1 John 2:17 - De Beebaa Dabu

¹⁷ Henua i lalo ma ono lodo alodahi e llilo donu, aagai tangada e haia lodo o de Maadua e mouli ga hano ai.

1 John 2:17 Referans Kwoze

Matthew 24:35

De langi ma henua i lalo e llilo naa donu, aagai agu muna e dee llilo donu.

Romans 12:2

Goodou gi dee hagadulagi ange gi dagodo o henua i lalo nei, aagai goodou gi suuia oodou dagodo, i de sui hagahoou oodou maanadu, gi maua ai e goodou i de hagatale ange ma de tonu abodonu gi lodo o de Maadua — e danuaa laa, gai e hagamalangilangi ma de heohi abodonu.

1 Corinthians 7:31

gai gilaadeu e hagahai hegau ina goloa o henua i lalo, gi hai hegau bei gilaadeu e dee haia mee nei. Go hiidinga henua i lalo nei e odi naa donu.

1 Peter 4:2

Gai dono masavaa e mouli ai i de angaanga nei, gai ia gu dee hai lodo o de angaanga, aagai gu hai lodo o de Maadua.

Hebrews 10:36

Gai e heohi donu de golomagi oodou lodo, gi maua ai e goodou i de hai lodo o de Maadua, gai goodou ga kave ai mee gu lava laa i de hagatoo donu.

Mark 3:35

Be goai e haia lodo o de Maadua, gai go ia donu dogu daina daane ma dogu daina hahine, aama dogu dinana.”

1 Peter 1:5

go goodou e hagaloosia laa i ssauaa o de Maadua, i doodou kai ange gi de ia, ga dae ai gi de hagaago mai de hagamouli gu baba ange laa e hagaago mai i laangi hagaodi.

1 Thessalonians 4:3

Gai aanei lodo o de Maadua, go doodou hai gi dabu goodou, goodou dilia de hai be se manu,

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

Psalm 143:10

Agoagona mai au i de hai oo lodo, i hiidinga go koe dogu Maadua; doo Hagasaalunga danuaa gi dagina adu au i de mommee soe.

Matthew 7:21

“E dee go dangada alodahi e hagahia mai, ‘Tagi Maolunga, Tagi Maolunga’ e ulu i de nohoanga hodooligi o de langi, aagai go gilaadeu donu huu e haia lodo o dogu Damana i de langi laa.

James 4:14

Gai goodou e dee iloo donu be ni aha e hai daiao. Aahee dagodo o oodou mouli? Oodou mouli e bei dagodo o de mama o vai e hanage laa i dahi masavaa bodobodo gai e moolau donu de lilo.

John 6:58

Go au de pelaoaa ne hano iho laa i de langi, gai e dee bei de pelaoaa a denga damana madagidagi ne gai laa, gai gilaadeu ne maakau. Gai be goai e gaina de pelaoaa nei e mouli ga hano ai.”

Matthew 21:31

Goai de gilaau ne haia lodo o dono damana?” Gilaadeu ne hai ange, “Go tama madua.” Iesu ne hai ange gi gilaadeu, “Ni muna abodonu aagu e hai adu nei gi goodou, de gau hagabudu taagisese ma denga haahine hai be ni manu, e ulu i de nohoanga hodooligi o de langi i oodou mada i mua.

1 Thessalonians 5:18

ma de hagaahe ange de abodonu i mee alodahi; go hiidinga aanei donu lodo o de Maadua i lodo o Klisdo Iesu.

Colossians 4:12

Epaphras se dangada mai i oodou daha, gai se dangada hai hegau niio Klisdo Iesu, e gaavadu hogi dana hagaboo. Ia e kona de hagammahi ma e dalodalo i goodou, gi maua e goodou i de tuu gi makaga, ma de maatua abodonu i lodo hagatau a de Maadua.

Proverbs 10:25

De gau baubau e gaavee gee naa i de masavaa e dau ai de madangi mmahi, aagai tangada heohi e duu ma e makaga ga hano ai.

Colossians 1:9

Deenei ai, tigi helui donu demaadeu dalodalo i goodou mai i de laangi amaadeu ne langona ai oodou dagodo; gimaadeu e dangidangi gi honu danuaa doodou iloo ono lodo, i de heiangi aama de tonu danuaa ange gi mee alodahi i de baasi gi de hagasaalunga.

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

Psalm 90:9

Laangi alodahi o omaadeu mouli e moolau naa donu de odi i doo lili, gai omaadeu ngadau e mouli ai e odi naa bei dagodo o de manava i lunga.

Psalm 39:6

Ni muna abodonu, tangada e seesee saele bei dagodo o dahi goohunga; ni muna abodonu, ana hegau e deai donu haigamaiana; ia e hagabudu goloa lagolago, gai ia e dee iloo be goai e mee ai.

Psalm 102:26

Mee nei e llilo naa donu, aagai koe e noho ga hano ai; gilaadeu e hulo naa ga duai bei de malo. Koe e sui naa gilaadeu bei de malo laa daha, gai gilaadeu e tili gee naa.