1 Corinthians 16:8 - De Beebaa Dabu

⁸ Aagai au e noho naa i Ephesus ga dae ai gi de Pentecost,

1 Corinthians 16:8 Referans Kwoze

Acts 2:1

De masavaa huu ne dae mai ai de laangi o de Pentecost, gai gilaadeu alodahi ga hagabuni i dahi mommee.

Exodus 23:16

Gai koe daoa Taonga o de Hagihagi, ga gaamai huamanu e hagihagi i taamada hugadoo, mai i denga manu e doo i honga doo gelegele. Dao hogi Taonga o de Hagabudu mai o denga huamanu, i de hagaodi o de ngadau, i de masavaa e odi mai ai huamanu i lodo au veelenga.

1 Corinthians 15:32

Gai ni aha naa donu aagu e mau, i dogu hebagi ange gi denga manu alasala i Ephesus? Noo de gau maakau e dee mouli age donu, “Gidaadeu ga gaimee ma de unu, go hiidinga daiao gidaadeu e maakau.”

Acts 18:19

Gai ga tae huu gilaadeu gi Ephesus, gai a Paul ga dugu Priscilla ma Aquila i kilaa. Gai ia ne hano gi lo te synagogue ga madaangudu ange ai gi de gau Ssuu.

Acts 18:21

Aagai dono masavaa ne malanga ai e hano, gai ia ne hai ange gi gilaadeu, “Au e ahe mai naa donu gi oodou daha, noo go lodo o de Maadua.” Gai ia ga malanga ga hano gee mai i Ephesus.

Acts 19:1

De masavaa o Apollos e noho ai i Corinth, gai Paul ne hano laa uda ga hano ai ga dae gi Ephesus. Gai ia ne hedae ange gi hanu dangada agoago i kilaa.

Acts 20:16

Gai a Paul ne hagatau bolo ia e dee dau age i Ephesus, ia tee lodo e noho i Asia, i hiidinga ia e hagamoolau e hano gi dae gi Jerusalem, i de laangi o de Pentecost, noo e maua.