1 Corinthians 2:10 - De Beebaa Dabu

¹⁰ aanei mee a de Maadua gu hagaago mai gi gidaadeu i daho dono Hagasaalunga. Go hiidinga de Hagasaalunga e tilo gi iloo mee alodahi, aama mee donu hogi a de Maadua e hai ngadaa laa i de iloo.

1 Corinthians 2:10 Referans Kwoze

John 14:26

Gai de Ia Bale, go de Hagasaalunga Dabu, go de ia a Tamana e hai gi humai i dogu ingoo, e agoago adu goodou i mee alodahi, ma de hagamaanadu adu gi goodou mee alodahi, aagu gu lava i de tala adu gi goodou.

Ephesians 3:5

De Maadua tee hagaago ange mee nei gi denga atangada i mua, bei de hai gu hagaago ange ai gi ono dangada tala dabu, ma denga pelaabisi i daho de Hagasaalunga ⌊Dabu⌋.

Luke 10:21

De masavaa laa gai Iesu ne malangilangi mmao i daho de Hagasaalunga Dabu, ga hagadaba, “Au e tuhi goe, Tamana, Tagi Maolunga o de langi ma henua i lalo, go hiidinga koe ne hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi. Uaa, Tamana, aanei donu oo lodo.

Ephesians 3:3

go de mee e dee iloo laa ne hagaago mai ai gi de au, bei dagu hai gu sisi adu ai hanu ono dagodo.

Galatians 1:12

Gai au tee kave mai i daho dangada, aabe se mee niiagu ne agoago ai i daho dahi dangada; aagai se mee ne hagaago mai gi de au i daho Iesu Klisdo.

Matthew 16:17

Iesu ne hai ange gi de ia, “Simon tama daane a Jonah, koe gu manuuia! Go hiidinga e dee go dangada ne hagaagona adu mee nei gi de goe, aagai go dogu Damana i de langi laa.

Matthew 13:11

Iesu ne hai ange gi gilaadeu, “Gu dugu adu gi maua e goodou i de tonu ange gi mee o de nohoanga hodooligi o de langi e dee iloo laa, aagai tigi dugu ange gi gilaadeu.

John 16:13

Aagai de masavaa naa huu o de Hagasaalunga o de mee abodonu e humai ai, gai ia ga dagi ange goodou i de mee abodonu alodahi. Gai ia e dee basa i dono sauaa donu huu, gai ia e tala ana mee alodahi gu langona, gai ia ga tala adu ai gi goodou mee gu dai loomai.

1 Peter 1:12

Gai ne hagaago ange gi gilaadeu bolo gilaadeu e dee hai hegau ange donu huu gi gilaadeu gai adu hogi gi goodou, i de masavaa alaadeu ne tala adu ai laa mee gu tala adu naa hogi gi goodou iainei i daho olaadeu ne agoagona adu goodou i de longo danuaa, i ssauaa o de Hagasaalunga Dabu ne hai laa gi hano iho i de langi. Gai denga dangada de langi e llodo donu hogi gi tonu ange gilaadeu gi mee nei.

1 John 2:27

Aagai de hagadabu i de lolo oodou gu kave naa i daho Klisdo gu noho donu i oodou lodo, deenei ai, e deai ange donu se dangada e agoagona adu goodou i de mee heohi. Aagai go de hagadabu i de lolo oodou gu kave naa e agoagona adu goodou i mee alodahi, gai ni muna abodonu, e dee ni muna hhadu — goodou nnoho i ono lodo bei doodou hai gu agoago ai naa.

1 Corinthians 2:11

E deai donu se dangada e iloo maanadu a dahi dangada, go de hagasaalunga donu huu i ono lodo laa. E bei ai hogi, e deai donu se dangada e donu ange gi maanadu a de Maadua, go de Hagasaalunga donu huu o de Maadua.

Amos 3:7

Ni muna abodonu, de Ia Aamua go Iahweh e dee hai donu dahi mee daudahi noo ia e tigi hagaago ange dana hagatau gi ono dangada hai hegau go denga pelaabisi.

De Beebaa go Job 12:22

Ia e hai gi gidee mee e llilo i lo te gohu, gai e hagamaalama de mommee gohu boo dangodango.

1 John 2:20

Aagai doodou hagadabu i de lolo se mee mai i daho de Ia Dabu laa, gai goodou alodahi gu iloo donu de muna abodonu.

1 Corinthians 14:30

Noo de Maadua gu hagaago ange dahi mee gi dahi dangada e noho laa gi lalo, gai tangada e basa laa gi duudia dono ana muna.

Luke 2:26

Gai de Hagasaalunga Dabu ne hagaago ange gi de ia bolo ia e dee magau ga dae ai gi dana gidee de Klisdo mai i daho Tagi Maolunga gu lava laa i de hagatoo donu.

Daniel 2:22

Ia e hagaago mai mee e dee tonu ange dangada aagena ma de hagammuni; ia e iloo mee i lo te gohu; gai de maalama e dagodo i ono daha.

Isaiah 48:16

Loomai gi paa mai goodou gi de au, mage hagalaangona muna nei: Mai i taamada gai au tee tala hagammuni dahi mee, de masavaa ne hai ai mee nei, gai au i kilaa. Iainei gai de Ia Aamua go Iahweh ma dono Hagasaalunga gu hai au gi humai.

Revelation 1:1

Hagaago ange a Iesu Klisdo, go mee a de Maadua ne gaavange ia gi hagaagona ange gi ono dangada hai hegau, i dagodo o mee e loomai. Ia ne hai gi humai dono dangada de langi gi hagaagona ange mee nei gi dono dangada hai hegau go John,

Isaiah 59:21

Gai e hagadaba Tagi Maolunga, “Deenei dagu hagatoo donu hagaheloongoi ange gi gilaadeu: dogu Hagasaalunga e noho naa i oo daha, ma agu muna gu hhao adu gi lo too ngudu, e dee hulo gee naa donu mai i lo too ngudu, ma mai i lodo ngudu o au dama, aama lodo ngudu olaadeu hagadiilinga, mai iainei ga hano ai,” go Tagi Maolunga e hagadaba.

1 Timothy 4:1

Gai de Hagasaalunga ⌊Dabu⌋ gu tala bolo hanu e daahuli gee naa i de gai i laangi hagaodi, gai gilaadeu ga daudali i lodo o hagasaalunga hadu muna aama de agoago i daho denga hagasaalunga baubau.

Revelation 2:24

Aagai au e hai adu gi goodou dangada o Thyatira ange laa, go goodou tee daohia laa agoago nei, gai tee agoago i mee a hanu e hagabinga laa bolo go aagonga i lalo a Satan: e deai ange donu agu mee e hagauda adu e hagadaemaha ai goodou;