1 Corinthians 8:10 - De Beebaa Dabu

¹⁰ Gai noo dahi dangada e baageaa laa tagi i ono lodo e gidee goe, tangada iloo mee, e gaimee i de hale daumaha o dahi diinonga, gai e dee go koe ai naa e hagammahi ina ange ia gi gaina mee gu sigidaumaha ange gi denga diinonga?

1 Corinthians 8:10 Referans Kwoze

1 Corinthians 8:4

Gai aanei dagodo o de gai mee gu sigidaumaha ange laa gi denga diinonga: gidaadeu e iloo bolo “tiinonga e dee se mee abodonu,” aagai “e dahi donu huu Maadua abodonu.”

Romans 14:23

Aagai tangada e lodo lagolago gu hagabaubau ina donu i ana mee e gai, go hiidinga ia e dee gaimee i de gai; gai mee alodahi e dee hai i de gai e haisala donu.

1 Corinthians 8:7

Gai e dee go dangada alodahi e iloo de mee nei. Aagai hanu gu mau ange laa gi denga diinonga, e gai mee laa i delaadeu hagabinga bolo gu lava i de sigidaumaha ange gi denga diinonga; gai go hiidinga tagi i olaadeu lodo e baageaa, gai gu dee gilimalali.

Romans 14:14

Au e iloo abodonu ma de hagadonusia i lodo o Tagi Maolunga go Iesu, bolo e deai donu se mee daudahi e dee gilimalali. Aagai e dee gilimalali donu huu noo tangada e maanadu bolo e dee gilimalali.

Amos 2:8

Gilaadeu ne hhola alaadeu malo ne kave e hagadonu ai de hagao muli a dangada, ga daakodo ai i gaogao mommee o ssigidaumaha. Gilaadeu e unu uvaini a dangada ne hagao ai alaadeu muli, i lo te hale o delaadeu maadua.

Judges 9:27

Gai gilaadeu ne hulo gi lodo alaadeu veelengaa grape ga hagihagi ai denga grape, ga kumi e hai ai taonga i de hale daumaha o delaadeu diinonga. Gai gilaadeu ne gaimee ma de unu aama de pasa hagabaubau Abimelek.

Numbers 25:2

Denga haahine laa ne gauna ange de huaadangada gi denga daonga e hai ai laa denga sigidaumaha ange ai gi olaadeu diinonga, gai de gau Israel ga gaimee madali gilaadeu, ma de daumaha ange gi olaadeu diinonga.

1 Corinthians 10:32

Goodou gi dee hagadaemaha ina lodo o de gau Ssuu, be go de gau Greek, aabe go de nohoanga dabu o de Maadua,

Acts 15:20

Aagai gidaadeu ga sisi e hai ange gilaadeu gi dee gaina mee gu hakino gee i hiidinga o denga diinonga, gilaadeu gi dee dagodo haisala, gai gi dee gaina kano o manu ne milo olaadeu ua, aama dodo.

1 Corinthians 8:9

Gai goodou kana ange gi dee hagabaageaa ina e goodou lodo o dangada e baageaa laa olaadeu kai, i doodou hai hegau i doodou ilaage e hai dahi mee.