1 John 2:14 - De Beebaa Dabu

¹⁴ Denga damana, au e sisi adu mee nei gi goodou, i hiidinga goodou gu iloo donu de ia gu noho mai laa i taamada age. Denga dama daane, au e sisi adu mee nei gi goodou, i hiidinga goodou e mmahi, gai muna a de Maadua e daakodo i oodou lodo, gai goodou gu kii i de ia hagabaubau.

1 John 2:14 Referans Kwoze

Psalm 119:11

Au e doange au muna i ogu lodo, gi dee haisala adu ai au gi de goe.

1 John 2:13

Denga damana, au e sisi adu mee nei gi goodou, i hiidinga goodou e iloo de ia gu noho mai laa i taamada age. Denga dama daane, au e sisi adu mee nei gi goodou, i hiidinga goodou gu kii i de ia hagabaubau. Denga dama, au e sisi adu mee nei gi goodou, i hiidinga goodou e iloo Tamana.

Colossians 3:16

Gai haia gi honu abodonu muna a Klisdo i oodou lodo, gai goodou ga hagadau agoago ai ma de hagadau hagakana ange ai goodou i de heiangi alodahi, ma de daahili i denga psalm ma denga daahili daumaha, ma daahili o de baasi gi de hagasaalunga, i doodou hagaahe ange de abodonu gi de Maadua i oodou lodo.

John 15:7

Noo goodou e nnoho i ogu lodo, gai agu muna e daakodo i oodou lodo, gai be se aha naa huu oodou e dangidangi mai ai, gai e gaavadu donu gi goodou.

Ephesians 6:10

Denga daina, aanei agu muna hagaodi, hagammahi ina goodou i mahi o Tagi Maolunga ma dono sauaa mmahi.

John 8:31

Iesu ne hai ange gi de gau Ssuu gu hagadonusia laa ia, “Noo goodou e daohi agu muna, gai goodou ni dangada agoago abodonu niiagu,

John 5:38

gai ana muna e dee daakodo i oodou lodo, go hiidinga goodou e dee hagadonusia de ia aana ne hai gi humai.

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

3 John 1:3

Gai au ne malangilangi mmao i de masavaa o denga daina ne loomai ai ga tala dagodo o doo hai hegau i de muna abodonu, ma doo seesee i de muna abodonu.

2 John 1:2

i hiidinga o de mee abodonu gu dagodo laa i odaadeu lodo, gai e dagodo naa donu ga hano ai.

Hebrews 8:10

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba: au e hai naa gi daakodo agu hainga i lodo alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Colossians 1:11

Gai goodou gi mmahi i mahi alodahi, bei dagodo o ono mahi, gi maua ai e goodou i de llodo mmahi ma de golomagi lodo aama de malangilangi,

2 Timothy 2:1

Deenei ai, dagu dama, koe gi lodo mmahi i de abodonu e dagodo laa i daho Klisdo Iesu;

Philippians 4:13

Au e maua donu i de hai mee alodahi i ssauaa o Klisdo, go de ia e hagammahi ina ogu lodo.

Revelation 2:3

Koe ne hagaduu ngae ga golomagi oo lodo ma de lodo mmahi i de hagaduasala i hiidinga o dogu ingoo, koe tee ahe donu doo lo taane.

1 John 1:10

Noo gidaadeu e hagataba bolo gidaadeu tigi haisala, gai gidaadeu e hai de Maadua gi se ia hadu muna, gai ana muna e dee daakodo donu i odaadeu lodo.

John 8:37

Au e iloo bolo goodou go aamuli o Abraham. Gai goodou gu paba ange donu e daa au gi magau, go hiidinga goodou e dee daohi agu muna i oodou lodo.

1 John 1:1

Gimaadeu e sisi adu gi goodou dagodo Muna o de Mouli, gu dagodo mai laa i taamada age, gai gimaadeu gu langona, ma de gidee ia i omaadeu ganomada donu, aama de poo ange gi de ia i omaadeu lima.