1 Corinthians 8:1 - De Beebaa Dabu

¹ Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

1 Corinthians 8:1 Referans Kwoze

1 Corinthians 8:7

Gai e dee go dangada alodahi e iloo de mee nei. Aagai hanu gu mau ange laa gi denga diinonga, e gai mee laa i delaadeu hagabinga bolo gu lava i de sigidaumaha ange gi denga diinonga; gai go hiidinga tagi i olaadeu lodo e baageaa, gai gu dee gilimalali.

Romans 14:3

Tangada e gaina mee alodahi gi dee hagangadi mee ina tangada e dee maua i de gai mee alodahi. Gai tangada e dee gaina mee alodahi gi dee hagabaubau ina tangada e gaina; go hiidinga de Maadua gu abodonu ange gi de ia.

Isaiah 5:21

E vakaa naa gilaadeu e maanadu laa bolo gilaadeu ni dangada heiangi ma de tonu!

Revelation 2:14

Aagai e hanu agu momo mee e hagasee ai goe: e hanu dangada i oodou magavaa e daohi agoago a Balaam, taane ne agoagona ange Balak gi haia gi haisala de gau Israel, gai gi gaina ai e gilaadeu mee gu sigidaumaha ange gi denga diinonga, aama de hai denga dahulinga hai be se manu.

1 Corinthians 8:4

Gai aanei dagodo o de gai mee gu sigidaumaha ange laa gi denga diinonga: gidaadeu e iloo bolo “tiinonga e dee se mee abodonu,” aagai “e dahi donu huu Maadua abodonu.”

1 Corinthians 8:2

Noo tangada e maanadu bolo ia e hanu ana mee e iloo, aagai tigi honu danuaa donu dana iloo.

Romans 15:14

Denga daina, au e iloo abodonu bolo goodou e abodonu mmao, goodou e hoohonu i de iloo mee, ma de maua i de hagadau agoago goodou.

Ephesians 4:16

Go ia e haia gi duu age de angaanga alodahi, i denga sugusuguinga alodahi iai. Gai ga hai hegau naa huu denga diba alodahi, gai de angaanga gu somo danuaa ma de hagadagadaga age i de aloha.

1 Corinthians 15:34

Goodou aahe ange ma gi maanetonu, gai goodou gi dee aahe ange gi haisala. Go hiidinga hanu goodou e dee iloo donu de Maadua. Gai au e tala adu de mee nei gi dookaa ai goodou.

Acts 15:29

goodou gi dee gaina gai gu sigidaumaha ange gi denga diinonga, ma dodo, ma manu gu milo laa olaadeu ua, aama tee dagodo haisala. Noo goodou e daohi goodou i mee nei, gai gu danuaa. Danuaa loo goodou!”

Isaiah 47:10

Gai dau tali go au hegau baubau, gai koe e hagadaba, “E deai donu dangada e gidee agu mee e hai.” Doo iloo mee ma doo heiangi gu hagasenga goe; gai koe e hagadaba i oo lodo, “Go au donu huu, e deai ange donu e bei au.”

Numbers 25:2

Denga haahine laa ne gauna ange de huaadangada gi denga daonga e hai ai laa denga sigidaumaha ange ai gi olaadeu diinonga, gai de gau Israel ga gaimee madali gilaadeu, ma de daumaha ange gi olaadeu diinonga.

1 Corinthians 10:28

(Gai noo dahi dangada e hai adu gi de goe, “Gai nei gu lava i de sigidaumaha ange gi dahi diinonga,” gai koe aude gaina i hiidinga o tangada ne daalaa adu mee laa gi de goe, aama hiidinga o tagi o de lodo;

Acts 21:25

Aagai gimaadeu gu sisi ingoo o denga Gentile gu hagadonusia laa, ma de hai ange gilaadeu gi dee gaina mee gu sigidaumaha ange gi denga diinonga, ma dodo, aama manu gu milo olaadeu ua, gai gilaadeu gi dee dagodo haisala hogi.”

Acts 15:10

Deenei ai, gu aha goodou gu hagatale ai naa de Maadua iainei, i doodou hagauda ange gi honga o dangada gu hagadonusia denga hainga adaadeu ma odaadeu dubuna madagidagi tee maua i de daudali ai?

Revelation 2:20

Aagai e dahi mee aagu e hagasee ai goe: koe e dee buibui de hine go Jezebel, e tala laa bolo ia se pelaabisi, gai e agoago ange ma de hagasenga ogu dangada hai hegau gi haia denga dahulinga dagodo hai be se manu, aama de gai mee gu sigidaumaha ange gi denga diinonga.

Colossians 2:18

Goodou gi dee dugua ange dahi dangada gi haia gi dee dau goodou, i dana hagammahi adu goodou gi hagamaolalo i de hadu muna, ma de daumaha ange gi denga dangada de langi, ma de tala hanu midi hagaago ange, ga hagasoenga ai i teai hiidinga, i ana maanadu dee heohi.

1 Corinthians 14:20

Denga daina, goodou gi dee maanadu gauligi; gai maanadu bei dagodo o denga gaagaa i de hai de baubau, aagai oodou maanadu gi maatua abodonu.

1 Corinthians 5:6

E dee danuaa doodou tuhi donu huu goodou. Goodou e dee iloo bolo hanu momo mee hagahua e hai ga hua de laabungaa pelaoaa alodahi?

1 Corinthians 5:2

Gai goodou e hagamaolunga! Gai de mee e heohi doodou hai go de daemaha oodou lodo ma aau gee tangada gu haia de hegau nei mai i oodou magavaa!

1 Corinthians 4:18

Hanu i goodou e hagamaolunga, gilaadeu e maanadu bolo au gu dee hanadu gi oodou daha.

1 Corinthians 4:10

Gimaadeu gu bei de gau llodo ssenga i hiidinga o Klisdo, aagai goodou gu ni dangada heiangi i lodo o Klisdo. Gimaadeu e baageaa, aagai goodou e mmahi. Goodou e hagadubulia, aagai gimaadeu e dee hagadubulia.

1 Corinthians 1:5

Go hiidinga goodou gu ni dangada e lava i mee alodahi i lodo o Klisdo, i oodou 2co 5 20 muna alodahi ma de iloo mee alodahi.

Romans 14:22

Gai doo gai gi se mee i ooluu magavaa ma de Maadua. E manuuia tangada e dee hagabaubau donu huu ia i ana mee e hagabinga bolo e heohi i dana hai.

Romans 14:14

Au e iloo abodonu ma de hagadonusia i lodo o Tagi Maolunga go Iesu, bolo e deai donu se mee daudahi e dee gilimalali. Aagai e dee gilimalali donu huu noo tangada e maanadu bolo e dee gilimalali.

Romans 14:10

Gai gu aha goe gu hagabaubau ai naa doo daina? Gai gu aha goe gu hagangadi mee ai naa doo daina? Go hiidinga gidaadeu alodahi e odi naa donu i de tuu i mada i mua o de nohoanga hagamodu muna o de Maadua.

Romans 12:16

Goodou nnoho hagabuni i de hagadau abodonu; goodou gi dee llodo maolunga, gai hai soa ange ma de hagahedaea ange goodou gi gilaadeu e maolalo. Goodou gi dee hagataba i oodou lodo bolo goodou e iloo mee alodahi.

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.

Romans 14:19

Deenei ai, gidaadeu ga hagaduu ngae e nnoho hagabuni i de baba ma de hagadau hagammahi odaadeu lodo.

1 Corinthians 4:6

Denga daina, au ne hagadagodo ange de mee nei gi omaau dagodo ma Apollos gi tonu ange ai goodou, gai goodou ga agoago ai i omaau dagodo, gi dee hulo ai goodou laa honga mee gu sisi, gai gi dee duuhia ai e goodou dahi dangada, gai ga hai baasi ange gi tangada ange laa.

1 Corinthians 10:15

Au e hai adu gi goodou e maanetonu; goodou hagasaelea dagodo o agu mee e tala adu nei gi goodou.