1 John 2:1 - De Beebaa Dabu

¹ Agu dama, au e sisi adu mee nei gi dee haisala ai goodou. Gai noo dahi goodou gu haisala, gai e dahi odaadeu ia bale e dangidangi i odaadeu hiidinga i mada luu mada o Tamana — go Iesu Klisdo, go de Ia Heohi.

1 John 2:1 Referans Kwoze

1 Timothy 2:5

E dahi donu huu Maadua, gai e dahi donu huu hogi Dangada e hano i magavaa o de Maadua ma dangada, go tangada go Klisdo Iesu,

Romans 8:34

Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

1 John 4:4

Aagai goodou e agu dama, goodou ni dama donu nii de Maadua, gai gu hagadee kii denga pelaabisi hadu muna laa, go hiidinga de ia e noho i oodou lodo e mmahi ange i de ia i henua i lalo nei.

1 John 3:18

Agu dama, gidaadeu gi dee daalaa donu huu bolo gidaadeu e aaloha, aagai gidaadeu gi hagahai hegau ina odaadeu aaloha i de mee abodonu.

1 John 3:7

Agu dama, goodou gi dee dugu ange dahi dangada gi daahangadia goodou. Tangada e haia de mee heohi se dangada heohi, ia e bei dagodo o Klisdo, ia e heohi.

John 8:11

Gai de hine laa ne hai ange, “Tangada aamua, teai donu.” Iesu ne hai ange gi de ia, “Au e dee buu adu hogi ssala gi de goe. Hannoo, gai koe aude ahe ange gi haisala.”]

Hebrews 9:24

Go hiidinga Klisdo tee ulu i de mommee dabu ne hai laa i lima o dangada, go de ada o de mommee dabu abodonu; aagai ne ulu donu gi de langi, gai iainei gu i mada luu mada o de Maadua i odaadeu hiidinga.

1 John 3:5

Aagai goodou e iloo bolo Klisdo ne humai, gai ia ga kave gee ai odaadeu haisala. Gai ia e deai donu ono haisala.

Ephesians 2:18

Gai go ia odaadeu alodahi ne maua ai i de hulo gi Tamana i de Hagasaalunga e dahi.

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

Ezekiel 3:21

Gai noo koe e hagakana ange tangada heohi gi dee haisala ai ia, gai ia tee haisala hogi, gai ia e mouli donu, i hiidinga ia ne hagallongo au muna ne hagakana ai ia, gai koe e ola.”

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

Ephesians 4:26

Goodou llili aagai gi dee haisala; goodou gi dee daohia doodou llili ga danu ai de laa,

Galatians 4:19

Agu dama, au gu ahe ange hogi ma gu mmae i oodou hiidinga, bei dagodo o de hine e hai ono hagalangona, ga dae ai gi de honu danuaa dagodo o Klisdo i oodou lodo!

John 10:15

bei de hai a Tamana e iloo ai laa au, gai au e iloo Tamana. Gai au e gaavange dogu mouli i hiidinga o denga ssiibi.

John 5:36

Gai e dahi mee e daalaa hagadonu ogu dagodo e kii ange i de tala hagadonu a John. Go hegau a dogu Damana ne gaamai au gi haia gi lava — go agu hegau donu e hai nei — mee nei e tala hagadonu bolo go Tamana ne haia nei au gi humai.

Luke 10:22

Dogu Damana gu dugu mai mee alodahi gi de au. Gai e deai donu e iloo be goai go Tama gai go Tamana donu huu; e deai ange hogi e iloo be goai go Tamana gai go Tama donu huu, aama tangada a Tama e lodo e hagaago ange aagena.”

1 Peter 2:22

“Ia tee haisala donu, ia tee tala hogi dahi muna hagasenga i dono ngudu.”

1 Corinthians 15:34

Goodou aahe ange ma gi maanetonu, gai goodou gi dee aahe ange gi haisala. Go hiidinga hanu goodou e dee iloo donu de Maadua. Gai au e tala adu de mee nei gi dookaa ai goodou.

John 5:14

Muli mai gai Iesu ne hedae ange gi taane laa i de temple, ga hai ange gi de ia, “Tilo, koe gu ahe ange ma gu ieiangi! Koe gi dee haisala kana kii ange de baubau mee e hai adu gi de goe.”

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

Psalm 4:4

Goodou llili, aagai goodou gi dee haisala; goodou hagasaelea mee nei i honga oodou moenga; goodou gi iloo dagodo o oodou lodo gai goodou ga dee muu. Selah

1 John 5:21

Agu dama, goodou dagidiiloo gi dee daumaha ange goodou gi denga diinonga.

James 3:9

Odaadeu alelo e tuhi taadeu Dagi Maolunga ma Tamana, gai go ia hogi adaadeu hagamalaia ai dangada, ne hai laa ga hagadulagi ange gi dagodo o de Maadua.

Romans 6:15

Gai aahee ai adaadeu mee e hai? Gidaadeu ga duudagi de nnoho i lodo odaadeu haisala, i hiidinga gidaadeu gu dee nnoho i lalo de hainga, gai gu nnoho i lalo de abodonu o de Maadua? E dee maua donu!

John 13:33

Agu gauligi, gu bodobodo donu dogu masavaa e noho ai i oodou daha. Gai goodou e ssala naa donu au, gai e bei dagu hai gu tala ange ai laa gi de gau Ssuu, gai au e tala adu hogi gi goodou iainei: ‘Goodou e dee maua i de loomai gi dogu mommee ga hano nei aagena.’

1 Timothy 3:14

Au e sisi adu de leda nei gi de goe iainei, gai au e tali bolo au gu dai dae adu naa donu gi oo daha.

John 21:5

Gai Iesu ga hagahi gilaadeu ga hai ange, “Denga gauligi, gu hanu naa oodou mamu ne mau?” Gai gilaadeu ga hai ange gi de ia, “Tigi ai donu.”

John 14:16

Gai au ga dangidangi ange naa gi Tamana, gai ia ga gaavadu ange gi goodou dahi Ia Bale gi noho i oodou daha ga hano ai,

Acts 7:52

Gai goai denga pelaabisi a oodou dubuna madagidagi tee vaivai hai? Gilaadeu ne daa ga maakau dangada ne daalaa dagodo de humai o de Ia Heohi laa, go de ia oodou gu gaavange laa ma de daa ga magau —

Romans 5:10

Gai noo de masavaa odaadeu ni hagadaumee ai niio de Maadua, gai gidaadeu ne hagadanuaa odaadeu magavaa ma de Maadua, i de magau o dana Dama, gai dee hee maa ai naa de kii ange taadeu maua de hagamouli i hiidinga o dono mouli, i dua de hagadanuaa oodou magavaa ma de Maadua.

1 John 5:17

Hegau dee heohi alodahi go de haisala donu, aagai e dahi haisala e dee magau ai tangada.

3 John 1:4

Gai e deai ange donu se mee e kii ange dogu hagamalangilangi, bei dagu langona bolo agu dama e seesee i de mee abodonu.