1 John 2:23 - De Beebaa Dabu

²³ Gai noo tangada e hagadee iloo Tama, gai Tamana e dee noho hogi i ono daha. Tangada e daalaa hagadonu dagodo o Tama, gai Tamana e noho donu hogi i ono daha.

1 John 2:23 Referans Kwoze

1 John 4:15

Tangada e daalaa bolo Iesu go Tama Daane a de Maadua, gai de Maadua e noho i ono lodo, gai ia e noho i lodo o de Maadua.

John 8:19

Gai gilaadeu ga ssili ange gi de ia, “I hee iai doo Damana?” Iesu ne hai ange, “Goodou e dee iloo donu au aabe go dogu Damana. Noo goodou e iloo au, gai goodou e iloo hogi dogu Damana.”

John 10:30

Gimaau ma dogu Damana e dahi donu huu.”

John 5:23

gai gi odi ai dangada alodahi i de hagadubu Tama, bei delaadeu hagadubu Tamana. Tangada e dee hagadubulia Tama e dee hagadubu hogi Tamana ne haia laa gi humai Tama.

1 John 5:1

Be goai e hagadonusia bolo Iesu go de Klisdo ne haanau donu i daho de Maadua, gai be goai e aloha i tamana e aloha hogi i tama ne hagadili laa i ono daha.

Luke 10:22

Dogu Damana gu dugu mai mee alodahi gi de au. Gai e deai donu e iloo be goai go Tama gai go Tamana donu huu; e deai ange hogi e iloo be goai go Tamana gai go Tama donu huu, aama tangada a Tama e lodo e hagaago ange aagena.”

Matthew 11:27

Dogu Damana gu gaamai gi de au mee alodahi. Gai e deai donu e iloo Tama, go Tamana donu huu; e deai hogi e iloo Tamana, go Tama donu huu, aama gilaadeu a Tama e lodo e hagaago Tamana aagena.

1 John 2:22

Gai goai tangada hadu muna? E dee go tangada e hagadaba laa bolo Iesu e dee go de Klisdo? Tangada bee nei go de hagadaumee donu o Klisdo — ia e hagadee iloo Tamana ma Tama Daane.

John 16:3

Gai gilaadeu e hai mee nei i hiidinga gilaadeu e dee iloo dogu Damana, gilaadeu e dee iloo hogi au.

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

1 John 4:2

Gai deenei doodou hai e madea ai de Hagasaalunga o de Maadua: denga hagasaalunga alodahi e daalaa hagadonu bolo Iesu Klisdo ne hai ga se dangada, se hagasaalunga mai i daho de Maadua;

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.