1 Corinthians 5:11 - De Beebaa Dabu

¹¹ Aagai au ne sisi adu goodou gi dee hagabuni ange gi tangada e hagadaba bolo ia se daina noo ia se dangada hai be se manu, be se dangada nnoo hagamau mee, be e daumaha ange gi denga diinonga, be se dangada hai samu, be se dangada e lodo i de unu gi senga, aabe se dangada gaiaa. Gai goodou e dee gaimee donu hogi madali tangada bee nei.

1 Corinthians 5:11 Referans Kwoze

Romans 16:17

Denga daina, au e dangidangi adu goodou gi dagidiiloo dangada e hagadee heloongoi ina laa magavaa o dangada, ma de haia mee e dee bei de hai oodou gu agoago ai. Goodou gi dee hagabuni ange gi gilaadeu.

2 Thessalonians 3:14

Gai noo dahi dangada e dee lodo e daudali i muna i lo te leda nei, gai goodou gi iloo ono dagodo, gai goodou gi dee hagabuni ange gi de ia, gi dogaa ai ia.

2 Thessalonians 3:6

Denga daina, gimaadeu e hai adu i de ingoo o taadeu Dagi Maolunga go Iesu Klisdo, goodou gi dee hagabuni ange gi denga daina alodahi e ngadi nnoho laa donu huu, gai e dee daudali i dahulinga oodou gu kave mai i omaadeu daha.

Matthew 18:17

Gai noo ia e dee e hagallongo ange gi gilaadeu, gai daalaa ange gi de nohoanga dabu alodahi. Gai noo ia e dee hagallongo ange hogi gi de nohoanga dabu, aagai goodou haia ia bei dahi dangada tua de mee ma tangada e hagabudulia taagisese.

1 Corinthians 5:13

Aagai go de Maadua e hagamodu ina muna o de gau tua de mee. “Goodou dilia gee tangada baubau mai i oodou magavaa.”

2 John 1:10

Noo dahi dangada gu hanadu gi oodou daha, gai ia e dee agoago bei dagodo agoago nei, aagai goodou gi dee abodonu ange gi de ia i oodou hale, aabe gi hagaboo ange gi de ia,

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

1 Timothy 3:3

ia gi dee lodo e unu gi senga, ia gi dee alasala aagai gi daudonu, ia gi dee lodo e hagadaumee, ma tee nnoo ange gi sseene.

Matthew 23:25

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e hagagilimalali tua o de ubu ma de gumedi, gai ono lodo e honu i de nnoo hagamau mee ma de hai oodou mee e llodo ai.

Revelation 2:20

Aagai e dahi mee aagu e hagasee ai goe: koe e dee buibui de hine go Jezebel, e tala laa bolo ia se pelaabisi, gai e agoago ange ma de hagasenga ogu dangada hai hegau gi haia denga dahulinga dagodo hai be se manu, aama de gai mee gu sigidaumaha ange gi denga diinonga.

Ephesians 5:5

Gai goodou gi iloo de mee nei: e deai dono se dangada hai be se manu, be se dangada dahulinga hakino gee, be se dangada nnoo hagamau mee (e bei se dangada e daumaha ange gi denga diinonga), e maua i de ulu i de nohoanga hodooligi o Klisdo ma de Maadua.

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

1 Corinthians 6:10

ma de gau gaiaa, ma gilaadeu e nnoo hagamau mee, ma gilaadeu e unu ga ssenga, ma de gau hai samu, aama gilaadeu e haia gi de mahi mee a dangada e dee ulu donu i de nohoanga hodooligi o de Maadua.

Ezekiel 22:12

Hanu dangada i oo daha e kave mee ngadi gaavange hagasenga e daa ai dangada gi maakau; koe e hai gi laumalie de mee a dangada e paa adu gi de goe e hagao i au sseene e gaavange gi gilaadeu. Gai koe gu ngalo donu au, go de Ia Aamua go Iahweh e hagadaba.

Colossians 3:5

Deenei ai, goodou daia gi maakau lodo o henua i lalo e hai hegau laa i oodou lodo: go de hai be se manu, ma dahulinga hakino gee, ma de lodo dee heohi, ma de lodo e hai de baubau, ma de nnoo hagamau mee, mee nei e bei donu de daumaha ange gi denga diinonga.

1 Corinthians 8:11

Gai doo iloo mee gu oha taina e baageaa laa, go de ia o Klisdo ne magau i ono hiidinga.

1 Corinthians 6:6

Aagai dahi daina e gaavange dono daina gi de hainga — gai mee nei e hai i madamada o dangada e dee hagadonusia.

Romans 13:13

Gidaadeu ga hai hegau gi danuaa, bei dagodo o dangada e hai hegau i de masavaa e ao ai de mee, e dee go de hai daonga ga hagalonga ai ma de unu ga ssenga, e dee go de hai be se manu ma denga dahulinga dagodo haisala, aabe go de hagadaumee aama de lodo gaiaa.

Psalm 101:5

Au e daa naa gi magau tangada e hagabaubau ina dahi dangada; au e dee golomagi naa donu ogu lodo ange gi tangada e galo hagamaolunga ma de lodo maolunga.

Psalm 10:3

Tangada baubau e tala hagasoenga mee i ono lodo, ia e tuhi tangada nnoo gai e hagangadi mee Tagi Maolunga.

Revelation 2:14

Aagai e hanu agu momo mee e hagasee ai goe: e hanu dangada i oodou magavaa e daohi agoago a Balaam, taane ne agoagona ange Balak gi haia gi haisala de gau Israel, gai gi gaina ai e gilaadeu mee gu sigidaumaha ange gi denga diinonga, aama de hai denga dahulinga hai be se manu.

1 Timothy 6:5

ma tee heloongoi magavaa de gau maanadu baubau, e dee iloo laa e gilaadeu de muna abodonu. Gilaadeu e maanadu bolo alaadeu hai daumaha e hai ga maua e gilaadeu sseene lagolago.

Ephesians 5:18

Goodou gi dee unu gi ssenga i uvaini, go hiidinga e oha oodou mouli; aagai gi hoohonu i de Hagasaalunga ⌊Dabu⌋.

Galatians 2:12

Go hiidinga i mua de tae mai o denga daane a James ne hai laa gi loomai, gai Peter nogo gaimee madali denga Gentile; aagai ga tae mai huu denga daane laa, gai ia gu dee hagabuni ange gi denga Gentile, go hiidinga ia gu madagu i de hagabuulinga o de tuu dagaholiage.

1 Corinthians 11:21

Go hiidinga de masavaa oodou e gai ai, gai dahi ma dahi e hagamoolau ga gaimee, e dee tali ange donu dangada ange laa. Deelaa ai, dahi dangada e hiigai gai dahi gu senga.

1 Corinthians 10:14

Deenei ai, ogu daina hagamogomogo, goodou saavini hulo gee i de daumaha ange gi denga diinonga.

1 Corinthians 7:15

Aagai noo tangada tigi hagadonusia laa gu lodo e maavae ange gi dono bodu, gai gi dugua ange. Noo deenei tagodo, gai taane be go de hine gu hagadonusia laa gu dee noodia i de hainga o de hai bodu. De Maadua gu hagahi gidaadeu gi nnoho i de baba.

1 Corinthians 7:12

Gai au e hai ange gi de gau ange laa (niiagu muna nei, e dee nii Tagi Maolunga): noo dahi daane gu hai bodu ange gi dahi hahine e dee hagadonusia, gai de hine laa e lodo e noho i ono daha, gai taane laa gi dee maavae ange gi de ia.

Acts 9:17

Aagai Ananias ne hano ga ulu i de hale laa ga dugu ange luoono lima gi honga o Saul, ga hai ange, “Dogu daina go Saul, Tagi Maolunga, go Iesu ne hakide adu laa gi de goe i honga de haiava, ia ne hai au gi humai gi gide ai goe ma de hhao gi honu i de Hagasaalunga Dabu.”

Luke 18:11

De Pharisee laa ne vvae gee ia ma dangada gai ia ga duu ga dalodalo, ga hai ange, ‘De Maadua, au e hagaahe adu de abodonu gi de goe, go hiidinga au e dee bei dagodo o dangada ange laa. Gilaadeu ni dangada gaiaa, ma de hai mee dee heohi aama de dagodo haisala, au e dee bei hogi dagodo o taane hagabudu taagisese.

Acts 1:15

Laangi laa gai Peter ne duu age i magavaa o dangada gu hagadonusia laa (taelodo o dangada i kilaa se 120) ga hai ange,

1 Corinthians 6:9

Goodou e dee iloo laa bolo dangada e haia mee dee heohi e dee maua donu i de ulu i de nohoanga hodooligi o de Maadua? Goodou gi dee daahangadia donu huu goodou: gilaadeu e dagodo haisala, ma gilaadeu e daumaha ange gi denga diinonga, ma gilaadeu e gaiaadia bodu o dangada, ma denga daane e dagodo haisala ma denga daane,