1 John 2:13 - De Beebaa Dabu

¹³ Denga damana, au e sisi adu mee nei gi goodou, i hiidinga goodou e iloo de ia gu noho mai laa i taamada age. Denga dama daane, au e sisi adu mee nei gi goodou, i hiidinga goodou gu kii i de ia hagabaubau. Denga dama, au e sisi adu mee nei gi goodou, i hiidinga goodou e iloo Tamana.

1 John 2:13 Referans Kwoze

John 14:7

Noo goodou gu iloo au, gai goodou gu iloo donu hogi dogu Damana. Dua iainei gai goodou gu iloo donu ma de gidee ia.”

1 John 2:14

Denga damana, au e sisi adu mee nei gi goodou, i hiidinga goodou gu iloo donu de ia gu noho mai laa i taamada age. Denga dama daane, au e sisi adu mee nei gi goodou, i hiidinga goodou e mmahi, gai muna a de Maadua e daakodo i oodou lodo, gai goodou gu kii i de ia hagabaubau.

1 John 4:4

Aagai goodou e agu dama, goodou ni dama donu nii de Maadua, gai gu hagadee kii denga pelaabisi hadu muna laa, go hiidinga de ia e noho i oodou lodo e mmahi ange i de ia i henua i lalo nei.

1 John 1:1

Gimaadeu e sisi adu gi goodou dagodo Muna o de Mouli, gu dagodo mai laa i taamada age, gai gimaadeu gu langona, ma de gidee ia i omaadeu ganomada donu, aama de poo ange gi de ia i omaadeu lima.

Luke 10:22

Dogu Damana gu dugu mai mee alodahi gi de au. Gai e deai donu e iloo be goai go Tama gai go Tamana donu huu; e deai ange hogi e iloo be goai go Tamana gai go Tama donu huu, aama tangada a Tama e lodo e hagaago ange aagena.”

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

1 John 5:18

Gidaadeu e iloo bolo tangada gu haanau i daho de Maadua e dee aheahe ange ga haisala, aagai Tama dagidahi a de Maadua e hagaloosi ia, gai de ia hagabaubau e dee maua donu i de poo ange gi de ia.

1 John 3:12

Gidaadeu gi dee bei dagodo o Cain, ia se dama nii de ia hagabaubau, gai ia ne daa ga magau dono daina daane. Gai aahee hiidinga aana ne daa ai dono daina ga magau? Go hiidinga ana hegau e baubau, gai hegau a dono daane e heohi.

Matthew 11:27

Dogu Damana gu gaamai gi de au mee alodahi. Gai e deai donu e iloo Tama, go Tamana donu huu; e deai hogi e iloo Tamana, go Tama donu huu, aama gilaadeu a Tama e lodo e hagaago Tamana aagena.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

1 John 2:12

Denga dama, au e sisi adu mee nei gi goodou, i hiidinga de Maadua gu degi adu gi oodou haisala i hiidinga de ingoo o Iesu.

1 John 2:1

Agu dama, au e sisi adu mee nei gi dee haisala ai goodou. Gai noo dahi goodou gu haisala, gai e dahi odaadeu ia bale e dangidangi i odaadeu hiidinga i mada luu mada o Tamana — go Iesu Klisdo, go de Ia Heohi.

Titus 2:6

Gai koe gi agoagona ange hogi denga dama daane gilaadeu gi maua i de dugu iho olaadeu lodo.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

John 16:3

Gai gilaadeu e hai mee nei i hiidinga gilaadeu e dee iloo dogu Damana, gilaadeu e dee iloo hogi au.

John 14:9

Iesu ne hai ange gi de ia, “Philip, gu daulooloa dogu noho i oodou daha, aagai koe tigi iloo naa donu be au goai? Be goai e gidee au, gai ia gu gidee donu Tamana, gai dee hee dau hai e hai mai ai naa, ‘Hagaagona mai gi gimaadeu Tamana’?

John 8:19

Gai gilaadeu ga ssili ange gi de ia, “I hee iai doo Damana?” Iesu ne hai ange, “Goodou e dee iloo donu au aabe go dogu Damana. Noo goodou e iloo au, gai goodou e iloo hogi dogu Damana.”

Matthew 13:38

De veelenga go henua i lalo; denga golee danuaa go dangada o de nohoanga hodooligi. Gai denga helii baubau go dama a de ia baubau laa.

Matthew 13:19

De masavaa naa huu a tangada e langona e ia dagodo o de nohoanga hodooligi, gai ia e dee donu ange aagena, gai de ia baubau laa e humai ga kave gee mee gu doo ange laa gi ono lodo. Aanei golee e too ange laa gi gaogao de haiava.

Proverbs 20:29

De mahamaha o de gau mmodo go olaadeu mahi, gai de mahamaha o de gau madumaatua go olaadeu biho sinasinaa.

Psalm 91:14

⌊E hagadaba de Maadua,⌋ “Go hiidinga ia e aloha i de au, au e hagaola naa ia; Au e buibui naa ia, i hiidinga ia e iloo ogu dagodo.

Psalm 90:2

I mua de hai ga hanu mounga, aabe go dau hai henua i lalo ma mee alodahi iai, gai go koe de Maadua, mai i de masavaa e dee ngado mai ga dae ai gi de masavaa e dee ngado mai.

1 Timothy 5:1

Aude hagaseegina taane e madua ange i de goe, aagai koe balea ange ia gi bei dagodo o doo damana. Gai koe haia denga dama daane bei dau hai e hai ai laa dahi oo daina daane,

John 17:21

gi buni ai gilaadeu alodahi gi dahi; bei odaau dagodo e Tamana, koe i ogu lodo, gai au i oo lodo, gai gilaadeu i odaau lodo, gi hagadonusia ai e henua i lalo bolo go koe donu ne hai nei au gi humai.

Zechariah 9:17

Ga dae laa de tilo danuaa ma de mahamaha ono dangada! Hua o denga grain e hai naa ga mmahi denga dama daane, gai denga uvaini hoou e hai naa ga mmahi denga damaa hine.

Joel 2:28

Muli mai naa huu, gai au e hai naa gi hano iho dogu Hagasaalunga gi honga o dangada alodahi; oodou dama daane ma oodou damaa hine e pasa pelaabisi naa, oodou daane maatua e hai naa denga midi, gai oodou dama daane e hai naa denga midi hagaago ange.

Psalm 148:12

denga dama daane ma damaa hine, ma de gau madumaatua ma denga gauligi.

Matthew 5:37

Gai goodou hai ange donu huu, ‘Uaa’ be ‘Deai’; gai muna e kii ange i mee nei ni mee mai i daho de ia baubau laa.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.