1 Corinthians 6:11 - De Beebaa Dabu

¹¹ I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

1 Corinthians 6:11 Referans Kwoze

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

Acts 22:16

Gai se aha aau e tali naa? Hidi age e babudaisi goe, ma de hai gi maatala oo haisala i doo dalodalo ange gi de ia.’

Romans 8:30

Gai gilaadeu aana gu lava laa i de hagatau olaadeu dagodo gu lava hogi i dana hagahi, gai gilaadeu aana gu hagahi laa gu lava hogi i dana hai gi dabu; gai dangada aana gu hai laa gi dabu gu lava hogi i dana hagamahamaha.

1 Peter 1:2

go dangada ne hili bei dagodo de iloo mee o de Maadua Tamana, gai gu hai gi se huaadangada dabu i ssauaa o de Hagasaalunga ⌊Dabu⌋, gai gi hagallongo ange ai gilaadeu gi Iesu Klisdo ma de hagagilimalali i ono dodo: Gi laumalie de abodonu ma de baba i oodou daha.

Hebrews 10:22

Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.

Ephesians 5:26

gai ia ga hai ai gi dabu de nohoanga dabu i dana hakaugau ia i vai o muna a de Maadua,

Ephesians 5:8

Go hiidinga i mua goodou e gohu, gai iainei goodou gu maalama i lodo o Tagi Maolunga; deenei ai, goodou mouli bei dagodo o dama a de maalama,

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

Romans 8:33

Goai e maua i de hagabaubau gilaadeu a de Maadua gu hili? Go de Maadua e hagaheohi ina gilaadeu.

Romans 5:1

Deenei ai, go hiidinga gidaadeu ne hagaheohi i de gai, gidaadeu gu nnoho paba madali de Maadua i hiidinga o taadeu Dagi Maolunga go Iesu Klisdo,

2 Thessalonians 2:13

Gimaadeu e hagaahe ange de abodonu gi de Maadua i masavaa alodahi i oodou hiidinga, denga daina o Tagi Maolunga e aloha ai laa, go hiidinga mai i taamada age gai de Maadua ne hili goodou gi hagamouli ga vvae gee goodou i ssauaa o de Hagasaalunga ⌊Dabu⌋, aama doodou hagadonu de mee abodonu.

Acts 13:39

Gai dangada alodahi e hagadonusia ia e ilaage mai ai i haisala alodahi, gai go de hagaheohi oodou e dee maua laa i de kave i doodou daudali i de hainga a Moses.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

Galatians 3:11

Gai iainei gu sula danuaa mai bolo e deai donu se dangada e hagaheohi i daho de Maadua i dono hai hegau i de hainga; go hiidinga, “Tangada heohi e mouli i de gai.”

Revelation 7:14

Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.

Galatians 2:16

gai gimaadeu e iloo bolo tangada e dee hagaheohi i dono daudali i de hainga, aagai go dono gai ange gi Iesu Klisdo. Gai gimaadeu alodahi gu kai ange gi Klisdo Iesu, gi hagaheohi ai gimaadeu i demaadeu kai ange gi Klisdo, e dee go demaadeu daudali i de hainga, go hiidinga de hai hegau i de hainga e dee maua donu i de hagaheohi dahi dangada daudahi.

1 Corinthians 12:2

Goodou e iloo bolo doodou masavaa ni Gentile ai, gai goodou ne hagasengalia i denga diinonga e dee maua laa i de pasa.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Psalm 51:7

Hagagilimalali ina au i de hyssop, gi gilimalali ai au; hakaugau ina mai au, gi tea ange ai au i denga snow.

Psalm 51:2

Sooloa gi odi ogu baubau alodahi, ma de hagagilimalali au mai i ogu haisala.

Hebrews 2:11

Gai de ia ne haia ga dabu dangada ma gilaadeu ne hai ga dabu ne loomai i se huaabodu daudahi. Deelaa ai, ia e dee dogaa i de hagadaba bolo gilaadeu ni daina niiona,

Galatians 3:24

Deelaa ai, de hainga ne dagitilo gidaadeu ga dae ai gi de humai o Klisdo, gai ia ga hagaheohi ai gidaadeu i de gai.

Romans 5:9

Deenei ai, go hiidinga gidaadeu gu hagaheohi i dodo o Klisdo, gai e kii ange naa donu dana hagaola mai gidaadeu i de lili ⌊o de Maadua⌋.

Romans 3:24

gai dangada gu hagadanuaa i de mee ngadi gaavange go dono abodonu, i de hagaoanga a Klisdo Iesu gu hagao laa.

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

Isaiah 45:25

Aagai go daho Tagi Maolunga a denga aamuli o Israel e gidee ai de hagaheohi ma de kii.

1 Peter 3:21

Gai de babudaisi e hagadagodo ange gi de mee nei, go de babudaisi e hagamouli ai laa goodou iainei — e dee go de aau gi deai gelegele i odaadeu angaanga, aagai go de dangidangi ange gi de Maadua gi hagagilimalali ina tagi o de lodo, i hiidinga de mouli age o Iesu Klisdo,

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Galatians 3:8

Gai de Beebaa Dabu ne tala bolo de Maadua e hagaheohi naa denga Gentile i de gai, ma de agoago ange hogi de longo danuaa gi Abraham i mua, ga hai ange, “Gai denga huaahenua alodahi e manuuia naa i oo hiidinga.”

Romans 4:5

Aagai tangada e dee hai hegau, gai ia e hagadonusia de Maadua e hagaheohi ina laa de gau baubau, gai dono gai e dau ia gi se dangada e heohi,

Isaiah 1:16

goodou gaugau gi gilimalali ai goodou. Aaua gee oodou hegau baubau mai i mada luoogu mada; duudia doodou hai de baubau,

Proverbs 30:12

Hanu dangada e maanadu bolo gilaadeu e gilimalali, gai tigi hagagilimalali donu denga mee hakino gee i olaadeu lodo.

Luke 18:14

Au e hai adu gi goodou, taane nei ne ahe gi dono hale gu hagaheohi, aagai taane ange laa teai. Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

John 13:10

Iesu ne hai ange gi de ia, “Dangada gu lava laa i de gaugau, go olaadeu vae donu huu e hai gi gilimalali; olaadeu angaanga alodahi gu gilimalali donu. Goodou gu gilimalali, aagai e dee go goodou alodahi.”

Leviticus 8:6

Gai Moses ga gaamai Aaron ma ana dama daane ga hagagilimalali gilaadeu i vai.

John 13:8

Gai Peter ga hai ange gi de ia, “Koe e dee dai hakaugau donu luoogu vae.” Iesu ne hai ange gi de ia, “Noo au e dee hakaugau goe, gai koe e dee dau donu madali au.”

Hebrews 10:29

Gai e laumalie ange donu de hagaduasala o tangada e hagangadi mee ina Tama Daane a de Maadua, ma de dagadagahia gi lalo luoono vae dodo o Klisdo, go dodo o de hagatoo donu hagaheloongoi ne haia ia ga se dangada e dabu, aama de hagadogaa de Hagasaalunga o de abodonu.

1 John 2:12

Denga dama, au e sisi adu mee nei gi goodou, i hiidinga de Maadua gu degi adu gi oodou haisala i hiidinga de ingoo o Iesu.

Leviticus 14:48

Aagai noo tangada haimeedabu e humai ga tilo, gai denga mee dongidongi i lo te hale laa tigi dolo gi daha, i dua de lebu, gai ia gi hagadaba bolo de hale laa gu gilimalali, i hiidinga gu deai mee dongidongi iai.

Matthew 20:4

gai ia ga hai ange gi gilaadeu, ‘Goodou hulo hogi hai hegau i dagu veelengaa grape, gai au ga hagao adu goodou i de mee e heohi.’ Gai gilaadeu ga hulo ai loo.

John 5:4

Go hiidinga dahi dangada de langi e hano iho i hanu masavaa ga hai gi kai age lo te vai laa; gai be goai naa huu ne iho i mua gi lo te vai laa i dua de kai age, gai ia e ieiangi mai i de hagadaagangaa magi oona e magi ai laa.]