1 Corinthians 4:10 - De Beebaa Dabu

¹⁰ Gimaadeu gu bei de gau llodo ssenga i hiidinga o Klisdo, aagai goodou gu ni dangada heiangi i lodo o Klisdo. Gimaadeu e baageaa, aagai goodou e mmahi. Goodou e hagadubulia, aagai gimaadeu e dee hagadubulia.

1 Corinthians 4:10 Referans Kwoze

1 Corinthians 2:3

Gai au se dangada baageaa ma de madagu mmao aama de bolebole, i dogu masavaa nogo noho ai i oodou daha,

Acts 26:24

Gai de masavaa a Paul e tala ai dono heohi, gai Festus ga hai ange i de leo laumalie, “Paul, koe gu senga i de kona de lagolago au mee gu ago!”

Acts 17:18

Gai hanu dangada i de hagabuulinga e hagaingoo ange laa go de Epicurean ma Stoic ne hagadaumee ange gi de ia. Hanu ne ssili, “Ni muna aha hogi a taane vava de ngudu e tala nei?” Hanu ne hagataba, “Ia e agoago i dagodo o hanu diinonga gee.” Gilaadeu ne tala muna nei i hiidinga de agoago a Paul dagodo o Iesu ma de mouli age.

1 Peter 4:14

Noo goodou e hagadookaa ina i hiidinga de ingoo o Klisdo, gai goodou gu manuuia, go hiidinga de Hagasaalunga o de mahamaha, e bei go de Hagasaalunga o de Maadua, e noho i oodou elunga.

2 Corinthians 13:9

Go hiidinga gimaadeu e malangilangi donu i demaadeu baageaa gai goodou gu mmahi. Gai gimaadeu e dalodalo gi kii ange doodou heohi abodonu.

1 Corinthians 3:18

Gai tangada gi dee hagasengalia donu huu ia. Noo dahi goodou e maanadu bolo ia se dangada heiangi i de mouli nei, gai ia gi se dangada senga, gi heiangi abodonu ai ia.

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.

2 Corinthians 11:29

Goai ne baageaa laa, gai au tee baageaa madali ia? Gai goai ne ahe dua laa, gai au tee daemaha ogu lodo?

2 Corinthians 11:19

Gai goodou ne malangilangi donu i de dugu ange de gau llodo ssenga naa, gai goodou ne maanadu bolo goodou e heiangi!

2 Corinthians 10:10

Go hiidinga gilaadeu e hagataba, “Muna i lodo ana leda e daemaha ma de mmahi, gai de masavaa oona i odaadeu daha ai gai ia se dangada baageaa, gai ana muna e deai ono haigamaiana.”

1 Corinthians 10:12

Deenei ai, tangada e maanadu laa bolo ia e duu ma e makaga gi kana ange gi dee baguu ia.

1 Corinthians 4:8

Goodou gu kave donu mee alodahi oodou e llodo ai! Gai goodou gu ni dangada donu e lava! Gimaadeu e dee ni hodooligi, gai goodou ni hodooligi donu! Mee naa goodou gi ni hodooligi abodonu, gi maua ai hogi e gimaadeu i de hodooligi madali goodou!

1 Corinthians 3:2

Au ne haangai adu goodou i vai uu, e dee go gai makaga, go hiidinga goodou tigi heohi ange gi mee nei. Uaa, goodou goi tigi heohi ange donu aagena,

1 Corinthians 2:14

Tangada e dee noho de Hagasaalunga i ono daha e dee maua i de kave mee e loomai i daho de Hagasaalunga o de Maadua, aagai e maanadu bolo mee nei ni ngadi muna, ia e dee donu ange aagena, go hiidinga go gilaadeu donu huu e noho de Hagasaalunga i olaadeu daha e tonu ange aagena.

Acts 17:32

Gai ga langona huu e gilaadeu dagodo o de mouli age o de gau maakau, gai hanu gilaadeu ga doo ai mee, aagai hanu ne hai ange, “Gimaadeu e llodo koe gi daalaa mai ange mee nei e hagallongo gimaadeu.”

Acts 9:16

gai au e hagaago ange naa gi de ia de lagolago mee oona e hagaduasala ai i hiidinga dogu ingoo.”

Luke 18:9

Iesu ne tala ange hogi de mee hagasengasenga nei gi hanu gilaadeu e hagataba laa bolo gilaadeu ni dangada e heohi, gai e hagangadi mee dangada ange laa:

Luke 10:16

Tangada e hagalaangona oodou muna e hagallongo donu agu muna; gai tangada e kino i goodou e kino donu i de au. Aagai tangada e kino i de au e kino donu hogi i de ia ne haia nei au gi humai.”

Luke 6:22

E manuuia goodou noo dangada e kino i goodou, ma de vvae gee goodou ma de pasa baubau i goodou, ma de hagangadi mee goodou ma de hagamalaia goodou i hiidinga o Tama a Tangada!

Matthew 24:9

Dangada e gaavange naa goodou e hagaduasala ma de daa goodou ga maakau, gai dangada alodahi e kino naa i goodou i hiidinga o dogu ingoo.

Matthew 5:11

E manuuia goodou noo e pasa baubau dangada i goodou, ma de vaivai hai goodou, aama de tala denga hagadaagangaa muna hhadu, e hai baasi adu ai gi goodou i ogu hiidinga.

Hosea 9:7

Denga laangi o de hagaduasala gu tae mai donu, laangi e hagao ange ai hegau a dangada gu paa mai. Haia gi iloo e Israel de mee nei. De pelaabisi gu bei tangada lodo senga; gai taane iai de hagasaalunga gu senga ange, go hiidinga oodou baubau gu lagolago mmao gai goodou gu kona mmao de hagadau kino.

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Proverbs 11:12

Tangada lodo senga e hagangadi mee tangada e baa ange gi de ia, aagai tangada e donu ange e hagapuni dono ngudu.

2 Kings 9:11

De masavaa o Jehu ne sao mai ai gi daho de gau hai hegau o dono dangada aamua, gai dahi gilaadeu ga ssili ange gi de ia, “Ni aha gu hai naa? Gai gu aha gu humai ai naa taane senga naa gi oo daha?” Jehu ne hai ange gi gilaadeu, “Goodou e iloo naa donu huu dagodo o tangada senga ma ana muna e tala.”

1 Corinthians 1:21

Gai go hiidinga de heiangi o de Maadua, henua i lalo tee maua gi iloo de Maadua i olaadeu heiangi donu huu, gai de Maadua ne malangilangi i de hagamouli dangada gu hagadonusia laa, i muna e deai ono haigamaiana, go mee omaadeu e agoago ai nei.

1 Corinthians 1:23

aagai gimaadeu e agoago dagodo de daudau o Klisdo i de laagau lui, go mee e hagahaisala ina de gau Ssuu, gai ni ngadi muna i daho denga Gentile.

1 Corinthians 1:25

Gai de lodo senga o de Maadua e kii ange i de heiangi o dangada, gai de baageaa o de Maadua e mmahi ange i mahi o dangada.

2 Corinthians 6:8

i de hagadubu ma tee hagadubu, i de hagabaubau ina ma demaadeu duuhia. Gimaadeu gu hagabinga bolo ni dangada e daahangadia dangada, aagai gimaadeu e hai hegau donu i de mee abodonu,

2 Corinthians 4:12

Deenei ai, de magau e hai hegau i omaadeu daha, aagai e hai gi maua e goodou de mouli.