1 Corinthians 6:16 - De Beebaa Dabu

¹⁶ Goodou e dee iloo laa bolo tangada e dagodo haisala madali dahi hahine hai be se manu, gu hai donu ma gu se angaanga daudahi ma de hine laa? Go hiidinga gu sisi e hai ange, “Gilaau gu hai ma gu se angaanga daudahi.”

1 Corinthians 6:16 Referans Kwoze

Genesis 2:24

Deenei de hiidinga o taane e dugu ai laa dono damana ma dono dinana, gai ia ga hagapigi ange gi dono bodu, gai gilaau gu hai ga se angaanga e dahi.

Ephesians 5:31

“Deenei ai, taane e dugu dono damana ma dono dinana, gai ia ga hagapigi ange gi dono bodu, gai gilaau gu se angaanga e dahi.”

Mark 10:8

gai gilaau gu hai ga se angaanga e dahi.’ Gilaau gu dee ni dangada dagidahi, aagai gu dahi donu huu.

Hebrews 11:31

De gai o Rahab, de hine hai be se manu, ne hai ga tee magau ia madali dangada tee hagallongo i muna, i hiidinga ia ne abodonu ange gi denga daane mulidagi.

Judges 16:1

Dahi laangi gai Samson ne hano gi Gaza, gai ia gu gidee dahi hahine hai be se manu i kilaa. Gai ia ne dagodo haisala ma ia.

Genesis 38:24

Gai dua huu e dolu malama, gai hanu dangada ga tala ange gi Judah, ga hai ange, “Doo saulaba go Tamar gu hai dama i dono hai be se manu.” Gai Judah ne hai ange, “Gaavee ia gi tua de aduhale dudu ai ia gi magau!”

Genesis 34:31

Aagai gilaadeu ga hai ange, “E aha, se mee heohi delaadeu hai demaadeu daina hahine bei dagodo o dahi hahine hai be se manu?”

Genesis 38:15

Gai de masavaa a Judah ne gidee ai ia, gai ia e maanadu bolo ia se hine hai be se manu, go hiidinga ia gu haoli luoono mada.

1 Corinthians 6:3

Goodou e dee iloo bolo gidaadeu e hagamodu naa muna o denga dangada de langi? Gai e kii ange donu taadeu maua i de hagamodu dagodo o mee i de mouli nei!