1 Corinthians 9:21 - De Beebaa Dabu

²¹ Au gu hai gi se dangada e deai agu hainga i hiidinga olaadeu e deai alaadeu hainga, (e dee galemu naa donu dagu dee mau i tee daudali i de hainga a de Maadua, aagai au e noho donu i lalo de hainga a Klisdo,) gi maua ai e au hanu dangada e deai laa alaadeu hainga.

1 Corinthians 9:21 Referans Kwoze

Romans 2:12

Dangada alodahi gu haisala gai tee iloo e gilaadeu de hainga e maakau naa hogi, e dee galemu delaadeu dee iloo de hainga; gai dangada alodahi ne haisala gai e iloo e gilaadeu de hainga e hagamodu naa hogi olaadeu muna i de hainga.

Galatians 3:2

Gai au e ssili adu gi goodou dahi mee: goodou ne kave laa de Hagasaalunga ⌊Dabu⌋ i doodou hai hegau i de hainga, aabe go doodou langona muna o de longo danuaa ga kai ange aagena?

Romans 2:14

(De masavaa naa huu o denga Gentile, go gilaadeu e dee iloo laa de hainga a Moses, e daudali ai i mee gu sisi i de hainga, gai de hainga laa gu se mee ange donu hogi gi gilaadeu, e dee galemu donu delaadeu de iloo de hainga.

Romans 8:4

gi maua ai e gidaadeu e dee daudali laa i lodo o de angaanga, aagai e daudali i lodo o de Hagasaalunga ⌊Dabu⌋, i de hagasula de hainga heohi i odaadeu lodo.

Romans 7:25

De abodonu ange gi de Maadua i daho Iesu Klisdo Tagi Maolunga odaadeu! Deenei tagodo, au e hai hegau ange gi de hainga a de Maadua i ogu lodo, aagai dogu angaanga e hai hegau ange gi de hainga o de haisala.

Romans 7:22

Au e malangilangi i de hainga a de Maadua, i ogu lodo alodahi,

Acts 21:25

Aagai gimaadeu gu sisi ingoo o denga Gentile gu hagadonusia laa, ma de hai ange gilaadeu gi dee gaina mee gu sigidaumaha ange gi denga diinonga, ma dodo, aama manu gu milo olaadeu ua, gai gilaadeu gi dee dagodo haisala hogi.”

Acts 16:4

De masavaa olaadeu ne hagadaga ai i denga aduhale, gai gilaadeu ne tala ange mee gu hagamodu laa i daho de gau tala, ma denga dagi i Jerusalem, gi daudali ai dangada i mee laa.

Psalm 119:32

Au e savini i lo te haiava o au hainga, go hiidinga koe gu hai gi donu danuaa ange au.

Hebrews 8:10

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba: au e hai naa gi daakodo agu hainga i lodo alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Acts 15:28

Gai ne heohi mai i daho de Hagasaalunga Dabu ma mai i omaadeu daha, bolo e deai ange donu mee amaadeu e hagadaemaha ai goodou madali mee nei:

Galatians 6:2

Goodou gi hagadau hagauda ina oodou daemaha; noo goodou e hai de mee nei, gai goodou gu daudali i de hainga a Klisdo.