1 Corinthians 6:9 - De Beebaa Dabu

⁹ Goodou e dee iloo laa bolo dangada e haia mee dee heohi e dee maua donu i de ulu i de nohoanga hodooligi o de Maadua? Goodou gi dee daahangadia donu huu goodou: gilaadeu e dagodo haisala, ma gilaadeu e daumaha ange gi denga diinonga, ma gilaadeu e gaiaadia bodu o dangada, ma denga daane e dagodo haisala ma denga daane,

1 Corinthians 6:9 Referans Kwoze

Leviticus 20:13

Noo dahi daane e dagodo haisala ma dahi daane bei de hagahebaa o taane ma de hine, gai gilaau gu hai dahi hegau hakino gee. Gilaau ngaadahi e daa donu gi maakau, gai delaau maakau e dau ange donu huu gi gilaau.

Leviticus 18:22

Aude dagodo haisala ma taane bei de hai e hagahebaa ange ai laa de hine; go hiidinga se hegau donu hakino gee.

1 Corinthians 6:10

ma de gau gaiaa, ma gilaadeu e nnoo hagamau mee, ma gilaadeu e unu ga ssenga, ma de gau hai samu, aama gilaadeu e haia gi de mahi mee a dangada e dee ulu donu i de nohoanga hodooligi o de Maadua.

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

1 Corinthians 6:19

Goodou e dee iloo laa bolo oodou angaanga go de temple donu o de Hagasaalunga Dabu e noho laa i oodou lodo, gai ia ne humai i daho de Maadua? Gai e dee go goodou donu e huahua i goodou;

1 Corinthians 5:10

gai e dee go de gau o henua i lalo e dagodo haisala laa, be go gilaadeu e nnoo hagamau mee ma de gaiaa, aabe go dangada o henua i lalo e daumaha ange laa gi denga diinonga. Noo deenei tagodo, gai e heohi donu doodou hulo gee mai i henua i lalo nei.

Hebrews 13:4

Goodou alodahi gi hagadubu ina de hai bodu, gai dangada gu hai bodu gi dee dagodo haisala. Go hiidinga de Maadua e hagaduasala donu tangada hai be se manu, ma dangada alodahi e dagodo haisala.

Deuteronomy 22:5

De hine e dee gahu i malo o denga daane, gai taane e dee gahu i malo o denga haahine; go hiidinga Tagi Maolunga doodou Maadua e kino i tangada e haia de hegau nei.

Romans 1:18

Gai de lili o de Maadua gu hagaago mai i de langi, e hagaduasala ai gilaadeu alodahi e dee hagadubulia de Maadua ma de gau baubau e buibuia laa gi dee sula de muna abodonu i alaadeu hegau baubau.

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

1 Corinthians 15:50

Denga daina, au e tala adu de mee nei: kano ma dodo e dee maua i de ulu i de nohoanga hodooligi o de Maadua, gai de angaanga e magau laa e dee maua hogi i de kave de angaanga e dee maua laa gi magau.

1 Corinthians 15:33

Goodou gi dee hagasengalia: “De hai soa ange gi de gau baubau e oha denga dahulinga danuaa.”

1 Corinthians 3:16

Goodou tigi tonu ange naa donu bolo goodou go de temple o de Maadua, gai de Hagasaalunga o de Maadua e noho i oodou lodo?

Hebrews 12:16

Diiloo gi deai se goodou e hai be se manu aabe e hagangadi mee ina denga mee dabu, bei dagodo o Esau; ia ne hagao dahi gumedi gai, i de boolonga o tama madua.

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

1 Corinthians 5:1

Gai gu hagadele mai bolo hanu dahulinga dagodo haisala e hai i oodou magavaa, gai ni dahulinga donu e dee hai i daho denga Gentile; dahi daane e dagodo haisala ma de bodu o dono damana.

Judges 19:22

Gai de masavaa olaadeu e nnoho ai ma e malangilangi, gai hanu daane baubau o de aduhale laa ne loomai ga holiage luu baasi de hale laa. Gai gilaadeu ga dugidugi de abaaba ga hai ange gi taane madumadua niiona de hale, “Hagassao ina mai taane ne humai naa gi doo hale, gai gimaadeu ga dagodo haisala ma ia.”

Deuteronomy 23:17

Gai gi deai donu se damaa hine aabe se dama daane o Israel, e hai ia gi se dangada hai be se manu, i de hale daumaha o denga diinonga.

Genesis 19:5

Gai gilaadeu ga hagahi a Lot, ga hai ange gi de ia, “I hee iai luu daane ne loomai laa gi doo hale anaboo nei? Hagassao ina mai gilaau, gai gimaadeu ga dagodo haisala ma gilaau.”

Proverbs 22:8

Tangada e dooa de baubau e hagihagi naa de hai ngadaa, gai de laagau o de lili e hagaduasala ai laa dangada e hagadeai naa.

James 1:16

Denga daina hagamogomogo, goodou gi dee hagasengalia!

1 Corinthians 9:24

Goodou e dee iloo bolo de hagadau gaavange se mee ange gi dangada alodahi e saavini, aagai e dahi donu huu dangada e gaavee de hagaoanga? Deenei ai, goodou hagaduu ngae saavini gi maua ai e goodou i de kave de hagaoanga laa.

Matthew 19:29

Aagai tangada e dugua ono hale, be go ono daina, be go dono damana ma dono dinana, be go ana dama, aabe go ono alahenua i ogu hiidinga, e kave naa hogi mee e lau hanonga e kii ange ai, aama de mouli e dee ngado mai.

Zechariah 5:3

Gai ia ga hai mai gi de au, “De beebaa nei e sisi ai de hagamalaia e gaavange gi honga henua i lalo alodahi; dahi baasi e sisi ai de hagaduasala o tangada gaiaa, gai de baasi ange laa e sisi ai de hagaduasala o tangada e haia dahi hagatoo donu hadu muna.

Proverbs 11:1

Tagi Maolunga e kino i de mee hagahidi hagasenga, aagai e malangilangi i de mee hagahidi e heohi abodonu.

Leviticus 19:15

Aude hagahaisala ina de hagamodu muna heohi; aude haia gi dagodo gee dau hai e hai ai tangada hagaau aloha ma tangada lava, aagai koe gi hagamodu ina muna o tangada e baa adu gi de goe i de heohi.

Exodus 23:1

“Aude hagadele ina denga longo hhadu. Aude hagabuni ange gi tangada baubau gi daalaa hagadonu ina ai ana muna hhadu.

Acts 24:25

Gai de masavaa a Paul e basa ange ai i dagodo o de heohi, ma de golomagi lodo, aama de hagaduasala gu dai dae mai laa, gai Felix gu madagu, ga hai ange, “Gu lava au muna e tala, hannoo, gai au ga ssala adu ange ai goe noo gu dahi ange ogu masavaa.”

Leviticus 18:20

Aude dagodo haisala ma de bodu o tangada e baa adu gi de goe, koe e hai naa ga hakino gee goe i ono daha.

Deuteronomy 22:22

Noo gu gidee mai bolo dahi daane gu hano ma gu dagodo haisala i daho dahi hahine gu hai bodu laa, gai goodou daia gi maakau ngaadahi taane aama de hine laa. Gai goodou ga aau gee ai de baubau i daho de gau Israel.

Proverbs 7:27

Dono hale go de haiava e hano laa gi de mommee o de gau maakau, gai e hano iho gi lodo daanunga o de gau maakau.

Ezekiel 18:11

(gai e dee galemu naa donu tamana e dee hai mee nei); gai ia e gaimee i mommee daumaha i honga de mounga, ia e dagodo haisala ma de bodu o tangada e baa ange gi de ia,

Luke 21:8

Iesu ne hai ange gi gilaadeu, “Goodou dagidiiloo gi dee hagasengalia goodou. E soa naa dangada e loomai i dogu ingoo ga hagataba, ‘Go au go ia!’, gai ‘Gu baa mai de masavaa laa!’ Gai goodou gi dee daudali ange i gilaadeu.

Acts 20:32

Aagai iainei au e dugu ange goodou gi de Maadua gi diiloo ange, aama dono abodonu, go ia e maua i de hagatuu goodou gi makaga, ma de hai gi maua e goodou de manuuia madali dangada alodahi gu lava i de vvae gee.

1 Corinthians 5:11

Aagai au ne sisi adu goodou gi dee hagabuni ange gi tangada e hagadaba bolo ia se daina noo ia se dangada hai be se manu, be se dangada nnoo hagamau mee, be e daumaha ange gi denga diinonga, be se dangada hai samu, be se dangada e lodo i de unu gi senga, aabe se dangada gaiaa. Gai goodou e dee gaimee donu hogi madali tangada bee nei.

1 Corinthians 6:18

Goodou saavini hulo gee i denga dahulinga dagodo haisala. Haisala ange laa e hai i tua de angaanga, aagai denga dahulinga hai be se manu e hai baasi ange donu gi de angaanga o tangada.

2 Corinthians 12:21

Au e manavasaa i de hagadogaa a de Maadua ngau i dogu masavaa e ahe adu ai gi oodou daha, ma dogu dangi i hiidinga o de gau soa gu haisala laa i mua, gai tigi daahuli donu olaadeu lodo mai i alaadeu hegau hakino gee, ma de dagodo haisala, ma denga dahulinga hai be se manu.

Galatians 6:7

Aude hagasengalia donu huu goodou; e deai donu se dangada e maua i de hagangadi mee de Maadua, go hiidinga be se aha naa huu a tangada e doo, gai ia e hagihagi hogi hua o ana mee ne doo.

Colossians 3:5

Deenei ai, goodou daia gi maakau lodo o henua i lalo e hai hegau laa i oodou lodo: go de hai be se manu, ma dahulinga hakino gee, ma de lodo dee heohi, ma de lodo e hai de baubau, ma de nnoo hagamau mee, mee nei e bei donu de daumaha ange gi denga diinonga.

1 John 3:7

Agu dama, goodou gi dee dugu ange dahi dangada gi daahangadia goodou. Tangada e haia de mee heohi se dangada heohi, ia e bei dagodo o Klisdo, ia e heohi.