1 Corinthians 2:8 - De Beebaa Dabu

⁸ Gai e deai donu se dagi o de masavaa go iainei e donu ange gi de mee nei. Noo gilaadeu ne tonu ange aagena, aagai gilaadeu tee daudau Tagi Maolunga mahamaha laa i de laagau lui.

1 Corinthians 2:8 Referans Kwoze

James 2:1

Denga daina, goodou gi dee hilihili dangada, noo goodou ni dangada e kai ange gi Iesu Klisdo taadeu Dagi Maolunga mahamaha laa.

Acts 13:27

Gai dangada ne nnoho i Jerusalem ma olaadeu dagi ne hagassula donu muna a denga pelaabisi e dau laa i laangi o Sabbath alodahi, i delaadeu hagabuu ange ssala gi de ia, i hiidinga gilaadeu tee madea ia be ne tonu ange gi muna laa.

Acts 7:2

Stephen ne hai ange, “Denga daina, ma damana, goodou hagalaangona agu muna. De Maadua o de mahamaha ne hakide ange gi taadeu dubuna madagidagi go Abraham, i dono masavaa goi noho ai i Mesopotamia, i mua dono hano ga noho i Haran,

1 Corinthians 2:6

Gai gimaadeu ne agoago i muna o de heiangi i magavaa o dangada gu maatua abodonu, aagai e dee go de heiangi o de masavaa go iainei, aabe go de heiangi o denga dagi i de masavaa nei, go gilaadeu gu dai llilo.

1 Timothy 1:13

I mua gai au se dangada e basa baubau i de ia, ma de vaivai hai dangada ma de alasala. Gai de Maadua ne lodo aloha mai gi de au, i hiidinga au ne hai mee nei i dogu dee donu ma tee hagadonusia.

2 Corinthians 3:14

Aagai de gau Israel ne hagamakaga olaadeu lodo; anailaa nei donu, gai de masavaa naa huu alaadeu e dau ai de hagatoo donu hagaheloongoi duai, gai de mee haoli laa tigi aau gee donu, i hiidinga go daho Klisdo donu huu e maua ai i de aau gee de mee laa.

John 16:3

Gai gilaadeu e hai mee nei i hiidinga gilaadeu e dee iloo dogu Damana, gilaadeu e dee iloo hogi au.

John 8:19

Gai gilaadeu ga ssili ange gi de ia, “I hee iai doo Damana?” Iesu ne hai ange, “Goodou e dee iloo donu au aabe go dogu Damana. Noo goodou e iloo au, gai goodou e iloo hogi dogu Damana.”

John 7:48

Gu hanu nei dagi aabe ni Pharisee ne hagadonusia ia?

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Luke 23:34

Gai Iesu ne hagadaba, “Tamana, degi ange gi gilaadeu; go hiidinga gilaadeu e dee iloo donu alaadeu mee e hai.”  Gai gilaadeu ne dada ga duha ai ono malo.

Matthew 13:22

Gai golee ne too ange laa gi magavaa o denga manu daladala, go tangada e langona e ia muna laa; aagai mee hagamanavasaa o henua i lalo nei, ma de lava e hagasengalia laa dangada ga hagakabi muna laa, gai tee maua gi hhua.

1 Corinthians 1:20

Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?

Ephesians 1:17

Au e dalodalo ange gi de Maadua o Iesu Klisdo taadeu Dagi Maolunga, Tamana o de mahamaha, ia gi gaavadu gi goodou de Hagasaalunga o de heiangi ma de hagaago adu gi iloo e goodou ono dagodo,

Ephesians 4:18

Alaadeu maanadu e kona mmao de gohu, gilaadeu gu vvae gee i de mouli o de Maadua, i hiidinga delaadeu llodo ssenga ma de makaga olaadeu lodo;