1 Corinthians 5:3 - De Beebaa Dabu

³ Gai au, e dee galemu donu dogu dee madali goodou i de angaanga, aagai dogu hagasaalunga e madali goodou. Gai au gu lava donu i de hagamodu muna o taane ne haia de hegau naa, e dagodo be au e noho donu i oodou daha.

1 Corinthians 5:3 Referans Kwoze

Colossians 2:5

Gai ga dee noho naa donu au i oodou daha iainei i de angaanga, gai au e noho donu i oodou daha i de hagasaalunga, ma de malangilangi i dagu gide doodou lodo mmahi aama doodou tuu ga makaga i oodou kai ange gi Klisdo.

1 Thessalonians 2:17

Denga daina, gimaadeu gu vvae gee mai i goodou i dahi damaa masavaa — gai go omaadeu angaanga donu huu, e dee go amaadeu maanadu — gai gu kii ange donu demaadeu llodo e tilo goodou, i hiidinga demaadeu hinangalosaa i goodou.

2 Corinthians 13:2

Au gu lava i de hagakana ange gilaadeu gu haisala i mua aama de gau ange laa alodahi, i dogu masavaa e dee maleva ai i oodou daha, gilaadeu gi kana mai, bei dagu hai ne basa ange ai laa gi gilaadeu i dogu masavaa ne dae adu ai gi oodou daha i de lua hanonga: de masavaa naa huu oogu e dae adu ange ai, gai au e hagaduasala donu gilaadeu,

2 Corinthians 10:11

Daalaa ange gi tonu ange de gau bee naa bolo amaadeu muna e sisi adu i lodo leda i de masavaa omaadeu e dee maaleva ai, go muna mau donu hogi amaadeu e tala adu i de masavaa omaadeu e nnoho ai i oodou daha.

2 Corinthians 10:1

Go au donu go Paul, au e dangidangi adu gi goodou i de lodo e daudonu ma de lodo maolalo o Klisdo — au se dangada e dee muu i de masavaa odaadeu e hegide ai, gai e lo taane i de basa i de masavaa oogu e dee noho ai i oodou daha! —

1 Corinthians 5:12

Gai e dee go au donu e hagamodu ina muna o denga Gentile. Gai go goodou donu e hagamodu ina dagodo o dangada i lo te nohoanga dabu?