1 Corinthians 2:12 - De Beebaa Dabu

¹² Gidaadeu tee kave de hagasaalunga o henua i lalo, aagai ne kave de Hagasaalunga mai i daho de Maadua, gi maua ai e gidaadeu i de tonu ange gi mee a de Maadua gu ngadi gaamai gi gidaadeu.

1 Corinthians 2:12 Referans Kwoze

1 John 2:27

Aagai de hagadabu i de lolo oodou gu kave naa i daho Klisdo gu noho donu i oodou lodo, deenei ai, e deai ange donu se dangada e agoagona adu goodou i de mee heohi. Aagai go de hagadabu i de lolo oodou gu kave naa e agoagona adu goodou i mee alodahi, gai ni muna abodonu, e dee ni muna hhadu — goodou nnoho i ono lodo bei doodou hai gu agoago ai naa.

1 John 2:20

Aagai doodou hagadabu i de lolo se mee mai i daho de Ia Dabu laa, gai goodou alodahi gu iloo donu de muna abodonu.

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

James 4:5

Goodou e maanadu bolo ni ngadi muna e sisi laa i de Beebaa Dabu, e hai ange, “De Maadua e lodo gaiaa ange mmao i de hagasaalunga aana gu hai laa gi noho i odaadeu lodo”?

Romans 8:32

De Maadua tee daohi donu dana Dama i gidaadeu, aagai ne gaavange ia e daa gi magau i odaadeu hiidinga alodahi, gai e dee kii ange laa dana mau i de gaamai mee alodahi gi gidaadeu madali dana Dama?

Revelation 22:6

Gai tangada de langi laa ne hai mai gi de au, “Muna nei ni muna abodonu gai e heohi. Tagi Maolunga, de Maadua ne hagangaalue ina laa lodo o denga pelaabisi i dono Hagasaalunga, ne hai dono dangada de langi gi humai gi hagaagona ange gi ono dangada hai hegau mee gu dai loomai.”

1 Corinthians 3:22

e dee hilihili be go Paul, be go Apollos, be go Cephas, be go henua i lalo, be go de mouli, be go de magau, be go de masavaa go iainei, aabe go de masavaa e humai — mee nei alodahi niiodou,

Ephesians 2:2

go doodou hai nogo mouli ai, goodou ne daudali i dahulinga o henua i lalo nei, ma de daudali ange i tagi mmahi o lo te langi, go de hagasaalunga e hai hegau i lodo o dangada e dee hagallongo ange gi de Maadua.

1 Corinthians 2:6

Gai gimaadeu ne agoago i muna o de heiangi i magavaa o dangada gu maatua abodonu, aagai e dee go de heiangi o de masavaa go iainei, aabe go de heiangi o denga dagi i de masavaa nei, go gilaadeu gu dai llilo.

1 Corinthians 1:27

Aagai de Maadua ne hili gilaadeu e llodo ssenga i henua i lalo e hagadookaa ai gilaadeu e heiangi, gai de Maadua ne hili gilaadeu e baageaa i henua i lalo e hagadookaa ai gilaadeu e mmahi.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.