1 Corinthians 3:7 - De Beebaa Dabu

⁷ Tangada doo ma tangada hagamaluulu e dee hagamogomogo, aagai go de Maadua e haia laa ga somo e hagamogomogo.

1 Corinthians 3:7 Referans Kwoze

John 15:5

Go au de grapevine; goodou go denga laa. Be goai e noho i ogu lodo, gai au e noho i ono lodo, gai ia e hua lagolago. Goodou e dee maua donu i de hai dahi mee daudahi, noo goodou e dee noho i ogu lodo.

Galatians 6:3

Go hiidinga noo tangada e maanadu bolo ia se mee dau, gai ia e dee dau donu, aagai ia e hagasenga donu huu ia.

2 Corinthians 12:9

Aagai ia ne hai mai gi de au, “Dogu abodonu e dohu i de bale adu ai goe, gai ogu mahi e hai ga honu abodonu i doo baageaa.” Deenei ai, au e kii ange donu de malangilangi i de tala tuhi dogu baageaa, gi dagodo ai ssauaa o Klisdo i ogu daha.

Psalm 115:1

Tagi Maolunga, e dee niiomaadeu, e dee niiomaadeu, aagai niiou de mahamaha, i hiidinga doo abodonu, ma doo hai hegau i de muna abodonu.

1 Corinthians 13:2

Gai noo au e maua i de basa pelaabisi, ma de donu ange gi mee alodahi e dee iloo laa, ma de kave de iloo mee alodahi, gai noo e dahi ogu gai e hagangaalue ai denga mounga, aagai e deai se aloha i ogu daha, gai au se ngadi mee donu.

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Isaiah 41:29

Tilo, gilaadeu alodahi ni ngadi mee, alaadeu hegau e deai donu haigamaiana, olaadeu diinonga baalanga e bei de ngadi madangi.

Isaiah 40:17

Denga huaahenua alodahi e bei donu teai i ono daha, gilaadeu e bei donu mee e deai haigamaiana, gai e kii mai ange donu tee haigamaiana.

Psalm 90:17

De abodonu o de Ia Aamua taadeu Maadua gi dagodo i omaadeu daha, gai hagassula ina amaadeu hegau alodahi; uaa, hagassula ina amaadeu hegau alodahi.

1 Corinthians 3:6

Au ne doo gai Apollos ne hagamaluulu, gai go de Maadua ne haia ga somo.

1 Corinthians 3:8

Tangada doo ma tangada hagamaluulu e hedae donu huu, gai gilaau e kave naa hagaoanga o alaau hegau.

2 Corinthians 12:11

Au ne basa be se dangada lodo senga! Gai go goodou donu ne hidi ai. De mee heohi, go goodou donu e duuhia ngau. Go hiidinga au e dee maolalo ange donu i dangada e hagataba naa bolo gilaadeu ni dangada tala maolunga, e dee galemu donu au se dangada e dee dau.