1 Corinthians 2:15 - De Beebaa Dabu

¹⁵ Tangada e noho de Hagasaalunga i ono daha e maua i de hagamodu dagodo o mee alodahi, aagai e deai donu se dangada e maua i de hagamodu ono dagodo.

1 Corinthians 2:15 Referans Kwoze

1 Thessalonians 5:21

aagai hagataalea ange mee alodahi; gai daohi mee danuaa.

Proverbs 28:5

De gau baubau e dee tonu ange gi dagodo o de hagamodu heohi, aagai gilaadeu e saalaa Tagi Maolunga e honu delaadeu tonu ange.

Hebrews 5:14

Aagai denga gai makaga ni mee ange gi dangada gu maatua abodonu, i hiidinga gilaadeu gu agoago ma gu hagaabo ange gilaadeu gi de vvae mee danuaa ma mee baubau.

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

1 Corinthians 14:37

Noo tangada e maanadu bolo ia se pelaabisi, gai se duuhanga hegau donu mai i daho de Hagasaalunga, gai ia gi donu ange bolo agu muna e sisi adu ni muna donu nii Tagi Maolunga.

Galatians 6:1

Denga daina, noo dahi dangada gu haisala, aagai goodou gu maatua abodonu laa i de hagasaalunga gi balea ange gi hagaahea mai ia i de lodo maolalo. Gai goodou dagidiiloo gi dee hagataalea hogi goodou.

Philippians 1:10

gi maua ai e goodou i de buni ange gi de mee heohi, gai goodou gu gilimalali ma teai oodou baubau i de laangi o Klisdo e ahe mai ai.

1 Corinthians 3:1

Aagai au, e denga daina, e dee maua i de basa adu gi goodou bei dagodo o dangada e noho de Hagasaalunga i olaadeu daha, aagai e basa ange gi dangada goi daudali i lodo o de angaanga, bei denga gaagaa i lodo o Klisdo.

Colossians 1:9

Deenei ai, tigi helui donu demaadeu dalodalo i goodou mai i de laangi amaadeu ne langona ai oodou dagodo; gimaadeu e dangidangi gi honu danuaa doodou iloo ono lodo, i de heiangi aama de tonu danuaa ange gi mee alodahi i de baasi gi de hagasaalunga.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

Acts 16:3

Gai a Paul ne lodo e kave Timothy madali ia, deelaa ai, ia ne tuu dagaholiage Timothy i hiidinga o de gau Ssuu e nnoho laa i kilaa; gilaadeu alodahi e iloo bolo tamana o Timothy se daane Greek.

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

Ecclesiastes 8:5

Tangada e daudali i de hainga, e dee hagammae donu, gai tangada heiangi e iloo de masavaa heohi ma dono hai e hai ai.

Psalm 25:14

Tagi Maolunga e tala ange ono lodo gi gilaadeu e maatagu i de ia; ia e hai gi iloo e gilaadeu dana hagatoo donu hagaheloongoi.

2 Samuel 14:17

Gai au ne maanadu, bolo muna a de hodooligi e hai naa ga baba ogu lodo; go hiidinga koe, dogu dangada aamua go de hodooligi, e maua i de vvae tanuaa mai i de baubau, bei dagodo o tangada de langi o de Maadua. Tagi Maolunga doo Maadua gi noho i oo daha!”

1 John 2:20

Aagai doodou hagadabu i de lolo se mee mai i daho de Ia Dabu laa, gai goodou alodahi gu iloo donu de muna abodonu.