1 Corinthians 8:3 - De Beebaa Dabu

³ Gai tangada e aloha i de Maadua, se dangada hogi nii de Maadua e iloo.

1 Corinthians 8:3 Referans Kwoze

Exodus 33:17

Gai Tagi Maolunga ga hai ange gi Moses, “Au e hai donu gi bei de mee oou gu dangidangi mai ai; go hiidinga au e malangilangi i de goe, gai au e iloo oo dagodo.”

Nahum 1:7

Tagi Maolunga e danuaa, gai e bei de buibui i de masavaa hai ngadaa. Ia e iloo gilaadeu e hagadonusia ia,

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

1 Corinthians 2:9

Gai gu sisi e hai ange, “Mee a dangada tigi gidee, gai tigi langona, gai tigi maanadu i olaadeu lodo — go mee a de Maadua gu hagadabena ange gi gilaadeu e aaloha i de ia”  —

Galatians 4:9

Gai iainei goodou gu iloo de Maadua, gai de Maadua gu iloo goodou; gai gu aha gu aahe ange ai naa goodou e hai hegau ange gi denga hagasaalunga baageaa o henua i lalo nei e deai laa olaadeu haigamaiana? Goodou gu llodo naa donu e hai gi ni dangada hai hegau niiolaadeu?

Revelation 2:19

Au e iloo dagodo o au hegau, ma doo aloha, ma doo gai, ma au hegau ange gi dangada, aama de golomagi oo lodo, gai au hegau hagaodi e kii ange i au hegau i taamada.

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

Jeremiah 1:5

“I mua dagu hai goe i de mommee o denga dama, gai au gu iloo huu goe, gai i mua doo haanau, gai au ne vvae gee goe ga hagadabu; au ne hili goe e hai ai de pelaabisi o denga huaahenua.”

John 10:14

Go au donu tangada hagaloosi ssiibi danuaa; au e iloo agu ssiibi, gai agu ssiibi e iloo donu au,

Matthew 7:23

Aagai au e hai ange naa gi gilaadeu, ‘Au e dee iloo donu goodou. Goodou hulo gee mai i ogu daha, goodou ni dangada e haia de baubau!’

Psalm 1:6

Gai Tagi Maolunga e dagitilo haiava o olaadeu e heohi, aagai haiava o de gau baubau e duu ange donu gi de magau.

1 John 4:19

Gidaadeu e aaloha i de ia, i hiidinga go ia ne aloha i gidaadeu i mua.

Revelation 2:9

Au e iloo dagodo o doo vaivai haia ma doo hagaau aloha (aagai koe e lava mmao), gai au e iloo hagabaubau a dangada e hagataba laa bolo gilaadeu ni dangada Ssuu, gai e dee se muna abodonu, aagai gilaadeu go synagogue donu o Satan.

1 Peter 1:8

E dee galemu donu goodou tee gidee ia, gai goodou e aaloha i de ia; e dee galemu donu goodou e dee gidee ia iainei, gai goodou e hagadonusia ia ma de malangilangi i de malangilangi e dee maua laa i de tala ono dagodo aama de lodo danuaa mmao,

Exodus 33:12

Gai Moses ga hai ange gi Tagi Maolunga, “Koe ne hai mai au gi gaamai de huaadangada nei, aagai koe tigi tala mai donu be goai aau e hai gi hano madali au. Gai koe gu hai mai hogi, ‘Au e iloo oo dagodo ma de malangilangi i de goe.’

Psalm 17:3

Koe gu hagatale dagodo o ogu lodo, gai ga hagataalea naa donu e goe ogu dagodo i de boo, gai koe e dee gidee dahi mee daudahi; au gu hagatau bolo au e dee haisala donu i agu muna e tala.

Revelation 2:13

Au e iloo dagodo o doo mommee e noho ai, go de mommee iai de nohoanga o Satan. Aagai koe e duu ma e makaga i dogu ingoo, koe tee tili doo gai i laangi o taane go Antipas, go dogu daane tala hagadonu, ia se daane niiogu e hai hegau i de muna abodonu, gai ne daia ga magau i oodou daha, go de mommee o Satan e noho ai.

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Romans 11:2

De Maadua tigi tili donu ono dangada, go dangada aana gu iloo laa madagidagi. Goodou e dee iloo laa muna a de Beebaa Dabu e tala ai laa dagodo o Elijah, i dono dalodalo ga hagabaubau ange de gau Israel gi de Maadua?

1 Kings 3:3

Gai Solomon ne aloha i Tagi Maolunga, ma de daudali i muna a dono damana go David gu hagasauaa; deelaa donu huu, ia e hai ana sigidaumaha ma de dudu mee maanongi i denga mommee daumaha.

Amos 3:2

“Go goodou donu huu i denga huaabodu o henua i lalo alodahi aagu gu iloo; deenei ai, au e hagaduasala naa goodou i hiidinga oodou baubau alodahi.”

1 Corinthians 13:12

Iainei gai adaadeu mee e gidee e dee masalaba, bei dagodo o mee i lo te galaasa dilodilo; gai de masavaa laa naa huu, gai gidaadeu gu gidee danuaa donu. Iainei gai dagu iloo e dee honu; aagai de masavaa laa naa huu, gai gu honu danuaa dagu iloo, bei de hai a de Maadua e iloo ai laa ogu dagodo alodahi.

1 John 4:7

Ogu soa hagamogomogo, gidaadeu ga hagadau aaloha; go hiidinga de aloha se mee mai i daho de Maadua, gai tangada e hai hegau i de aloha se dama donu nii de Maadua gai ia e iloo de Maadua.