

Gai haia gi honu abodonu muna a Klisdo i oodou lodo, gai goodou ga hagadau agoago ai ma de hagadau hagakana ange ai goodou i de heiangi alodahi, ma de daahili i denga psalm ma denga daahili daumaha, ma daahili o de baasi gi de hagasaalunga, i doodou hagaahe ange de abodonu gi de Maadua i oodou lodo.

Psalm 119:11

Au e doange au muna i ogu lodo, gi dee haisala adu ai au gi de goe.

1 John 1:7

Aagai noo gidaadeu e seesee i de maalama bei ono dagodo, gai gidaadeu e buni i de lodo daudahi, gai dodo o dana Dama Daane go Iesu e hagagilimalali gidaadeu mai i odaadeu haisala alodahi.

Hebrews 3:14

Go hiidinga gidaadeu e dau madali Klisdo, noo gidaadeu e daohi gi makaga taadeu llodo mmahi mai i taamada ga dae ai gi de hagaodi.

Philippians 4:15

Goodou de gau Philippi e iloo bolo de masavaa oogu ne hano gee ai i Macedonia, i taamada o de hagadele de longo danuaa, gai go goodou donu huu ne ngadi gaamai dahi mee gi de au, teai ange donu se nohoanga dabu ne balea mai au.

3 John 1:3

Gai au ne malangilangi mmao i de masavaa o denga daina ne loomai ai ga tala dagodo o doo hai hegau i de muna abodonu, ma doo seesee i de muna abodonu.

2 John 1:2

i hiidinga o de mee abodonu gu dagodo laa i odaadeu lodo, gai e dagodo naa donu ga hano ai.

Hebrews 2:1

Deenei ai, gidaadeu ga kana ange e hai hegau i mee adaadeu gu langona, kana daahuli gee gidaadeu i mee nei.

John 8:25

Gai gilaadeu ga ssili ange gi de ia, “Gai go koe donu goai?” Iesu ne hai ange gi gilaadeu, “Au gu tala adu huu gi goodou mai i taamada age be au goai.

Luke 1:2

bei de hai ne tala mai ai gi gimaadeu i daho dangada ne gidee de hai mee nei mai i taamada, go gilaadeu ne agoago ina muna nei.

Proverbs 23:23

Hagao ina de mee abodonu, gai koe gi dee hagao ina gi daha, gai hagao ina de heiangi, ma agoago heohi, aama de donu ange danuaa.

Luke 9:44

“Hagalaangona gi tonu ange goodou gi muna nei: Tama a Tangada e dugu ange naa gi ssauaa o dangada.”

John 6:56

Be goai e gaina dogu angaanga ma de unu ogu dodo e noho donu i ogu lodo, gai au i ono lodo.

1 John 3:24

Be goai e daohia ana muna, gai ia e noho i lodo o de Maadua, gai de Maadua e noho i ono lodo. Gai deenei taadeu hai e iloo ai bolo ia e noho i odaadeu lodo: gidaadeu e iloo de mee nei i daho de Hagasaalunga ⌊Dabu⌋ aana gu gaamai gi gidaadeu.

1 John 4:15

Tangada e daalaa bolo Iesu go Tama Daane a de Maadua, gai de Maadua e noho i ono lodo, gai ia e noho i lodo o de Maadua.

2 John 1:9

Tangada e hai ga dubu ange aama tee daudali i agoago a Klisdo, de Maadua e dee noho donu i ono daha. Tangada e daudali i agoago nei, gai Tamana ma Tama Daane e nnoho donu i ono daha.