1 Corinthians 8:4 - De Beebaa Dabu

⁴ Gai aanei dagodo o de gai mee gu sigidaumaha ange laa gi denga diinonga: gidaadeu e iloo bolo “tiinonga e dee se mee abodonu,” aagai “e dahi donu huu Maadua abodonu.”

1 Corinthians 8:4 Referans Kwoze

Deuteronomy 4:39

Deenei ai, ailaa nei gai goodou haia gi tonu ange goodou aama de dugu mee nei i oodou lodo, bolo Tagi Maolunga go de Maadua donu o de langi ma henua i lalo, gai e deai ange donu e bei ono dagodo.

Isaiah 41:24

Tilo, goodou denga diinonga ni ngadi mee donu oodou hegau e deai donu haigamaiana; gai tangada e hilihilia de daumaha adu gi goodou e hakino gee.

1 Timothy 2:5

E dahi donu huu Maadua, gai e dahi donu huu hogi Dangada e hano i magavaa o de Maadua ma dangada, go tangada go Klisdo Iesu,

Ephesians 4:6

e dahi donu huu Maadua ma Tamana odaadeu alodahi, gai go ia i honga odaadeu alodahi ma mee alodahi. Gai go ia e hagahai hegau ina odaadeu mee alodahi ma lodo alodahi.

Deuteronomy 6:4

Israel, goodou hagalaangona: Tagi Maolunga taadeu Maadua, Tagi Maolunga e dahi donu huu.

Mark 12:29

Iesu ne hai ange gi de ia, “Deenei de hainga hagamogomogo hugadoo, ‘Israel, goodou hagalaangona: Tagi Maolunga taadeu Maadua, go ia donu huu Tagi Maolunga.

Isaiah 44:24

E hagadaba Tagi Maolunga, doo Ia Hagaola, ne haia goe i de mommee o denga dama: “Go au donu Tagi Maolunga, ne haia laa mee alodahi, go au ne hoolaa de langi, go au donu huu ne doohaa henua i lalo.

Isaiah 44:6

E hagadaba Tagi Maolunga, de hodooligi o Israel, ma dono Ia Hagaola, go Tagi o denga hagabuulinga hebagi: “Go au taamada gai go au de hagaodi, e deai ange donu se maadua, go au donu huu.

Jude 1:25

aama ange gi de Maadua e dahi laa donu huu, go taadeu Ia Hagaola, i hiidinga o Iesu Klisdo taadeu Dagi Maolunga, de mahamaha, ma de maolunga, ma ssauaa e dagi ai, ma de mmahi, mai i mua de hai o mee alodahi aama iainei ga hano ai e dee ngado mai. Amen.

1 Corinthians 8:10

Gai noo dahi dangada e baageaa laa tagi i ono lodo e gidee goe, tangada iloo mee, e gaimee i de hale daumaha o dahi diinonga, gai e dee go koe ai naa e hagammahi ina ange ia gi gaina mee gu sigidaumaha ange gi denga diinonga?

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

Acts 19:26

Gai goodou gu gidee ma de iloo bolo taane go Paul gu hagabasa dangada soa i Ephesus, ma mommee alodahi o Asia, gilaadeu gi dee hagadonusia mee nei, ma de hagadaba bolo denga diinonga a dangada e hai e dee ni maadua abodonu.

Acts 14:15

“Goodou denga daane, gu aha goodou gu hai ai naa mee naa? Gimaau ni dangada donu huu bei oodou dagodo. Gimaau ne gaamai gi goodou de longo danuaa gi daahuli gee ai goodou i mee e deai olaadeu haigamaiana, gi daahuli ange gi de Maadua e mouli laa, go ia ne haia de langi ma henua i lalo ma tai aama mee alodahi iai.

Jeremiah 10:14

Dangada alodahi e ssenga ma tee iloo mee, de labagau o denga goolo gu hagadogaa ina i ono diinonga. Ono diinonga e dee ni mee abodonu; gilaadeu e dee maua i de manavanava.

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Isaiah 45:14

E hagadaba Tagi Maolunga: “Goloa o Egypt ma goloa a Ethiopia e hagao, ma denga doa o Seba — gilaadeu e loomai naa gi goodou gai goodou e kave naa olaadeu goloa; gilaadeu e noonoodia naa i denga seeini ga daudali mai ai i oodou dua. Gilaadeu e duuduli naa i oodou mada i mua, ga dangidangi adu naa, ga hai adu, ‘Ni muna abodonu, de Maadua e noho i oodou daha, gai e deai ange donu se maadua abodonu.’ ”

Isaiah 45:5

Go au donu go Iahweh, e deai ange donu, gai e deai ange donu se Maadua e bei ogu dagodo; au e hagammahi naa goe, e dee galemu donu koe tee iloo au;

Isaiah 37:20

Gai Tagi Maolunga demaadeu Maadua, au e dangidangi adu koe gi hagaola ina gimaadeu mai i de hodooligi o Assyria, gi iloo ai e denga nohoanga hodooligi alodahi o henua i lalo bolo go koe donu huu go Iahweh.”

Isaiah 37:16

“Tagi o denga hagabuulinga hebagi, de Maadua o Israel e noho laa i magavaa luu cherubim, go koe donu huu de Maadua o denga nohoanga hodooligi alodahi i henua i lalo; go koe ne haia de langi ma henua i lalo.

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

Deuteronomy 4:35

Gai mee nei ne hagaago adu gi iloo ai e goodou bolo Tagi Maolunga go de Maadua donu, gai e deai ange donu se Maadua e bei ono dagodo.

Deuteronomy 3:24

“Dogu Ia Aamua go Iahweh, koe gu daamada de hagaago mai gi de au, doo dangada hai hegau, dagodo o doo maolunga aama doo mmahi; go hiidinga e deai ange donu se maadua i de langi, aabe go henua i lalo, e maua i de hai hegau hagalele mouli aau gu hai.

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

Psalm 86:10

I hiidinga koe e maolunga mmao gai e hai hegau hagalele mouli, go koe donu huu de Maadua abodonu.

Acts 15:20

Aagai gidaadeu ga sisi e hai ange gilaadeu gi dee gaina mee gu hakino gee i hiidinga o denga diinonga, gilaadeu gi dee dagodo haisala, gai gi dee gaina kano o manu ne milo olaadeu ua, aama dodo.

1 Corinthians 8:11

Gai doo iloo mee gu oha taina e baageaa laa, go de ia o Klisdo ne magau i ono hiidinga.

Galatians 4:8

I mua gai goodou e dee iloo de Maadua, goodou ni dangada hai hegau niio mee e dee ni Maadua abodonu.