1 Corinthians 9:7 - De Beebaa Dabu

⁷ Gai goai taane hebagi e hagao donu huu ono goloa e hano ai e hebagi? Gai goai tangada e dooa dahi veelengaa grape gai e dee gai denga grape iai? Gai goai tangada hagaloosi ssiibi ma guudi e dee unu vai uu o denga manu laa?

1 Corinthians 9:7 Referans Kwoze

Proverbs 27:18

Tangada e bolia ange de fig e gaimee naa i ono hua, gai tangada e diiloo ange dono dangada aamua e hagadubulia naa.

Deuteronomy 20:6

Gai tangada naa huu gu doo dahi veelengaa grape gai ia tigi unu denga uvaini e hai ai, gai ia gi ahe gi hano gi dono hale, kana magau naa huu ia i de hebagi gai dahi daane gee ga unu ana uvaini.

1 Timothy 1:18

Timothy, dagu dama, au e tala adu gi de goe de mee nei, bei dagodo o muna pelaabisi gu tala ai oo dagodo i mua. Gai koe ga daudali ai gi maua ai e goe i de hebagi i de hebagi danuaa,

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Song of Songs 8:12

Dagu veelengaa grape niiagu donu, gai se mee donu niiagu; Solomon, koe e maua i de kave e mano selevaa, gai de gau e diiloo ange denga hua gi gaavee e lualau.

Proverbs 27:27

Koe e lagolago naa au vai uu guudi e haangai ai dangada i doo hale, ma de gaimee ai oo haahine hai hegau.

1 Peter 5:2

goodou diiloo ange de hagabuulingaa ssiibi a de Maadua i oodou daha naa, ma de hai hegau gi bei dagodo o denga dagi abodonu, e dee go hiidinga donu huu se hegau gu gaavadu goodou gi haia, aagai go hiidinga doodou malangilangi i de hai lodo o de Maadua; e dee go hiidinga goodou e kave dahi hagaoanga, aagai go hiidinga goodou e llodo abodonu.

2 Timothy 4:7

Au gu lava i de hebagi i de hebagi danuaa, au gu hagalava dogu savini e houhou, gai au ne daohi dogu gai.

1 Timothy 6:12

Gai koe gi hagaduu ngae i de hebagi danuaa o de gai. Haia gi maua e goe de kave de mouli e dee ngado mai, go de mee oou gu hagahi ange naa aagena i dau masavaa ne tala hagadonu ai doo gai i madamada o de gau hagadonu soa.

Isaiah 7:22

Gai ia e gai vai uu haduhadu, i hiidinga de kona de lagolago vai uu o denga manu laa. Gai dangada alodahi e doe i honga de henua e gai naa vai uu haduhadu ma hooni.

Deuteronomy 18:8

Gai ia e kave hogi tuuhanga o denga gai a de gau haimeedabu, madali de sseene mai i de hagaoanga o de gelegele o dono huaabodu.