1 Corinthians 9:3 - De Beebaa Dabu

³ Deenei dagu hai e tala hagadonu ai ogu dagodo ange gi gilaadeu e hagabaubau ina laa au.

1 Corinthians 9:3 Referans Kwoze

2 Timothy 4:16

Tahi hanonga ne hagamodu ai ogu muna, gai teai donu se dangada ne balea mai au, gai dangada alodahi ne tili au. Gai de baubau nei gi dee dau ange donu gi gilaadeu!

Philippians 1:17

Gai de gau ange laa e agoago i Klisdo i delaadeu llodo e hagadau gaavange, e dee go de lodo gilimalali abodonu, aagai gilaadeu e maanadu de hai gi kii ange dogu daemaha i dogu masavaa e noho ai i lo te hale pono.

Philippians 1:7

Gai de heohi donu dagu maanadu goodou alodahi i tagodo nei, go hiidinga goodou e hagamogomogo donu i ogu daha, gai goodou alodahi gu kave tuuhanga hegau nei madali au, i dogu masavaa e nnoho ai i lo te hale pono, aama dagu tala hagadonu dagodo o de longo danuaa.

2 Corinthians 13:10

Au e sisi adu de leda nei i de masavaa oogu e dee maleva ai i oodou daha, gi dee kona ai dagu hagaduasala goodou i ssauaa gu gaamai gi de au i daho Tagi Maolunga, i de masavaa oogu e dae adu ai gi oodou daha, gai au ga hai ai gi tuu goodou gi makaga i de gai, e dee se hai e hagabaageaa ai goodou.

2 Corinthians 13:5

Goodou dagidiiloo iho gi danuaa oodou lodo, be goodou e daohi naa huu de gai. Hagataalea ange ma gi diiloo oodou dagodo. Goodou tigi tonu ange naa donu bolo Iesu Klisdo e noho i oodou lodo? Noo e deai, aagai goodou tee maua donu i de daohi de gai.

2 Corinthians 13:3

i hiidinga goodou e llodo e ssala gi iloo abodonu be go Klisdo donu e basa nei i ogu daha. Gai ia e dee baageaa donu i de hai hegau i oodou daha, aagai e mmahi mmao i oodou daha.

1 Corinthians 14:37

Noo tangada e maanadu bolo ia se pelaabisi, gai se duuhanga hegau donu mai i daho de Hagasaalunga, gai ia gi donu ange bolo agu muna e sisi adu ni muna donu nii Tagi Maolunga.

Acts 25:16

Gai au ne tala ange gi gilaadeu bolo de gau Rome e dee daa gi magau dahi dangada, noo ia tigi maua i de duu i madamada o dangada e hagabaubau ina ia, e tala ai dono heohi i mee alaadeu gu hagabaubau ai ia.

Acts 22:1

“Denga daina ma damana, goodou hagalaangona gai au ga tala hagadonu adu ogu dagodo gi goodou iainei.”

Luke 12:11

Noo gilaadeu gu kave goodou gi synagogue e hagamodu ai oodou muna i mada i mua o denga dagi ma gilaadeu iai ssauaa, gai goodou aude manavasaa i doodou hai e pasa ange ai gi gilaadeu, aabe go oodou muna e tala ange gi gilaadeu.

1 Corinthians 9:2

Gai ga dee hagabinga naa donu bolo se dangada tala niio hanu dangada gee, gai au se dangada tala donu niiodou. Go hiidinga go goodou e hagadonu ai bolo au se dangada tala i lodo o Tagi Maolunga.

1 Corinthians 9:4

E aha, e deai semaadeu heohi e gaimee ai ma de unu?