1 John 2:16 - De Beebaa Dabu

¹⁶ Go hiidinga mee alodahi i henua i lalo — go lodo baubau o de angaanga, ma mee a luu ganomada e nnoo ange laa aagena, aama mee a tangada e tuhi ai laa ia — e dee ni mee mai i daho Tamana aagai ni mee mai i henua i lalo.

1 John 2:16 Referans Kwoze

Romans 13:14

Aagai goodou gi kahu i Tagi Maolunga go Iesu Klisdo, gai gi dee hagassula ina lodo haisala o de angaanga.

Galatians 5:17

Go hiidinga lodo o de angaanga e hai baasi ange donu gi lodo o de Hagasaalunga, gai lodo o de Hagasaalunga e hai baasi ange gi lodo o de angaanga. Luu mee nei e hagadau hai baasi donu, gai e hai gi dee maua e goodou i de hai oodou mee e llodo ai.

Genesis 3:6

Gai ga gidee huu e de hine laa bolo hua o de manu laa e danuaa i de gai, gai e tilo danuaa, gai e hai ai tangada ga heiangi, gai ia ga hhagi dahi ono hua ga gai, gai ia ga gaavange hogi hanu gi dono bodu gi gaina.

Proverbs 27:20

De mommee o de gau maakau ma Abaddon e dee maua donu gi hoohonu, gai luu ganomada o tangada e dee maua hogi gi lava ana mee e tilo.

Ephesians 2:3

Gidaadeu alodahi ne mouli bei olaadeu dagodo i masavaa gu hulo, i taadeu hai lodo haisala alodahi o de angaanga, ma de daudali i lodo ma maanadu o de angaanga. Gai gidaadeu gu paba ange donu e hagaduasala i de lili ⌊o de Maadua⌋, bei dagodo o de gau ange laa.

James 3:15

De iloo mee nei e dee se mee ne hano iho i de langi, aagai se mee mai i henua i lalo, ma mai i daho dangada aama i daho Satan.

1 Peter 2:11

Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.

2 Peter 2:10

Gai mee nei e hai ange naa donu gi gilaadeu e hai hegau i denga lodo hakino gee, aama de hagangadi mee gilaadeu iai ssauaa e dagi ai. De gau bee nei e hagamaolunga, ma de hai alaadeu hai, gilaadeu e dee maatagu donu i de pasa baubau i de gau de langi mahamaha laa;

Joshua 7:21

au ne gidee dahi malo laa daha mahamaha mai i Shinar, ma e lualau shekel selevaa, aama dahi dibaa goolo se madalima shekel taemaha i magavaa goloa o de gau dee kii, gai au gu nnoo ange gi mee laa ga kave. Gai tilo, mee laa e danu i lalo de gelegele i lo togu hale malo, denga selevaa i lalo mee ange laa.”

Titus 2:12

ma de agoago mai ai gidaadeu gi dilia hegau baubau ma lodo o henua i lalo, gai gi golomagi ina odaadeu lodo, ma de hai hegau i de heohi, aama de hai lodo o de Maadua i henua i lalo nei;

Psalm 78:18

Gilaadeu se hagabau donu de hagatale de Maadua i olaadeu lodo i delaadeu hai gi de mahi ia gi gaavange alaadeu gai e llodo ai.

2 Peter 2:18

Gilaadeu e pasa hagassoenga i mee e deai haigamaiana, gai e hai hegau i lodo hakino gee o de angaanga ma e hagasengalia laa dangada, se goodo ola mai laa i daho dangada e mouli dee heohi.

1 Peter 1:14

Gai goodou gi bei dagodo o denga dama e hagallongo i muna, goodou gi dee ago ange i denga hagadaagangaa lodo baubau nogo daakodo laa i oodou lodo i de masavaa oodou nogo llodo ssenga ai.

Titus 3:3

Go hiidinga i mua gai gidaadeu alodahi ni dangada llodo ssenga, ma tee hagallongo i muna, gai ne daahangadia, ma de noodia i denga hagadaagangaa lodo odaadeu e malangilangi ai. Gidaadeu ne mouli i de kino ma de lodo gaiaa, gai e hai hegau i de lili ma de hagadau kino.

Matthew 5:28

Aagai au e hai adu gi goodou: be goai e galo ange gi dahi hahine e lodo ange gi de ia, gai ia gu dagodo haisala donu ma ia i ono lodo.

Psalm 73:6

Deelaa ai, de hagamaolunga go de mee dau i olaadeu ua; gai olaadeu malo e kahu ai go de alasala.

De Beebaa go Job 31:1

Au gu hagatoo donu hagaheloongoi ange gi luoogu mada, bolo au e dee tilo ga lodo ange gi dahi bua moe.

Luke 4:5

Gai de ia hagabaubau ne gaavage hogi ia gi dahi mommee maolunga ga hagaago ange denga nohoanga hodooligi o henua i lalo alodahi i dahi masavaa bodobodo.

Galatians 5:24

Gai dangada alodahi o Klisdo Iesu gu lava i de daa gi maakau lodo o de angaanga aama ana maanadu alodahi.

Numbers 11:4

Gai de gau henua gee ne hulo laa madali gilaadeu e kona de llodo e gai kano manu; gai de gau Israel ne tangi hogi ga hagataba, “Mee naa gi hanu amaadeu giidagi e gai!

Matthew 4:8

Gai de ia hagabaubau laa ne kave hogi ia gi dahi mounga maolunga mmao, ga hagaago ange gi de ia denga nohoanga hodooligi o henua i lalo alodahi ma olaadeu mahamaha,

Psalm 78:30

Gai mua delaadeu gaimee ga boobosu, ma de masavaa olaadeu goi gaimee ai,

Numbers 11:34

Deelaa ai, de mommee laa gu hagaingoo ange go Kibroth Hattaavah, go hiidinga go kilaa ne danu ai de gau aagai.

Proverbs 6:25

Aude lodo ange gi dono mahamaha, aabe gi dugua ange ia gi hagasengalia goe i dana hagadabadaba adu luoono mada,

1 Corinthians 10:6

Gai mee nei se hagaago danuaa niiodaadeu, gi dee llodo ai gidaadeu i de baubau bei olaadeu dagodo.

Genesis 6:2

Gai ga gidee huu e dama a de Maadua de mahamaha o denga damaa hine a dangada, gai gilaadeu ga hili denga damaa hine olaadeu e vaasuu ai ga hai bodu ange aagena.

Daniel 4:30

gai ia ne hagadaba, “E aha, e dee deenei Babylon maolunga aagu ne hagaduu laa i ogu mahi donu, ga hai ai de mommee noho o de hodooligi ma de hagamahamaha ai dogu nohoanga hodooligi?”

James 4:16

Aagai goodou e pasa hagassoenga i doodou hagamaolunga. Denga pasa hagassoenga bee nei alodahi e baubau.