1 Corinthians 2:7 - De Beebaa Dabu

⁷ Aagai gimaadeu ne agoago i de heiangi o de Maadua e dee iloo laa, gai se heiangi e hagammuni, go de heiangi a de Maadua ne hagasauaa i mua taamada o de masavaa, gi maua ai e gidaadeu de mahamaha.

1 Corinthians 2:7 Referans Kwoze

2 Peter 1:3

Ssauaa o de Maadua gu gaamai gi gidaadeu mee alodahi odaadeu e mouli ai i lodo o de Maadua, i taadeu iloo de ia ne hagahia gidaadeu gi gaavee dono mahamaha ma dono danuaa mmao,

Matthew 13:35

Ia ne hai mee nei e hagassula ai mee gu tala laa i daho de pelaabisi e hai ange, “Au e basa naa i denga mee hagasengasenga; au e tala naa mee e dee iloo laa mai i taamada age o henua i lalo.”

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Psalm 78:2

Au e basa naa i de mee hagasengasenga; au e tala naa mee e dee iloo laa madagidagi,

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

Ephesians 1:4

Gai ia ne hili gidaadeu i mua de hai o henua i lodo o Klisdo, gai ia ga hai ai gidaadeu gi dabu ma tee haisala i mada luoono mada i de aloha.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

2 Timothy 1:9

go de ia ne hagamouli ina gidaadeu ma de hagahi ange gidaadeu gi de mouli dabu — aagai e dee go hiidinga o adaadeu hegau gu hai, gai go hiidinga o dana hagatau aama dono abodonu mai gi gidaadeu i lodo o Klisdo Iesu mai i taamada age,

1 Peter 5:1

Au e hagakana ange denga dagi o de nohoanga dabu i oodou magavaa, i hiidinga au gu se dagi hogi bei olaadeu dagodo, gai se dangada ne gidee de hagaduasala o Klisdo, gai e kave naa hogi de mahamaha gu dai hagaago mai laa:

Romans 8:29

Go hiidinga gilaadeu a de Maadua gu iloo i mua, gu lava hogi i dana hagatau bolo gilaadeu e hai naa gi bei dagodo o dana Dama, gai ia ga hai ai dana Dama go tama madua i magavaa o denga hai daina soa.

Romans 8:30

Gai gilaadeu aana gu lava laa i de hagatau olaadeu dagodo gu lava hogi i dana hagahi, gai gilaadeu aana gu hagahi laa gu lava hogi i dana hai gi dabu; gai dangada aana gu hai laa gi dabu gu lava hogi i dana hagamahamaha.

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.

1 Corinthians 2:1

Denga daina, dogu masavaa ne dae adu ai gi oodou daha, gai au tee hanadu ga agoago adu goodou i muna a de Maadua i muna maolunga, aabe go de iloo mee o dangada.

Ephesians 3:10

gai ia gu hagaago mai ai iainei i daho de nohoanga dabu, ange gi denga dagi, ma gilaadeu iai ssauaa i lo te langi denga hagadaagangaa heiangi o de Maadua.

Hebrews 1:2

aagai denga laangi hagaodi nei, gai ia gu basa mai hogi gi gidaadeu, i daho dana Dama Daane, go de ia gu hili e bolo ange aagena mee alodahi, gai go ono daha hogi aana ne hai ai henua i lalo alodahi.

Hebrews 11:3

Go de gai adaadeu ne maua ai i de tonu ange, bolo de langi ma henua i lalo ne hai i muna a de Maadua ne tala, gai mee adaadeu e gidee ne hai i mee e dee gidee laa.