1 Corinthians 4:6 - De Beebaa Dabu

⁶ Denga daina, au ne hagadagodo ange de mee nei gi omaau dagodo ma Apollos gi tonu ange ai goodou, gai goodou ga agoago ai i omaau dagodo, gi dee hulo ai goodou laa honga mee gu sisi, gai gi dee duuhia ai e goodou dahi dangada, gai ga hai baasi ange gi tangada ange laa.

1 Corinthians 4:6 Referans Kwoze

2 Corinthians 11:4

Gai noo dahi dangada e humai ga agoago adu goodou i dahi Iesu gee ma de Iesu amaadeu gu agoago adu ai goodou, be go dahi hagasaalunga gee ma de Hagasaalunga oodou gu lava naa i de kave, aabe go dahi longo danuaa gee ma de mee oodou gu daohi naa, gai e moolau naa donu doodou daudali aagena.

2 Corinthians 12:19

Goodou e maanadu naa bolo gimaadeu e hagaheohi adu gimaadeu? Gimaadeu e pasa adu nei i mada luu mada o de Maadua bei dagodo o dangada e seesee i lodo o Klisdo, denga daina hagamogomogo, mee nei alodahi ne hai e hagammahi ai oodou kai.

2 Corinthians 12:6

Gai e dee galemu donu dogu lodo e tuhi donu huu au, gai au e dee bei dagodo o dahi dangada lodo senga, go hiidinga au e tala de muna abodonu. Aagai au e dee hai de mee nei, gi deai ai se dangada e duuhia ogu dagodo gi kii ange i ana mee gu gidee ma de langona i ogu daha.

Colossians 2:18

Goodou gi dee dugua ange dahi dangada gi haia gi dee dau goodou, i dana hagammahi adu goodou gi hagamaolalo i de hadu muna, ma de daumaha ange gi denga dangada de langi, ma de tala hanu midi hagaago ange, ga hagasoenga ai i teai hiidinga, i ana maanadu dee heohi.

1 Thessalonians 1:5

go hiidinga demaadeu longo danuaa tee tala adu donu huu gi goodou i muna, gai ne gaavadu i ssauaa ma de Hagasaalunga Dabu, gai gimaadeu e iloo bolo e heohi abodonu. Goodou gu iloo dagodo omaadeu mouli i de masavaa omaadeu nogo nnoho ai i oodou magavaa; de mee nei ne hai gi danuaa adu ai gi goodou.

Romans 12:3

Gai au e hai adu gi goodou alodahi, i hiidinga de abodonu o de Maadua mai gi de au, dahi ma dahi gi dee gona odi dana hagadubudubu donu huu ia; aagai ia gi maua i de maanadu gi heohi, bei de hai a de Maadua gu gaavange ai gi dahi ma dahi dono duuhanga i de gai.

2 Corinthians 10:7

Goodou e kalo ange donu ma e tilo mee e gide i ganomada. Noo dahi dangada e iloo too donu bolo ia nii Klisdo, gai ia gi hagamaanadu bolo gimaadeu nii Klisdo hogi, bei ono dagodo.

2 Corinthians 4:15

Mee nei alodahi ne hai i oodou hiidinga; gai gi kii ange ai de soa dangada e gaavee de abodonu o de Maadua, gai gu kii ange hogi de laumalie de hagaahe ange de abodonu aama de hagamahamaha ina o de Maadua.

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

1 Corinthians 5:6

E dee danuaa doodou tuhi donu huu goodou. Goodou e dee iloo bolo hanu momo mee hagahua e hai ga hua de laabungaa pelaoaa alodahi?

1 Corinthians 3:19

Go hiidinga de heiangi o henua i lalo nei e bei de lodo senga i daho de Maadua. Gai gu sisi e hai ange, “Ia e hagahaisala naa tangada heiangi i ana hegau vaivai dagodo.”

2 Timothy 2:10

Deenei ai, au e lodo mmahi i de hagauda mee nei alodahi, i hiidinga o dangada a de Maadua gu lava laa i de hili, gi maua ai e gilaadeu de hagamouli i delaadeu kai ange gi Klisdo Iesu, ma de mahamaha e deai laa se ngado mai.

2 Corinthians 10:15

Gai gimaadeu e dee tuhi gimaadeu i hegau a hanu dangada gee, aagai gimaadeu e tali hagalodolodo bolo de masavaa naa huu e hagadagadaga age ai oodou kai, gai amaadeu hegau gu hai i oodou magavaa gu kii ange de somo ga laumalie,

2 Corinthians 10:12

Gai gimaadeu e dee llodo e hai gimaadeu gi bei aabe e hagahedae ange gimaadeu gi gilaadeu e duuhia laa donu huu gilaadeu. Gilaadeu e hagadau haide ma de hagahedae olaadeu dagodo i olaadeu magavaa, gilaadeu ni dangada donu dee tonu.

1 Corinthians 13:4

De aloha e golomagi de lodo, ma de abodonu. De aloha e dee lodo gaiaa, e dee tuhi donu huu ia, gai e dee lodo maolunga.

1 Corinthians 9:23

Au e hai au gi bei mee nei alodahi i hiidinga o de longo danuaa, gi maua ai e au i de kave manuuia o de longo danuaa.

1 Corinthians 5:2

Gai goodou e hagamaolunga! Gai de mee e heohi doodou hai go de daemaha oodou lodo ma aau gee tangada gu haia de hegau nei mai i oodou magavaa!

1 Corinthians 3:21

Deenei ai, tangada gi dee duuhia dangada! Go hiidinga mee alodahi niiodou:

1 Corinthians 1:31

Deelaa ai, gu sisi e hai ange, “Tangada e lodo e tala tuhi dahi mee gi duuhia donu huu Tagi Maolunga.”

1 Corinthians 1:19

Go hiidinga gu sisi e hai ange: “Au e hai naa gi lilo de heiangi o de gau heiangi; ma de hai gi dee sula de iloo mee o de gau iloo mee.”

1 Corinthians 1:12

gai aanei oodou mee e hagadaumee ai: dahi e hagadaba, “Au e daudali ange gi a Paul,” gai dahi e hagadaba, “Au e daudali ange gi Apollos,” gai dahi e hagadaba, “Au e daudali ange gi Cephas,”  gai tangada ange laa e hagadaba, “Au e daudali ange gi Klisdo.”

Isaiah 2:22

Aude tali hagalodolodo ange gi dangada, e manavanava laa i luoono bongaa usu. Gai ni aha naa donu aau e mau ai?

Psalm 146:3

Koe gi dee tali hagalodolodo ange gi denga dagi o de henua, aabe go dama a dangada, go dangada e dee maua i de hagaola goe.

Psalm 8:4

⌊gai au ne ssili,⌋ “Se aha tangada, gai koe ga anga ange ai gi de ia? Gai se aha tama a dangada, gai koe ga abodonu ange ai gi de ia?”

Acts 18:24

Gai e dahi daane Ssuu dono ingoo go Apollos, ia se daane mai i Alexandria, gai gu humai gi Ephesus. Ia se daane heiangi i de basa i honga o dangada gai ia e iloo de Beebaa Dabu.

Acts 19:1

De masavaa o Apollos e noho ai i Corinth, gai Paul ne hano laa uda ga hano ai ga dae gi Ephesus. Gai ia ne hedae ange gi hanu dangada agoago i kilaa.

2 Corinthians 12:20

Gai au e manavasaa i dogu dae adu gi oodou daha, ga gidee bolo oodou dagodo gu dee bei mai dogu lodo ai, gai ogu dagodo gu dee bei adu hogi oodou lodo. Au e manavasaa i dagu gidee bolo goodou e dee buni, gai e llodo gaiaa, ma de moolau de llili, ma tee anga ange gi dangada, ma de hagadau hebagi, ma de hagadau hagabaubau, ma de hai samu, ma de llodo maolunga aama hellumi.