1 Corinthians 3:12 - De Beebaa Dabu

¹² Gai noo dahi dangada e hagaduu i honga tagelo nei i goolo, be go selevaa, be go hadu hagamogomogo, be go laagau, aabe go helii ma lau mmasa —

1 Corinthians 3:12 Referans Kwoze

2 Timothy 4:3

I hiidinga e dae mai naa de masavaa a dangada e dee llodo ai e hagallongo denga agoago heohi, gai ga daudali ange i gilaadeu e agoagona mee olaadeu e malangilangi i de hagallongo.

2 Timothy 3:7

denga haahine bee nei e agoago ina i masavaa alodahi, aagai e dee maua gi tonu ange gi de muna abodonu.

2 Timothy 2:20

Lo te hale o tangada lava iai denga goloa goolo ma goloa selevaa, aagai iai hogi goloa e hai i laagau ma bela pigi; hanu ni mee ange gi hegau hagamogomogo, gai hanu ange gi hegau i de laa tubua.

Revelation 21:18

Gai de buibui laa ne hai i jasper, gai de aduhale ne hai i goolo danuaa mmao, gai e malamalama bei de galaasa.

Revelation 3:18

Deenei ai, au e hai adu koe gi hagao ina hanu goolo gu lava laa i de hagadanuaa i de ahi i ogu daha, gi lava ai goe, ma de gahu i malo tea, gi dee hagadookaa ai oo dagodo i teai oo malo. Hagao ina hogi hanu valaai e hai ai luoo ganomada gi gide ai goe.

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

Psalm 119:72

De hainga aau e tala e hagamogomogo ange i de mano dibadibaa goolo ma selevaa i ogu daha.

Psalm 19:10

Ana muna e hagamogomogo ange i goolo, ma goolo danuaa hugadoo; gai e maimai ange i denga hooni ma denga hooni mai i lo te mommee iai hooni.

Revelation 2:14

Aagai e hanu agu momo mee e hagasee ai goe: e hanu dangada i oodou magavaa e daohi agoago a Balaam, taane ne agoagona ange Balak gi haia gi haisala de gau Israel, gai gi gaina ai e gilaadeu mee gu sigidaumaha ange gi denga diinonga, aama de hai denga dahulinga hai be se manu.

Hebrews 13:9

Goodou gi dee hagasengalia i denga hagadaagangaa agoago ma agoago gee. Gai e danuaa doodou hagammahi oodou lodo i de abodonu o de Maadua, e dee go hainga ma dahulinga o denga gai. Mee nei e deai donu haigamaiana ange gi gilaadeu e daudali ai.

2 Timothy 3:13

aagai de gau baubau ma dangada e daahangadia dangada e hagadagadaga ange naa donu de baubau; gilaadeu e daahanga naa dangada, gai gilaadeu gu daahangadia donu hogi.

1 Timothy 6:3

Gai noo dahi dangada e agoago i hanu mee gee, e dee bei denga agoago heohi a taadeu Dagi Maolunga go Iesu Klisdo, ma agoago i lodo o de Maadua,

Colossians 2:8

Goodou diiloo maalie gi deai dangada e gaavee oodou lodo i denga hagasaele ma maanadu hadu muna e deai ono haigamaiana, e daudali laa i dahulinga a dangada ma hagasaalunga mmahi o henua i lalo, gai e dee bei dagodo lodo o Klisdo.

2 Corinthians 2:17

Gai gimaadeu e dee bei dagodo o dangada soa, e haia laa muna a de Maadua bei goloa e hagao laa gi daha gi lagolago ai olaadeu mee. Aagai gimaadeu e hai hegau i de muna abodonu, i demaadeu agoago i mada luu mada o de Maadua, i lodo o Klisdo, bei de hai a de Maadua gu hagadabu ai gimaadeu.

Romans 16:17

Denga daina, au e dangidangi adu goodou gi dagidiiloo dangada e hagadee heloongoi ina laa magavaa o dangada, ma de haia mee e dee bei de hai oodou gu agoago ai. Goodou gi dee hagabuni ange gi gilaadeu.

Acts 20:30

Gai e hanu donu hogi dangada i oodou magavaa e hiihidi age ga hagahaisala de mee heohi ga dagi gee ai hanu daina.

Jeremiah 23:28

De pelaabisi gu hai laa dahi midi gi daalaa dana midi, aagai tangada e daohia agu muna gi kana ange gi daalaa agu muna i de heohi. Gai e dee dagodo daudahi donu lau o de grain ma denga hua, go Tagi Maolunga e hagadaba.

Isaiah 60:17

Au e gaavadu naa gi de goe goolo e sui ai bronze, denga selevaa e sui ai iron, denga bronze e sui ai laagau, gai denga iron e sui ai hadu. Au e hai naa de noho baba gi dagina goe gai de heohi go doo hodooligi.

Proverbs 30:6

Aude hagapuni ina ange dahi muna gi ana muna, ia kana hagasee goe, gai gu iloo bolo koe se dangada hadu muna.

Proverbs 16:16

E danuaa ange dau hai gi heiangi goe i de hai gi lagolago au goolo, ma dau hilihili gi donu ange goe i dau hai gi lagolago au selevaa.

Proverbs 8:10

Gaavee agu agoago, e dee go denga selevaa; gaavee de heiangi, e dee go denga goolo danuaa.

2 Corinthians 4:2

Gimaadeu gu tili gee hegau hagadookaa e hai hagammuni laa. Gimaadeu gu dee hai hegau hagasenga ma tee hagahaisala muna a de Maadua, aagai gimaadeu e tala de muna abodonu i mada luu mada o de Maadua, aama tagi i de lodo o dahi ma dahi.

1 Corinthians 3:11

Gai e deai ange donu se dangada e maua i de hagadagodo dahi dagelo gee ma tagelo gu lava laa i de hagadagodo, go Iesu Klisdo.

1 Corinthians 3:13

dagodo hegau a dahi ma dahi e ssula danuaa mai naa; i hiidinga e hagaago mai naa i de Laangi laa, de ahi e hai naa ga iloo ono dagodo. Gai de ahi e hagatale ange naa ga tilo be aahee dagodo hegau a dahi ma dahi.

Exodus 5:12

Deelaa ai, dangada ne hulo ga hagadaga i honga Egypt alodahi ga hagabudu ai denga bulubulu lau mmasa e doe e sui ai denga lau grain mmasa.