1 Corinthians 9:12 - De Beebaa Dabu

¹² Noo de gau ange laa e dahi olaadeu heohi e kave ai de bale mai i oodou daha, gai e aha, e dee kii gimaadeu i de dahi omaadeu heohi e kave ai de bale mai i oodou daha? Gai gimaadeu tee hai donu de mee nei. Aagai ne golomagi omaadeu lodo gi dee buibuia ai e gimaadeu de longo danuaa o Klisdo.

1 Corinthians 9:12 Referans Kwoze

2 Corinthians 11:12

Gai au e duudagi naa donu huu de hai agu mee e hai nei, e hai ai gi dee maua e gilaadeu e llodo naa e tala bolo alaadeu hegau e bei donu amaadeu hegau e hai nei.

1 Corinthians 9:18

Gai dee hee ai dogu hagaoanga? Go dagu agoago de longo danuaa gai e dee hagao, gi dee hagahai hegau dogu heohi i dagu tala de longo danuaa.

1 Corinthians 9:15

Aagai au tee hagahai hegau dogu heohi i mee nei. Gai au tee se sisi adu hogi gai goodou ga gaamai ai dahi mee gi de au. Gai e danuaa ange donu dogu magau i dagu dugu ange dahi dangada gi gaavee gee dogu heohi e tuhi ai agu hegau.

1 Corinthians 9:2

Gai ga dee hagabinga naa donu bolo se dangada tala niio hanu dangada gee, gai au se dangada tala donu niiodou. Go hiidinga go goodou e hagadonu ai bolo au se dangada tala i lodo o Tagi Maolunga.

2 Corinthians 11:20

Gai goodou e dugu ange naa donu dahi dangada gi haia goodou gi ni dangada hai hegau, be e vaivai hai goodou, be dagudagu adu oodou mee e hai, be e hagamaolunga i goodou, aabe e hagailiili oodou ganomada.

2 Corinthians 6:3

Gimaadeu tee hagahai ngadaa goodou i dahi mee, gi dee hagabaubau ina ai demaadeu duuhanga hegau,

1 Corinthians 6:7

Gai doodou hagadau gaavange gi de hainga gu hagaago mai bolo goodou e dee heohi donu. Gai gu aha gu dee hagauda ai donu huu de mee dee heohi gu hai adu laa gi goodou? Gai gu aha gu dee dugu ange ai donu huu gi gaiaadia oodou mee?

Romans 15:22

Deenei de hiidinga gu dee modu ai nei tee sula dogu hanadu gi oodou daha.

Acts 18:3

gai go hiidinga gilaadeu alodahi ni dangada hai hale malo, gai ia ga noho ga hai hegau madali gilaau.

Luke 11:52

E vakaa naa goodou e de gau agoago o de hainga! Go hiidinga goodou gu kave gee de gii o de iloo mee; goodou tee ulu i de nohoanga hodooligi, gai goodou e buibui hogi dangada e llodo e ulu ai!”

Nehemiah 4:8

gai gilaadeu ga hai dahi hagatau e loomai ai e hebagi ange gi Jerusalem, ma de hai gi hai ngadaa de aduhale.

Genesis 24:56

Aagai ia ga hai ange gi gilaadeu, “Goodou aude daohia au, go hiidinga Tagi Maolunga gu hai ma gu sula danuaa dogu hanonga nei. Deenei ai, au ga ahe nei gi daho dogu dangada aamua.”

1 Corinthians 9:14

Gai e bei ai hogi, Tagi Maolunga gu tala mai bolo dangada e daalaa de longo danuaa e kave olaadeu mee e hagadanuaa ai i delaadeu agoago de longo danuaa.

1 Corinthians 9:16

Gai ga agoagona naa donu e au de longo danuaa, aagai au e dee maua i de tuhi donu huu au, i hiidinga se hegau ne gaamai au gi haia. Gai e vakaa naa donu au, noo au e dee agoago de longo danuaa!

1 Corinthians 13:7

De aloha e hagauda mee alodahi i de golomagi lodo, e hagadonu mee alodahi, e tali hagalodolodo ange gi mee alodahi, gai e lodo mmahi i de hagauda mee alodahi.

2 Corinthians 2:12

Dogu masavaa ne hano ai ga agoago de longo danuaa o Klisdo i Troas, gai e dee galemu donu Tagi Maolunga gu gaamai gi de au dahi masavaa danuaa,