1 Corinthians 6:12 - De Beebaa Dabu

¹² ⌊Tangada e maua i de hagadaba,⌋ “Au e alaange i de hai mee alodahi,” aagai e dee go mee alodahi e hanu ono haigamaiana. “Au e alaange i de hai mee alodahi,” aagai au e dee dugu ange dahi mee daudahi gi dagina au.

1 Corinthians 6:12 Referans Kwoze

1 Corinthians 9:27

Aagai au e hagammae dogu angaanga ga hai gi abo ange i de hai gi bei dagu mee e lodo e hai, kana agoago ange e au dangada, gai muli mai au tee maua i de kave de hagaoanga.

2 Thessalonians 3:9

e dee go hiidinga gimaadeu e dee maua i de kave de bale mai i oodou daha, aagai gimaadeu ne llodo e hai dahi hagaago danuaa gai goodou ga ago mai ai i omaadeu mouli.

Jude 1:12

De gau nei e bei dagodo o mee dongidongi gelegele i de masavaa oodou e hagabuni ai e daonga i de hagadau aaloha; gilaadeu e dee maatagu donu i de gaimee madali goodou, gilaadeu e bei de gau hagaloosi ssiibi e hangaina laa donu huu gilaadeu. Gilaadeu e bei giliiga e ilihia saele laa i de madangi, gai e deai donu vai langi iai, gai e bei hogi manu ssomo e deai olaadeu hua i malama e malili ai lau o denga manu ssomo; tee hhua gai ne unuunusi age — ne lua hanonga ne maakau ai.

1 Corinthians 8:4

Gai aanei dagodo o de gai mee gu sigidaumaha ange laa gi denga diinonga: gidaadeu e iloo bolo “tiinonga e dee se mee abodonu,” aagai “e dahi donu huu Maadua abodonu.”

Romans 7:14

Gidaadeu e iloo bolo de hainga se mee ange gi de baasi gi de hagasaalunga; aagai au se dangada, e noho i lalo ssauaa o de haisala.

1 Corinthians 9:12

Noo de gau ange laa e dahi olaadeu heohi e kave ai de bale mai i oodou daha, gai e aha, e dee kii gimaadeu i de dahi omaadeu heohi e kave ai de bale mai i oodou daha? Gai gimaadeu tee hai donu de mee nei. Aagai ne golomagi omaadeu lodo gi dee buibuia ai e gimaadeu de longo danuaa o Klisdo.

John 5:10

Gai de gau Ssuu ne hai ange gi taane gu ieiangi laa, “Anailaa nei go Sabbath; gai e dee alaange dau saabai doo moenga.”

Leviticus 15:18

Gai noo dahi daane ma dahi hahine e hagahebaa, gai gilaau ngaadahi gu baalau i denga bii, gai gilaau gi gaugau i vai, gai gilaau e dee gilimalali ga dae ai gi de ahiahi.