1 Corinthians 4:7 - De Beebaa Dabu

⁷ Gai goai ne haia goodou gi dagodo gee ma tangada ange laa? Gai ni aha i oodou daha e dee ni mee ne ngadi gaavadu gi goodou? Gai noo ni mee ne ngadi gaavadu, gai gu aha goodou gu pasa hagassoenga ai naa, e dagodo be e dee ni mee ne ngadi gaavadu gi goodou?

1 Corinthians 4:7 Referans Kwoze

John 3:27

Gai a John ne basa ange ga hai ange, “E deai donu se mee a tangada e maua i de kave, noo e dee gaavange gi de ia mai i de langi.

1 Peter 4:10

Dahi ma dahi gi hagahai hegau ina tuuhanga gu gaavange gi de ia, e bale ange ai de gau ange laa, bei dagodo o tangada e hagahai hegau ina denga hagadaagangaa duuhanga mai i de abodonu o de Maadua.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

Romans 12:6

Aagai mee ne ngadi gaamai gi gidaadeu i de abodonu o de Maadua e dagodo geegee, gai gidaadeu gi hagahai hegau ina mee nei: noo go de agoago i de basa pelaabisi, gai gi haia de hegau nei gi bei odaadeu duuhanga i de gai;

John 1:16

Gai gidaadeu alodahi gu kave de manuuia mai i dono abodonu laumalie e aheahe ange laa ma e gaamai gi gidaadeu.

Proverbs 2:6

I hiidinga go Tagi Maolunga e gaavadu de heiangi abodonu, gai go ia e daalaa adu dagodo o de iloo mee, ma de donu ange.

Luke 19:13

Gai ia ga hagahi e dinoangahulu ono dangada hai hegau, ga gaavange gi gilaadeu e dagidahi mina, ma de hai ange gi gilaadeu, ‘Goodou hagahai hegau ina mee naa ga dae ai gi dogu ahe mai.’

1 Corinthians 15:10

Aagai de abodonu o de Maadua gu hai au gi bei ogu dagodo iainei, gai dono abodonu mai gi de au tee se ngadi mee donu. Gai au e kii ange donu dogu hai hegau hagammahi i de gau tala ange laa — aagai e dee go ogu mahi, gai go de abodonu o de Maadua mai gi de au.

1 Corinthians 7:7

Mee naa dangada alodahi gi dee hai bodu bei ogu dagodo. Aagai dahi ma dahi gu kave dono duuhanga mai i daho de Maadua; tuuhanga o dahi e dagodo gee ma tuuhanga o tangada ange laa.

Romans 12:3

Gai au e hai adu gi goodou alodahi, i hiidinga de abodonu o de Maadua mai gi de au, dahi ma dahi gi dee gona odi dana hagadubudubu donu huu ia; aagai ia gi maua i de maanadu gi heohi, bei de hai a de Maadua gu gaavange ai gi dahi ma dahi dono duuhanga i de gai.

Romans 1:5

Gai go ono hiidinga amaadeu ne maua ai i de kave de abodonu o de Maadua ma de hegau a tangada tala, gi maua ai e huaahenua alodahi i de hagallongo ange aama de kai ange gi de ia.

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

Daniel 5:18

De hodooligi, de Maadua Maolunga Mmao laa ne gaavange gi doo damana go Nebuchadnezzar dahi nohoanga hodooligi, ma ssauaa e dagi ai, ma de mahamaha aama de hagadubu.

Ezekiel 29:3

Basa ange hai ange: E hagadaba de Ia Aamua go Iahweh: Tilo, au e hai baasi adu gi de goe, Pharaoh, de hodooligi o Egypt, koe go de dragon e noho laa lodo oo saalingaa vai. Koe e hagadaba, ‘Nile niiagu; au ne hai ssaalingaa vai laa maagu.’

1 Corinthians 5:6

E dee danuaa doodou tuhi donu huu goodou. Goodou e dee iloo bolo hanu momo mee hagahua e hai ga hua de laabungaa pelaoaa alodahi?

1 Corinthians 3:5

Goai go Apollos? Gai goai go Paul? Gimaau ngaadahi ni dangada hai hegau donu huu, ne haia ga maua e goodou i de hagadonusia, bei de hai a Tagi Maolunga gu gaavange ai gi dahi ma dahi dono duuhanga.